<p><strong>Union Budget 2026 Special Halwa Ceremony :</strong> హల్వా వేడుక (Halwa Tradition) అనేది కేంద్ర బడ్జెట్ తయారీలో చివరి దశను సూచిస్తుంది. అయితే నిర్మలా సీతారామన్ మరికొద్దిరోజుల్లో కేంద్ర బడ్జెట్ 2026 పార్లమెంట్లో ప్రవేశపెట్టనున్నారు. మరి బడ్జెట్ సమయంలో రెగ్యులర్గా నిర్వహించే హల్వా ట్రెడీషన్ గురించి ఇప్పుడు తెలుసుకుందాం. హల్వా వేడుక అర్థం, ప్రాముఖ్యత ఏంటి? ఎప్పటి నుంచి దీనిని ఫాలో అవుతున్నారు? లాక్-ఇన్ వ్యవధి(Budget Lock-In Period)ని ఇది ఎందుకు సూచిస్తుందో తెలుసుకుందాం. </p>
<h3>హల్వా సెలబ్రేషన్స్</h3>
<p>హల్వా వేడుక అనేది కేంద్ర బడ్జెట్‌ను పార్లమెంటులో ప్రవేశపెట్టడానికి కొన్ని రోజుల ముందు ఆర్థిక మంత్రిత్వ శాఖ నిర్వహించే ఆచారం. ఇది బడ్జెట్ తయారీలో చివరి, అత్యంత గోప్యమైన దశ ప్రారంభాన్ని సూచిస్తుంది. ఈ వేడుక బడ్జెట్ ప్రవేశ పెట్టే ముందు.. మంత్రిత్వ శాఖలు, ఆర్థికవేత్తలు, నియంత్రణ సంస్థలు, పరిశ్రమ సంస్థలతో నెలల తరబడి చర్చలు, సంప్రదింపులు చేస్తారు. ఈ మీటింగ్స్ ముగిశాక.. ప్రధాన విధాన నిర్ణయాలు, పన్ను ప్రతిపాదనలు, కేటాయింపులు ఖరారు అయ్యాయని సూచించేలా హల్వా వేడుక చేస్తారు.</p>
<h3>హల్వా ఎందుకు తింటారంటే..</h3>
<p>భారతీయ సంప్రదాయానికి అనుగుణంగా.. ఒక ముఖ్యమైన పనిని తీపితో ప్రారంభిస్తారు. దీనివల్ల సానుకూలత పెరుగుతుందని నమ్ముతారు. దీనిలో భాగంగా హల్వాను తయారు చేసి.. పంచడం మంచి ఉద్దేశంగా చెప్తారు. ఇది ఐక్యత, శుభ ప్రారంభాలను సూచిస్తుంది. అందుకే కేంద్రం బడ్జెట్ ప్రవేశపెట్టేముందు ఈ ట్రెడీషన్ని ఫాలో అవుతుంది. పాల్గొన్న వారందరికీ హల్వా వడ్డించి.. సమానత్వం, భాగస్వామ్య బాధ్యత, సమిష్టి కృషిని ప్రతిబింబిస్తుంది. </p>
<h3>హల్వా వేడుకతో లాక్ ఇన్ వ్యవధిలోకి..</h3>
<p>ఈ వేడుక పార్లమెంట్లోని నార్త్ బ్లాక్‌లో జరుగుతుంది. అక్కడ ఒక పెద్ద పాత్రలో హల్వా వండి బడ్జెట్‌ను రూపొందించడంలో పాల్గొన్న అధికారులకు వడ్డిస్తారు. వారి సహకారం, కృషిని అభినందిస్తారు. హల్వా వేడుక తర్వాత.. ఎంపిక చేసిన ఆర్థిక మంత్రిత్వ శాఖ అధికారులు కఠినమైన లాక్-ఇన్ వ్యవధిలోకి ప్రవేశిస్తారు. పూర్తి గోప్యతను కాపాడటానికి బడ్జెట్ రోజు వరకు వారు సురక్షితమైన ప్రాంగణంలో ఉంటారు. </p>
<p>లాక్-ఇన్ దశలో అధికారులు పరిమిత ఫోన్ యాక్సెస్‌ మాత్రమే పొందుతారు. బాహ్య ప్రపంచంతో కమ్యూనికేషన్ ఉండదు. ఆర్థిక సమాచారం లీక్ అవ్వకుండా నిరోధించడానికి అధిక భద్రతా ప్రోటోకాల్‌లను ఫాలో అవుతారు. ఈ హల్వా వేడుకను దశాబ్దాలుగా భారతదేశ బడ్జెట్ ప్రక్రియలో భాగంగా చేస్తున్నారు. బడ్జెట్ ప్రజెంటేషన్లు బ్రీఫ్‌కేసుల నుంచి టాబ్లెట్‌లుగా పరిణామం చెందినప్పటికీ.. ఈ వేడుక మాత్రం మారలేదు.</p>
<p><iframe class="vidfyVideo" style="border: 0px;" src="https://telugu.abplive.com/web-stories/lifestyle/union-budget-2026-nirmala-sitharamans-saree-choices-steal-the-spotlight-235313" width="631" height="381" scrolling="no"></iframe></p>
2 months ago
7 
