<p><strong>Doctor Appointment Waiting Time India vs Western Countries: </strong> అమెరికాకు చెందిన లిజ్ అనే మహిళ భారత వైద్య రంగానికి సంబంధించిన ఒక నగ్నసత్యాన్ని ప్రపంచం ముందు ఉంచింది. బ్లడ్ క్యాన్సర్‌తో బాధపడుతున్న తన అత్తగారి కోసం అమెరికాలో ఒక్కో టాబ్లెట్‌కు ఏకంగా 85,000 అంటే సుమారు 1,000 డాలర్లు ఖర్చు చేయాల్సి వచ్చేదని.. అదే మందుకు సంబంధించిన జనరిక్ వెర్షన్లు భారతదేశంలో కేవలం 35 నుండి 300 లకే లభిస్తుండటం చూసి ఆమె ఆశ్చర్యానికి లోనైంది. అమెరికాలో మమ్మల్ని నిలువునా దోచుకుంటున్నారు.. కానీ భారతదేశం మాత్రం తన ప్రజలకు అత్యంత చౌకగా, అందుబాటు ధరల్లో ప్రాణదాతగా నిలుస్తోంది అంటూ ఆమె చేసిన వ్యాఖ్యలు ఇప్పుడు అంతర్జాతీయంగా చర్చనీయాంశంగా మారాయి.</p>
<p>లిజ్ చెప్పిన ఈ మాటలు అక్షరాలా నిజం. భారతదేశాన్ని ప్రపంచానికి ఫార్మసీ రాజధాని అని పిలుస్తారు. అమెరికా వంటి పాశ్చాత్య దేశాలలో పెద్ద పెద్ద ఫార్మా కంపెనీలు తాము కనిపెట్టిన మందులపై దశాబ్దాల పాటు పేటెంట్ హక్కులను కలిగి ఉండి, వాటిని ఇష్టానుసారంగా ఖరీదైన ధరలకు విక్రయిస్తాయి. కానీ భారతదేశంలో ఉన్న పటిష్టమైన చట్టాలు, పేటెంట్ నిబంధనల సవరణల వల్ల.. అదే ఫార్ములాతో సమానమైన నాణ్యత, సామర్థ్యం కలిగిన జనరిక్ మందులను స్థానిక కంపెనీలు అతి తక్కువ ధరకే తయారు చేయడానికి వీలవుతుంది. దీనివల్ల క్యాన్సర్, కిడ్నీ, గుండె జబ్బుల వంటి ప్రాణాంతక వ్యాధుల మందులు కూడా సామాన్యుడికి అందుబాటులోకి వస్తున్నాయి. </p>
<p> అమెరికా, బ్రిటన్ , కెనడా వంటి అభివృద్ధి చెందిన దేశాలలో కేవలం ఒక సాధారణ డాక్టర్ అపాయింట్‌మెంట్ లేదా స్పెషలిస్ట్ కన్సల్టేషన్ కోసం వారాలు, కొన్నిసార్లు నెలల తరబడి వేచి చూడాల్సి వస్తుంది . కానీ ఇండియాలో ఆ పరిస్థితి లేదు. పాశ్చాత్య దేశాలలో ప్రభుత్వ లేదా ఇన్సూరెన్స్ పరిధిలోని హెల్త్‌కేర్ సిస్టమ్స్ పై విపరీతమైన ఒత్తిడి ఉండటం వల్ల, అత్యవసరమైతే తప్ప సాధారణ తనిఖీలకు అపాయింట్‌మెంట్లు దొరకడం గగనంగా మారుతుంది. దీనికి భిన్నంగా భారతదేశంలో ప్రభుత్వ ఆసుపత్రులతో పాటు ప్రైవేట్ క్లినిక్‌లు, మల్టీ-స్పెషాలిటీ హాస్పిటళ్లు అసంఖ్యాకంగా అందుబాటులో ఉన్నాయి. ఒక రోగి ఉదయం అనుకుంటే.. మధ్యాహ్నానికల్లా దేశంలోనే అత్యుత్తమ వైద్యుడిని నేరుగా కలిసి కన్సల్టేషన్ తీసుకునే వెసులుబాటు, తక్షణ ల్యాబ్ టెస్టుల సౌకర్యం ఇక్కడ ఉంది. </p>
<blockquote class="twitter-tweet">
<p dir="ltr" lang="en">A woman named Liz from the USA got married in India. Her aunt has blood cancer. She was shocked to see the price of the medicine.<br /><br />For 1 pill<br />In USA: ₹85,000<br />In India: ₹35 to ₹300 for generic versions of the same medicine.<br /><br />She said: “We're being robbed in the USA, while India… <a href="https://t.co/OrqDg3dSUO">pic.twitter.com/OrqDg3dSUO</a></p>
— Nalini Unagar (@NalinisKitchen) <a href="https://x.com/NalinisKitchen/status/2073265545991086433?ref_src=twsrc%5Etfw">July 4, 2026</a></blockquote>
<p>ఇదే కారణం వల్ల ప్రస్తుతం భారతదేశం ప్రపంచవ్యాప్తంగా మెడికల్ టూరిజం కు అతిపెద్ద హబ్‌గా అవతరించింది. అమెరికా, యూరప్, ఆఫ్రికా దేశాల నుండి వేలాది మంది విదేశీయులు కేవలం బైపాస్ సర్జరీలు, మోకాళ్ల మార్పిడి, క్యాన్సర్ చికిత్సల కోసం ఇండియాకు వస్తున్నారు. ఎందుకంటే వారి స్వదేశాల్లో ఇన్సూరెన్స్ ఉన్నప్పటికీ అయ్యే ఖర్చుతో పోలిస్తే.. ఇండియాలో ప్రయాణ ఖర్చులు, లగ్జరీ హాస్పిటల్ స్టే, టాప్ సర్జన్ల ఫీజులు అన్నీ కలిపినా 70 నుండి 80 శాతం తక్కువ ధరకే అంతర్జాతీయ స్థాయి వైద్యం అందుతోంది. లిజ్ ఉదంతం మన దేశీయ వైద్య ఆరోగ్య వ్యవస్థ యొక్క గొప్పతనాన్ని, సామాన్యుడికి అది కల్పిస్తున్న భద్రతను మరోసారి ప్రపంచానికి చాటిచెప్పింది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/personal-finance/new-credit-card-rules-come-into-effect-what-you-need-to-know-252318" width="631" height="381" scrolling="no"></iframe></p>
3 months ago
9 
