<p style="text-align: justify;"><strong>Airstrikes In Nigeria:</strong> నైజీరియాలో ISIS ఉగ్రవాదులపై అమెరికా వైమానిక దాడులు చేసింది. ఈ విషయాన్ని స్వయంగా అమెరికా అధ్యక్షుడు డొనాల్డ్ ట్రంప్ తెలిపారు. ఈ ఉగ్రవాద గ్రూపులు ఆ ప్రాంతంలో క్రైస్తవులను లక్ష్యంగా చేసుకుని వారిని హత్య చేస్తున్నాయని ట్రంప్ ఆరోపించారు. అమెరికా సైన్యం ఎయిర్ స్ట్రైక్స్ సందర్భంగా ఉగ్రవాదులకు ట్రంప్ క్రిస్మస్ శుభాకాంక్షలు తెలిపారు.</p>
<p style="text-align: justify;">తన సోషల్ మీడియా ప్లాట్‌ఫామ్ ట్రూత్ సోషల్‌లో ట్రంప్ ఇలా పోస్ట్ చేశారు. అమెరికా అధ్యక్షుడు ట్రంప్ ఆదేశాల మేరకే ఈ వైమానిక దాడులు జరిగాయని చెప్పారు. ఈశాన్య నైజీరియాలో చురుకుగా ఉన్న ISIS ఉగ్రవాదుల స్థావరాలను లక్ష్యంగా చేసుకున్నాం. ఈ రోజు రాత్రి కమాండర్ ఇన్ చీఫ్ ఆదేశాల మేరకు ఈశాన్య నైజీరియాలో ISIS ఉగ్రవాదులను లక్ష్యంగా చేసుకున్నాం. అక్కడ ఉగ్రవాదుల ఏరివేత లక్ష్యంగా దాడులు జరిపాం' అని పేర్కొన్నారు.</p>
<p style="text-align: justify;"><strong>క్రైస్తవులను లక్ష్యంగా చేసుకున్నారనే ఆరోపణ</strong></p>
<p style="text-align: justify;">ఈ ఉగ్రవాదులు అమాయక క్రైస్తవులను లక్ష్యంగా చేసుకుని క్రూరంగా హత్య చేస్తున్నారని అధ్యక్షుడు డొనాల్డ్ ట్రంప్ ఆరోపించారు. ఈ విధమైన హింస స్థాయి అనేక సంవత్సరాలుగా, శతాబ్దాలుగా కూడా చూడలేది అన్నారు. ట్రంప్ ప్రకారం, క్రైస్తవుల హత్యలు ఆగకపోతే తీవ్ర పరిణామాలు ఉంటాయని ఆయన ముందే ఈ ఉగ్రవాదులను హెచ్చరించారు.</p>
<p style="text-align: justify;"><strong>ముందుగానే హెచ్చరించాను</strong></p>
<p style="text-align: justify;">ట్రంప్ తన సందేశంలో మరో విషయాన్ని స్పష్టం చేశారు. 'ఈ విషయంలో నేను ముందే ఉగ్రవాదులను హెచ్చరించాను. వారు క్రైస్తవుల ఊచకోతను ఆపకపోతే భారీ మూల్యం చెల్లించుకోవాల్సి వస్తుందని హెచ్చరించినా పరిస్థితిలో మార్పు రాలేదు. ఈ రోజు రాత్రి నేను చెప్పిందే జరిగింది.' అన్నారు.</p>
<p style="text-align: justify;"><strong>అమెరికా సైన్యం పర్ఫెక్ట్ స్ట్రైక్ చేసింది</strong></p>
<p style="text-align: justify;">అధ్యక్షుడు ట్రంప్ ప్రకారం, ఈ సైనిక చర్యలో అమెరికా అనేక ఖచ్చితమైన వైమానిక దాడులు చేసింది. అమెరికా రక్షణ శాఖ ఈ చర్యను చేపట్టిందని చెప్పారు. 'డిపార్ట్‌మెంట్ ఆఫ్ వార్ అనేక పర్ఫెక్ట్ స్ట్రైక్స్ చేసింది. ఇలాంటిది కేవలం యునైటెడ్ స్టేట్స్ ఆఫ్ అమెరికా మాత్రమే చేయగలదు' అని పేర్కొన్నారు.</p>
<blockquote class="twitter-tweet">
<p dir="ltr" lang="en">Merry Christmas to all, including the Radical Left Scum that is doing everything possible to destroy our Country, but are failing badly. We no longer have Open Borders, Men in Women’s Sports, Transgender for Everyone, or Weak Law Enforcement. What we do have is a Record Stock…</p>
— Donald J. Trump (@realDonaldTrump) <a href="https://twitter.com/realDonaldTrump/status/2004012442427277591?ref_src=twsrc%5Etfw">December 25, 2025</a></blockquote>
<script src="https://platform.twitter.com/widgets.js" async="" charset="utf-8"></script>
<p style="text-align: justify;"><strong>ఉగ్రవాదంపై కఠిన వైఖరి</strong></p>
<p style="text-align: justify;">ఈ చర్య ఉగ్రవాదంపై తన కఠిన వైఖరిని ప్రతిబింబిస్తుందని అమెరికా అధినేత ట్రంప్ చెప్పారు. 'నా నాయకత్వంలో మన దేశం ఇస్లామిక్ ఉగ్రవాదాన్ని పెరగనివ్వదు. దీనితో పాటు అమెరికా సైన్యం అద్భుతం చేసింది. వారికి క్రిస్మస్ శుభాకాంక్షలు. దేవుడు మన సైన్యాన్ని ఆశీర్వదించాలి. అందరికీ క్రిస్మస్ శుభాకాంక్షలు, చనిపోయిన ఉగ్రవాదులకు కూడా క్రిస్మస్ శుభాకాంక్షలు' అని ట్రంప్ తనదైనశైలిలో క్రిస్మస్ విషెస్ తెలిపారు కాగా, అమెరికన్ ఆఫ్రికా కమాండ్ (US AFRICOM) నైజీరియాలోని సోకోటోలో (AFRICOM ప్రకటనలో 'సోబోటో' అని పేర్కొన్నారు) ISIS పై జరిగిన చర్య నైజీరియా అధికారుల అభ్యర్థన మేరకు జరిగిందని క్లారిటీ ఇచ్చింది. అంటే అమెరికా నేరుగా రంగంలోకి దిగలేదని, నైజీరియా సాయం కోరడంతో చర్యలు చేపట్టినట్లు స్పష్టమవుతోంది. ఉగ్రవాదులు ఎక్కడున్నా ఉపేక్షించేది లేదని ట్రంప్ సైతం హెచ్చరించారు.</p>
3 months ago
9 
