<p>Ind vs Zim T20 Series | జింబాబ్వేతో జరిగిన 3 మ్యాచ్‌ల టీ20 సిరీస్‌లో వైభవ్ సూర్యవంశీ అద్భుతంగా రాణించి 'ప్లేయర్ ఆఫ్ ది సిరీస్'గా నిలిచాడు. సిరీస్‌లోని మూడోదైన చివరి మ్యాచ్‌లో వైభవ్ కీలక ఇన్నింగ్స్ ఆడాడు. ఆ ఇన్నింగ్స్‌కుగానూ 15 ఏళ్ల క్రికెటర్ వైభవ్ ప్లేయర్ ఆఫ్ ది మ్యాచ్ అవార్డు సొంతం చేసుకున్నాడు. వైభవ్ ఈ మూడు టీ20 మ్యాచ్‌లలో 2 అర్ధసెంచరీలు సాధించాడు. ఆ హాఫ్ సెంచరీ చేసిన తరువాత వైభవ్ సూర్యవంశీ ఒక ప్రత్యేకమైన రీతిలో వేడుకలు చేసుకున్నాడు. వైభవ్ ఎందుకలా చూపిస్తున్నాడు.. దాని గురించి తెలుసుకోవాలని క్రికెట్ ప్రేమికులు భావించారు. </p>
<p>వైభవ్ సూర్యవంశీ చేసుకున్న సెలబ్రేషన్ వెనుక ఉన్న రహస్యమేమిటనే ప్రశ్న సోషల్ మీడియాలో హాట్ టాపిక్ అయింది. ఈ వేడుకల గురించి వండర్ కిడ్ వైభవ్ స్వయంగా వెల్లడించాడు. ఒక సెలబ్రేషన్ వెనుక రింకూ సింగ్ పాత్ర కూడా ఉందని వైభవ్ చెప్పాడు. 15 ఏళ్ల వైభవ్ తొలి హాఫ్ సెంచరీ తరువాత A అనే ఆకారాన్ని చూపుతూ సెలబ్రేట్ చేసుకున్నాడు. మూడో టీ20లో సెలబ్రేషన్‌లో వైభవ్ డబుల్ థంబ్స్ అప్ (రెండు బొటనవేళ్లు చూపిస్తూ) సెలబ్రేట్ చేసుకున్నాడు. </p>
<p><strong>తల్లి కోసం వైభవ్ చేసిన సెలబ్రేషన్</strong></p>
<p>ఈ సెలబ్రేషన్ గురించి వైభవ్ సూర్యవంశీ బిసిసిఐ (BCCI)తో మాట్లాడుతూ ‘నేను మా అమ్మ కోసం ఈ సెలబ్రేషన్‌ను చేశాను. అమ్మ పేరు ఆర్తి. ఆమె పేరులో మొదటి అక్షరం A వచ్చేలా సెలబ్రేట్ చేశాను. రెండవ సెలబ్రేషన్‌ను రింకూ భయ్యాతో మాట్లాడిన తర్వాత నిర్ణయించుకున్నాను. నేను నా ఈ అర్ధసెంచరీని నా కుటుంబానికి, నా కోచ్‌కి, నా జర్నీలో మంచి, చెడులోనూ నాకు మద్దతుగా నిలిచిన ప్రతి ఒక్కరికీ అంకితం ఇస్తున్నాను. అందుకే థమ్స్ అప్ అని చూపించి సెలబ్రేట్ చేసుకున్నానని’ అన్నాడు.</p>
<blockquote class="twitter-tweet">
<p dir="ltr" lang="en">WHO WAS THIS CELEBRATION FOR 👀<br /><br />Watch it LIVE on FanCode! 🇮🇳 👇<a href="https://t.co/q6VBxaRJz3">https://t.co/q6VBxaRJz3</a> <a href="https://x.com/hashtag/ZIMvIND?src=hash&ref_src=twsrc%5Etfw">#ZIMvIND</a> <a href="https://x.com/hashtag/IndiaCricket?src=hash&ref_src=twsrc%5Etfw">#IndiaCricket</a> <a href="https://x.com/hashtag/RokoNahiThoko?src=hash&ref_src=twsrc%5Etfw">#RokoNahiThoko</a> <a href="https://t.co/M4SUujuc01">pic.twitter.com/M4SUujuc01</a></p>
— FanCode (@FanCode) <a href="https://x.com/FanCode/status/2080291201593581799?ref_src=twsrc%5Etfw">July 23, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>జింబాబ్వేలో జోరుగా సాగిన వైభవ్ సూర్యవంశీ బ్యాట్</strong></p>
<p>వైభవ్ జింబాబ్వే సిరీస్‌లో అత్యధిక పరుగులు చేసిన బ్యాటర్‌గా నిలిచాడు. ఈ సిరీస్ 3 మ్యాచ్‌ల 3 ఇన్నింగ్స్‌ల్లో బ్యాటింగ్ చేస్తూ 50.33 సగటు, ఏకంగా 196.10 స్ట్రైక్ రేట్‌తో 151 పరుగులు సాధించాడు. మొదటి టీ20లో వైభవ్ 19 బంతుల్లో 4 ఫోర్లు, 4 సిక్సర్ల సాయంతో 50 పరుగులు చేశాడు. వైభవ్‌కు ఇది తొలి అంతర్జాతీయ హాఫ్ సెంచరీ కావడం విశేషం. దీంతో పాటు అంతర్జాతీయ క్రికెట్‌లో ఫిఫ్టీ సాధించిన అత్యంత పిన్న వయస్కుడైన బ్యాటర్‌గా సైతం తన ఖాతాలో రికార్డు వేసుకున్నాడు. </p>
<p>Read Also: <a title="Team India Clean Sweep: టీమిండియా క్లీన్ స్వీప్.. మూడో టీ20లోనూ జింబాబ్వే ప‌రాజ‌యం.. స‌త్తా చాటిన వైభ‌వ్, మ‌యాంక్" href="https://telugu.abplive.com/sports/cricket/ind-vs-zim-india-beats-zimbabwe-in-3rd-t20-vaibhav-sooryavanshi-mayank-yadav-254599" target="_self">Team India Clean Sweep: టీమిండియా క్లీన్ స్వీప్.. మూడో టీ20లోనూ జింబాబ్వే ప‌రాజ‌యం.. స‌త్తా చాటిన వైభ‌వ్, మ‌యాంక్</a></p>
<p>రెండవ టీ20 మ్యాచ్‌లో వైభవ్ త్వరగా ఔటయ్యాడు. కానీ తక్కువ బంతుల్లోనే 200కు పైగా స్ట్రైక్ రేట్‌తో పరుగులు చేశాడు. వైభవ్ 9 బంతుల్లో 3 ఫోర్లు, 1 సిక్సర్‌తో 20 పరుగులు చేశాడు. ఆ తర్వాత చివరిదైన మూడవ వైభవ్ తన బ్యాటింగ్‌తో అందరినీ ఆశ్చర్యపరిచాడు. ఈ 15 ఏళ్ల భారత బ్యాటర్ 49 బంతుల్లో 8 ఫోర్లు, 4 సిక్సర్లతో 81 పరుగులు చేసి జట్టు విజయంలో కీలకపాత్ర పోషించాడు. </p>
<p>ఎన్నో డిమాండ్లు, ఎన్నో ఆశల తరువాత వైభవ్ ఇటీవల అరంగేట్రం చేశాడు. తొలి సిరీస్ లో అంతగా రాణించని వైభవ్ సూర్యవంశీ రెండో సిరీస్‌లో సత్తాచాటాడు.</p>
3 months ago
7 
