<p style="text-align: justify;">స్పెయిన్ టెన్నిస్ ప్లేయర్ కార్లోస్ అల్కరాజ్ యూఎస్ ఓపెన్ 2025 విజేతగా నిలిచాడు. ఏకపక్షంగా జరిగిన ఫైనల్ మ్యాచ్‌లో జానిక్ సిన్నర్‌ను 6-2, 3-6, 6-1, 6-4 తేడాతో అల్కరాజ్ ఓడించాడు. ఈ విజయంతో దాదాపు 2 సంవత్సరాల తర్వాత అల్కరాజ్ మళ్లీ ర్యాంకింగ్‌లో నంబర్-1 స్థానానికి చేరుకున్నాడు. తాజా ఓటమితో జానిక్ సిన్నర్ రెండో ర్యాంకుకు పడిపోయాడు. తాజాగా గెలిచిన యూఎస్ ఓపెన్ అల్కరాజ్ కెరీర్‌లో ఆరవ గ్రాండ్‌స్లామ్. రెండో యూఎస్ ఓపెన్ టైటిల్.</p>
<p style="text-align: justify;">యూఎస్ ఓపెన్ టైటిల్ గెలిచినందుకు అల్కరాజ్‌కు ఏకంగా 5 మిలియన్ డాలర్ల ప్రైజ్ మనీ లభించింది. మొదటి సెట్‌లో స్పెయిన్ కార్లోస్ అల్కరాజ్ అద్భుత ప్రదర్శనతో 6-2తో గెలిచాడు. కానీ రెండో సెట్‌లో జానిక్ సిన్నర్ పుంజుకోవడంతో 6-3తో అల్కరాజ్ సెట్ కోల్పోయాడు. దాంతో ఇకలాభం లేదనుకున్న వరల్డ్ నెంబర్ 2 అల్కరాజ్ నెంబర్ వన్ ర్యాంకర్ సిన్నర్ మీద పూర్తి ఆధిపత్యం చెలాయించాడు. చివరి 2 సెట్లలో అల్కరాజ్ ఎలాంటి పొరపాట్లు చేయలేదు. ఇంకా చెప్పాలంటే ఫైనల్ మ్యాచులో అల్కరాజ్ ఒక్క డబుల్ ఫాల్ట్ కూడా చేయలేదు. అదే సమయంలో ఒత్తిడికి గురైన టాప్ సీడ్ సిన్నర్ 4 సార్లు డబుల్ ఫాల్ట్ చేశాడు.</p>
<h3 style="text-align: justify;"><strong>కార్లోస్ అల్కరాజ్‌కు 2వ యూఎస్ ఓపెన్ టైటిల్</strong></h3>
<p style="text-align: justify;"> అల్కరాజ్ 6-1తో మూడవ సెట్‌ను, నాల్గవ సెట్‌ను 6-4తో గెలుచుకున్నాడు. దాంతో అల్కరాజ్ ఖాతాలో మరో యూఎస్ ఓపెన్ టైటిల్ చేరింది. అల్కరాజ్ 2022 తర్వాత రెండోసారి యూఎస్ ఓపెన్ టైటిల్ సాధించాడు. మూడేళ్ల తరువాత యూఎస్ ఓపెన్ నెగ్గిన అల్కరాజ్ కెరీర్‌లో ఇది 6వ గ్రాండ్‌స్లామ్ టైటిల్. 2022 నుంచి ప్రతి ఏడాది ఏదో ఒక గ్రాండ్ స్లామ్ నెగ్గుతూ వస్తున్నాడు.</p>
<ul style="text-align: justify;">
<li>యూఎస్ ఓపెన్ 2022</li>
<li>వింబుల్డన్ 2023</li>
<li>ఫ్రెంచ్ ఓపెన్ 2024</li>
<li>వింబుల్డన్ 2024</li>
<li>ఫ్రెంచ్ ఓపెన్ 2025</li>
<li>యూఎస్ ఓపెన్ 2025</li>
</ul>
<blockquote class="twitter-tweet">
<p dir="ltr" lang="en">poppin' bottles with Carlos Alcaraz! 🍾 <a href="https://t.co/NlDyrK6CzK">pic.twitter.com/NlDyrK6CzK</a></p>
— US Open Tennis (@usopen) <a href="https://twitter.com/usopen/status/1964853155143004556?ref_src=twsrc%5Etfw">September 8, 2025</a></blockquote>
<p style="text-align: justify;">
<script src="https://platform.twitter.com/widgets.js" async="" charset="utf-8"></script>
</p>
<h3 style="text-align: justify;"><strong>2 సంవత్సరాల తర్వాత నంబర్ 1 </strong></h3>
<p style="text-align: justify;">యూఎస్ ఓపెన్ 2025 టైటిల్ గెలిచిన తరువాత అల్కరాజ్ ATP ర్యాంకింగ్‌లో మళ్లీ నంబర్-1 స్థానానికి చేరుకున్నాడు. ఈ పోరుకు ముందు జానిక్ సిన్నర్ నంబర్-1 స్థానంలో ఉన్నాడు. 22 ఏళ్ల అల్కరాజ్ 11,540 పాయింట్లు సాధించాడు. అతడి పాయింట్లు 1950 పెరిగాయి. అయితే సిన్నర్ రెండో స్థానానికి పడిపోయాడు, అతడు 700 పాయింట్లు కోల్పోయాడు (10,780).</p>
<h3 style="text-align: justify;"><strong>ATP ర్యాంకింగ్స్‌లో టాప్ 5 ఆటగాళ్లు</strong></h3>
<ul style="text-align: justify;">
<li>కార్లోస్ అల్కరాజ్ (స్పెయిన్)- 11,540 పాయింట్లు</li>
<li>జానిక్ సిన్నర్ (ఇటలీ)- 10,780 పాయింట్లు</li>
<li>అలెగ్జాండర్ జ్వెరెవ్ (జర్మనీ)- 5,930 పాయింట్లు</li>
<li>నోవాక్ జొకోవిచ్ (సెర్బియా)- 4,830 పాయింట్లు</li>
<li>టైలర్ ఫ్రిట్జ్ (అమెరికా)- 4,675 పాయింట్లు</li>
</ul>
<h3 style="text-align: justify;"><strong>2025లో మూడోసారి గ్రాండ్‌స్లామ్ కోసం అల్కరాజ్, సిన్నర్ పోటీ </strong></h3>
<p style="text-align: justify;">కార్లోస్ అల్కరాజ్, జానిక్ సిన్నర్ 2025లో మూడోసారి గ్రాండ్‌స్లామ్ ఫైనల్‌లో తలపడ్డారు. ఇంతకుముందు ఫ్రెంచ్ ఓపెన్ 2025 ఫైనల్‌లో అల్కరాజ్ సిన్నర్ పై గెలుపొందాడు. సిన్నర్ అల్కరాజ్‌ను ఓడించి వింబుల్డన్ 2025 టైటిల్‌ను గెలుచుకున్నాడు. యూఎస్ ఓపెన్ కి ముందు, సిన్సినాటి మాస్టర్స్ 2025 ఫైనల్‌లో కూడా ఇద్దరూ తలపడ్డారు. అప్పుడు గాయం కారణంగా సిన్నర్ మ్యాచ్ నుండి వైదొలగడంతో అల్కరాజ్ విజేతగా నిలిచాడు.</p>
3 months ago
3 
