<p><strong>TVS Jupiter 125 New Price After GST Cut:</strong> GST 2.0 తగ్గింపు తర్వాత TVS Jupiter 125 ధర గణనీయంగా తగ్గింది. ఈ స్కూటర్ ఇప్పుడు ₹7,731 ఆదా చేస్తుంది. ఈ స్కూటర్‌ మధ్య తరగతి కుటుంబాలు & ఆఫీసు రైడర్లకు మంచి ఆప్షన్‌. హైదరాబాద్‌లో జూపిటర్‌ 125 ఎక్స్-షోరూమ్ ధర ఇప్పుడు ₹78,500 నుంచి ప్రారంభమవుతుంది, గతంలో ₹86,231 నుంచి తగ్గింది. ఈ స్కూటర్ నాలుగు వేరియంట్లలో లభిస్తుంది, అవి - డ్రమ్ అల్లాయ్, డిస్క్, స్మార్ట్ఎక్సోనెక్ట్ డ్రమ్ & స్మార్ట్ఎక్సోనెక్ట్ డిస్క్. ప్రతి బడ్జెట్ & ప్రతి అవసరానికి అనుగుణంగా ఈ వేరియంట్లు అందుబాటులో ఉన్నాయి.</p>
<p><strong>డిజైన్ & ఫీచర్లు</strong><br />TVS Jupiter 125 ను కుటుంబంతో కలిసి వెళ్లడానికి & రోజువారీ ఉపయోగం కోసం రూపొందించారు. దీని డిజైన్ సింపుల్‌, స్లీక్‌ & మెటల్‌-బేస్‌తో ఉంటుంది. దృఢమైన శరీరంతో ప్రీమియం అనుభూతిని అందిస్తుంది. రాత్రిపూట మెరుగ్గా కనిపించడం కోసం LED హెడ్‌లైట్లు & టెయిల్‌లైట్‌లు దీని ముఖ్య లక్షణాలు. అనలాగ్-డిజిటల్ ఇన్‌స్ట్రుమెంట్ క్లస్టర్‌లో స్పీడోమీటర్, ఓడోమీటర్, ట్రిప్‌మీటర్ & ఇంధన గేజ్ కూడా ఉన్నాయి. SmartXonnect వేరియంట్ TFT డిస్‌ప్లే, బ్లూటూత్ కనెక్టివిటీ, టర్న్-బై-టర్న్ నావిగేషన్, వాయిస్ అసిస్ట్ & ఇన్‌కమింగ్ కాల్/మెసేజ్ అలర్ట్‌ల వంటి హై-టెక్ ఫీచర్‌లను అందిస్తుంది.</p>
<p>TVS Jupiter 125 లో 33 లీటర్ల అండర్-సీట్ స్టోరేజ్‌ ఉంది, దీనిలో రెండు హెల్మెట్‌లను సులభంగా పెట్టుకోవచ్చు. 2-లీటర్ గ్లోవ్ బాక్స్ & USB ఛార్జర్‌ కూడా దీనిలో ఉన్నాయి. దీంతో, ప్రయాణ సమయంలోనే ఇది మీ మొబైల్ లేదా ఇతర గాడ్జెట్‌లను సులభంగా ఛార్జ్ చేస్తుంది.</p>
<p>హ్యాండిల్ బార్ కింద ఎక్స్‌టర్నల్‌ ఫ్యూయల్‌ ఫిల్లింగ్ క్యాప్ ఉంది. దీనివల్ల, పెట్రోల్‌ బంకు దగ్గర బండి దిగి సీటు ఓపెన్‌ చేయాల్సిన అవసరం ఉండదు, చక్కగా సీట్‌పై కూర్చుని ఇంధనం నింపుకోవచ్చు. సీట్ ఓపెనింగ్ స్విచ్, పార్కింగ్ బ్రేక్ సిస్టమ్ & సింక్రొనైజ్డ్ బ్రేకింగ్ సిస్టమ్ (CBS) వంటి ఫీచర్లు రైడింగ్‌ను సురక్షితంగా మారుస్తాయి. స్టాండ్ అలారం & హజార్డ్‌ వార్నింగ్‌ (ప్రమాద హెచ్చరిక) లైట్ వంటివి కూడా రైడర్‌ భద్రతకు చాలా ఉపయోగరపడతాయి. ఈ ఫీచర్లన్నీ జూపిటర్ 125 ని స్టైలిష్‌గా మాత్రమే కాకుండా రోజువారీ ఉపయోగం కోసం చాలా ప్రాక్టికల్‌ & నమ్మదగిన స్కూటర్‌గా మార్చాయి.</p>
<p><strong>ఇంజిన్ & పనితీరు</strong><br />TVS Jupiter 125... 124.8cc, సింగిల్-సిలిండర్, ఎయిర్-కూల్డ్ ఇంజిన్‌తో పని చేస్తుంది, ఇది 8.15 PS శక్తిని & 10.5 Nm టార్క్‌ను ఇస్తుంది. ఈ ఇంజిన్ BS6-2.0 కంప్లైంట్ & ఫ్యూయల్ ఇంజెక్షన్ (FI) టెక్నాలజీని కలిగి ఉంది, ఇది సున్నితమైన యాక్సిలరేషన్‌ & మెరుగైన ఇంధన సామర్థ్యాన్ని ఇస్తుంది. ఈ స్కూటర్ దాదాపు 95 kmph గరిష్ట వేగాన్ని చేరుకోగలదు, నగర ట్రాఫిక్ & హైవే ట్రాఫిక్ రెండింటిలోనూ సౌకర్యవంతమైన ప్రయాణాన్ని అందిస్తుంది.</p>
<p><strong>మైలేజ్ </strong><br />TVS Jupiter 125 కోసం ARAI- క్లెయిమ్ చేసిన మైలేజ్ 57.27 kmpl, అయితే నిజ జీవితంలో ఇది సగటున 50 kmpl ఇస్తుంది. దీని 5.1-లీటర్ ఇంధన ట్యాంక్‌ వల్ల, ఫుల్‌ ట్యాంక్‌తో సుమారు 250 కిలోమీటర్లు ప్రయాణించవచ్చు. ఇంధన స్థాయి అయిపోకముందే "డిస్టెన్స్ టు ఎంప్టీ" ఇండికేటర్‌ మిమ్మల్ని హెచ్చరిస్తుంది.</p>
1 month ago
3 
