<p><strong>Uttarayana Punyakalam 2026:</strong> 2026 సంవత్సరంలో జనవరి 15 శుక్రవారం సంక్రాంతి వచ్చింది. ఈ రోజు నుంచి ఉత్తరాయణం ప్రారంభమవుతుంది. సూర్యుడు మకర రాశిలోకి ప్రవేశించినప్పటి నుంచి ఉత్తరాయణ పుణ్యకాలం మొదలవుతుంది. 2026 జనవరి 14 రాత్రి 8 గంటల 43 నిముషాలకు మకర రాశిలోకి అడుగుపెడతాడు. జనవరి 15 సూర్యోదయానికి ఉత్తరాయణం సందర్భంగా మకర సంక్రాంతి జరుపుకుంటారు.</p>
<p><strong>'సరతి చరతీతి సూర్యః'</strong> సంచరించేవాడు అని దీని అర్థం </p>
<p>సూర్యభగవానుడి సంచారం 2 విధాలుగా ఉంటుంది. మానవులకు ఏడాది కాలం అంటే దేవతలకు ఓ రోజుతో సమానం. అంటే మనకు సంవత్సరం అంటే దేవతలకు 6 నెలలు పగలు, 6 నెలలు రాత్రితో సమానం. మనం పగలు దేవతలకు ఉత్తరాయణం, మన రాత్రి దేవతలకు దక్షిణాయనం. </p>
<p><strong>'ఆయనే దక్షిణే రాత్రిః ఉత్తరేతు దివా భవేత'</strong> </p>
<p><strong>సంక్రమణం అంటే?</strong><br /> <br />సంక్రమణం అంటే మారడం, చేరడం అని అర్థం. సూర్యుడు మేషం నుంచి 12 రాశులల్లో మారుతూ పూర్వరాశి నుంచి ఉత్తర రాశిలోకి అడుగుపెట్టడమే సంక్రమణం. ఏ రాశిలో అడుగుపెడితే ఆ సంక్రాంతి వస్తుంది. మకరంలోకి వచ్చినప్పుడు మకర సంక్రాంతి అవుతుంది. ఈ రోజు ఎవరైతే సూర్యభగవానుడు ఉదయించేలోగా నిద్రలేచి స్నానమాచరించి సూర్యుడికి నమస్కరిస్తారో వారి దారిద్ర్యం తొలగిపోతుంది. అనారోగ్య సమస్యలు తీరిపోతాయి<br /> <br /><strong>ఉత్తరాయణం పుణ్యకాలం అని ఎందుకంటారు?</strong><br /> <br />ఉత్తరాయణం పుణ్యకాలం అని పిలిస్తే..మరి దక్షిణాయనం పాపకాలం అవుతుందా అనే సందేహం రావొచ్చు. కానేకాదు..దక్షిణాయనం కూడా పుణ్యకాలమే అయితే ఉత్తరాయణం దేవతలకు పగటి సమయం కావున ఈ సమయం వాతావరణం ఆహ్లాదకరంగా ఉంటుంది. పుణ్యక్షేత్రాల సందర్శనకు అనువైన సమయం. తీర్థయాత్రలు చేసేవారంతా బయలుదేరేది ఈ సమయంలోనే. ఇక దక్షిణాయనం అంటే దేవతలకు రాత్రి కాలం.. వాతావరణంలో చాలా మార్పులుంటాయి. ఈ సమయంలో పితృదేవతల స్మరణ ద్వారా కుటుంబానికి మంచి జరుగుతుంది. <br /> <br /><strong>వేదాల్లోనూ నార్త్ కే ప్రయార్టీ ఎక్కువ</strong><br /> <br />దక్షిణ దిక్కుకి అధిపతి యముడు అయితే ఉత్తరానికి అధిపతి కుబేరుడు. అందుకే దక్షిణం కన్నా ఉత్తర దిక్కుని పవిత్రమైనదిగా భావిస్తారు. వేదాల జననం కూడా ఉత్తర భూముల్లోనే జరిగింది. హైందవ సంస్కృతి , జ్ఞాన విజ్ఞానం , భాష , నాగరికత అంతా ఉత్తరాది నుంచి దక్షిణాదికి వచ్చింది. సమస్తభాషలకు అమ్మ అయిన సంస్కృతం ఉత్తరాదిన పుట్టింది. సమస్త రుషులు, దేవతలు, పండితులకు ఉత్తర భూములే నివాస స్థలాలు కావడంతో పాటూ..సూర్యుడు ఉత్తరంవైపు చలనం చేయడం కూడా ఇది పుణ్యకాలంగా భావిస్తారు<br /> <br />దేవతలు ఉత్తరాయణంలో నిద్రలేచే సమయం..ఈ సమయంలో భక్తిపూర్వకంగా ఏం కోరుకున్నా నెరవేరుతుందని చెబుతారు. ఆ ఉద్దేశంతోనే ఉత్తరాయణం ప్రారంభం అవగానే వచ్చిన సంక్రాంతిని పెద్దపండుగగా జరుపుకుంటున్నారు. మకర సంక్రాంతి రోజున పితృ తర్పణాలు విడిస్తే వారికి ఉత్తమ గతులు ప్రాప్తిస్తాయని నమ్మకం</p>
<p><strong>గమనిక:</strong> ఇక్కడ అందించిన సమాచారం కేవలం నమ్మకాలపై ఆధారపడి ఉంటుంది. ABPదేశం ఎలాంటి నమ్మకాలను, సమాచారాన్ని ధృవీకరించదని ఇక్కడ చెప్పడం ముఖ్యం. ఏదైనా సమాచారం లేదా నమ్మకాన్ని అమలు చేయడానికి ముందు సంబంధిత నిపుణుడిని సంప్రదించండి.</p>
<p><strong><a title="Happy Bhogi 2026: భోగి శుభాకాంక్షలు మీ బంధుమిత్రులకు ఈ కోట్స్ తో చెప్పండి!" href="https://telugu.abplive.com/spirituality/happy-bhogi-festival-and-makar-sankranti-kanuma-greetings-messages-wishes-quotes-for-the-year-2026-234220" target="_self">Happy Bhogi 2026: భోగి శుభాకాంక్షలు మీ బంధుమిత్రులకు ఈ కోట్స్ తో చెప్పండి!</a></strong></p>
<p><strong><a title="<strong>Makar Sankranti 2026 Wishes: మకర సంక్రాంతి శుభాకాంక్షలు 2026.. ఫ్రెండ్స్, ఫ్యామిలీకి ఈ శ్లోకాల ద్వారా తెలియజేయండి!</strong>" href="https://telugu.abplive.com/spirituality/happy-makar-sankranti-2026-wishes-greetings-images-photos-free-download-to-share-with-friends-family-in-telugu-233927" target="_self">Makar Sankranti 2026 Wishes: మకర సంక్రాంతి శుభాకాంక్షలు 2026.. ఫ్రెండ్స్, ఫ్యామిలీకి ఈ శ్లోకాల ద్వారా తెలియజేయండి!</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/spirituality/why-roti-is-not-made-on-makar-sankranti-2026-know-in-telugu-234256" width="631" height="381" scrolling="no"></iframe></p>
<p> </p>
3 months ago
8 
