<p> భారత ఆటోమొబైల్ మార్కెట్‌లో హైబ్రిడ్ కార్లకు డిమాండ్ నిరంతరం పెరుగుతోంది. పెట్రోల్, డీజిల్ ధరలు పెరుగుతున్న తరుణంలో, అద్భుతమైన మైలేజ్‌తో పాటు మోడ్రన్ ఫీచర్లు ఉండే కార్లను కొనుగోలు చేయడానికి కస్టమర్లు ఇష్టపడుతున్నారు. ఈ క్రమంలోనే టయోటా రాబోయే రోజుల్లో భారత మార్కెట్లోకి 3 కొత్త కార్లను లాంచ్ చేయడానికి సిద్ధమవుతోంది. ఇందులోని ఒక మోడల్ కారు లీటరుకు 35 కిలోమీటర్ల కంటే ఎక్కువ మైలేజ్ ఇవ్వడం విశేషం. మీరు కొత్త, ఎక్కువ మైలేజ్ ఇచ్చే కారును కొనాలని ప్లాన్ చేస్తుంటే, టయోటా నుంచి మార్కెట్లోకి రానున్న ఈ కార్లపై ఓ లుక్కేయండి. </p>
<p><strong>అర్బన్ క్రూయిజర్ టైజర్ హైబ్రిడ్ (Urban Cruiser Taisor Hybrid) </strong></p>
<p>మార్కెట్లోకి రానున్న కంపెనీ కార్లలో మొదటి ఆప్షన్ టయోటా అర్బన్ క్రూయిజర్ టైజర్ హైబ్రిడ్. ఇది కొత్త తరం స్ట్రాంగ్ హైబ్రిడ్ టెక్నాలజీతో టయోటా కంపెనీ నుంచి వస్తున్న మొట్టమొదటి అందుబాటు ధరలోని హైబ్రిడ్ SUV అవుతుంది. నివేదికల ప్రకారం అర్బన్ క్రూయిజర్ టైజర్ హైబ్రిడ్ లో 1.2-లీటర్ పెట్రోల్ ఇంజిన్‌తో పాటు హైబ్రిడ్ సిస్టమ్ ఇవ్వనున్నారు. దీని ద్వారా ఇది లీటరుకు 35 కిలోమీటర్ల కంటే ఎక్కువ మైలేజ్ ఇస్తుందని సమాచారం.</p>
<p><strong>టయోటా అర్బన్ క్రూయిజర్ హైరైడర్ (Toyota Urban Cruiser Hyryder) </strong></p>
<p>టయోటా నుంచి వస్తున్న వాటిలో రెండవ కారు అర్బన్ క్రూయిజర్ హైరైడర్ 7 సీటర్‌. ఈ SUV ప్రస్తుతం ఉన్న హైరైడర్ కంటే పెద్దగా ఉంటుంది. ఇందులో త్రీ-రో (3 వరుసల) సీటింగ్ లభించవచ్చు. ఫ్యామిలీ లాంగ్ ట్రిప్‌లను దృష్టిలో ఉంచుకుని తయారు చేస్తున్న ఈ SUVలో పవర్ ఫుల్ హైబ్రిడ్ ఇంజిన్ ఇచ్చే అవకాశం ఉంది. ఇది మెరుగైన మైలేజ్‌తో పాటు మంచి పర్ఫార్మెన్స్‌ను ఇస్తుంది. ఇది కాకుండా, ఇందులో పెద్ద టచ్‌స్క్రీన్ ఇన్‌ఫోటైన్‌మెంట్ సిస్టమ్, పనోరమిక్ సన్‌రూఫ్, డిజిటల్ ఇన్‌స్ట్రుమెంట్ క్లస్టర్, 360 డిగ్రీ కెమెరా, ADAS వంటి ఫీచర్లు వస్తాయని భావిస్తున్నారు.</p>
<p>Also Read: <a title="2026 Maruti Brezza మైలేజ్‌ నంబర్లు ఇవిగో - పెట్రోల్‌, టర్బో, CNG వేరియంట్ల పూర్తి వివరాలు" href="https://telugu.abplive.com/auto/2026-maruti-suzuki-brezza-fuel-efficiency-figures-explained-in-telugu-254460" target="_self">2026 Maruti Brezza మైలేజ్‌ నంబర్లు ఇవిగో - పెట్రోల్‌, టర్బో, CNG వేరియంట్ల పూర్తి వివరాలు</a></p>
<p><strong>టయోటా ఫార్చ్యూనర్ హైబ్రిడ్ (Toyota Fortuner Hybrid)</strong></p>
<p>కంపెనీ నుంచి వస్తున్న మరో కారు టయోటా ఫార్చ్యూనర్ హైబ్రిడ్‌పై కూడా పనిచేస్తోంది. ఈ SUVలో మైల్డ్ హైబ్రిడ్ లేదా హైబ్రిడ్ టెక్నాలజీని ఉపయోగిస్తున్నారు. దీని మెయిన్ ఫోకస్ మైలేజ్ కంటే మెరుగైన పర్ఫార్మెన్స్ ఇవ్వడమే అని ఆటో నిపుణులు భావిస్తున్నారు. కొత్త ఫార్చ్యూనర్‌లో గతంలో కంటే మరింత ప్రీమియం ఇంటీరియర్, అడ్వాన్స్‌డ్ సేఫ్టీ ఫీచర్లు, కొత్త టెక్నాలజీ లభించే అవకాశం ఉంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/auto/what-is-the-difference-between-sedan-cars-and-suv-cars-auto-news-254491" width="631" height="381" scrolling="no"></iframe></p>
<p>ఈ 3 కార్ల ద్వారా టయోటా భారత మార్కెట్లో తన హైబ్రిడ్ శ్రేణిని మరింత బలోపేతం చేయాలని చూస్తోంది. రాబోయే సంవత్సరాల్లో హైబ్రిడ్ కార్లకు డిమాండ్ వేగంగా పెరుగుతుందని టయోటా కంపెనీ దీమాగా ఉంది. ఇవి పెట్రోల్ కార్లతో పోలిస్తే మెరుగైన మైలేజ్ ఇవ్వడంతో పాటు ఎలక్ట్రిక్ కార్లలాగా ఛార్జింగ్ ఆందోళన కూడా ఉండదు.</p>
<p>అందుకే టయోటా ఎప్పటికప్పుడూ కొత్త హైబ్రిడ్ టెక్నాలజీపై పనిచేస్తోంది. కస్టమర్లకు మరింత ఆదా చేసే ఆప్షన్లను అందించడానికి ప్లాన్ చేస్తోంది. ప్రస్తుతం కంపెనీ ఈ 3 కార్ల లాంచ్ డేట్ మరియు ధరలకు సంబంధించి అధికారిక ప్రకటన రావాల్సి ఉంది. </p>
3 months ago
7 
