<p><strong>Jana Nayagan Vijay: </strong>తమిళనాడు రాజకీయ క్షేత్రంలో దళపతి విజయ్ చుట్టూ తిరుగుతున్న జన నాయగన్ సినిమా సెన్సార్ వివాదం ఇప్పుడు ఒక పెను సంచలనంగా మారింది. విజయ్ తన సినీ కెరీర్‌లో చివరి చిత్రంగా ప్రకటించిన ఈ సినిమాకు సెన్సార్ బోర్డు అడ్డంకులు సృష్టించడం కోలీవుడ్‌లోనే కాకుండా రాజకీయ వర్గాల్లోనూ తీవ్ర చర్చకు దారితీసింది. రాజకీయ కారణాల వల్లే కావాలని ఈ చిత్రాన్ని అడ్డుకుంటున్నారనే వార్తలు సోషల్ మీడియాలో దావానంలా వ్యాపించాయి. ఈ పరిణామం విజయ్‌కు ప్రజల్లో అనూహ్యమైన సానుభూతిని సంపాదిస్తోంది.</p>
<p><strong>విజయ్‌కు వేధింపులని ఎక్కువ మంది భావన</strong></p>
<p>ఒక నటుడిగా మాత్రమే కాకుండా, తమిళగ వెట్రి కళగం పార్టీ అధ్యక్షుడిగా విజయ్ రాజకీయాల్లో వేగంగా ఎదుగుతున్నారు. ఈ క్రమంలో కేంద్ర సెన్సార్ బోర్డు అభ్యంతరాలు వ్యక్తం చేయడం అంటే ఆయన రాజకీయ ఎదుగుదలను అణగదొక్కడమేనని అభిమానులు భావిస్తున్నారు. సాధారణంగా సినిమాల విషయంలో గొడవలు జరిగితే పరిశ్రమకే పరిమితం అవుతాయి. కానీ ఈ వివాదం సామాన్య ప్రజల వరకు వెళ్లింది. విజయ్‌ను ఒక బాధితుడిగా చూడటం మొదలుపెట్టిన తటస్థ ఓటర్లలో కూడా ఆయన పట్ల సానుకూలత పెరుగుతోంది.</p>
<p><strong>విజయ్‌కు స్టాలిన్ సపోర్ట్ - ప్రభావం తమపై పడకుండా చూసుకనే ప్రయత్నాలు </strong></p>
<p>ఈ వివాదంలో ఆశ్చర్యకరంగా ముఖ్యమంత్రి ఎం.కే. స్టాలిన్ సహా ఇతర పార్టీల నేతలు కూడా విజయ్‌కు మద్దతుగా గళం విప్పుతున్నారు. భావప్రకటన స్వేచ్ఛను అడ్డుకోవడం ప్రజాస్వామ్యానికే ప్రమాదమని స్టాలిన్ చేసిన వ్యాఖ్యలు ఈ వివాదానికి మరింత బలాన్ని ఇచ్చాయి. రాజకీయంగా ప్రత్యర్థులైనా సరే, సినిమా విషయంలో జరుగుతున్న అన్యాయంపై అందరూ ఏకమవ్వడం విజయ్ రాజకీయ బలాన్ని పెంచుతోంది. ప్రత్యర్థి పార్టీల మద్దతు కూడా ఆయన వైపు మళ్లుతుండటం విశేషం.</p>
<p><strong>సైలెంట్ గా విజయ్ - వివాదం తనకే రాజకీయ బలం ఇస్తుందని నమ్మకం </strong></p>
<p>నిజానికి ఇలాంటి అడ్డంకులు విజయ్‌కు కొత్తేమీ కాదు. గతంలో కూడా ఆయన సినిమాల విడుదలకు కొన్ని శక్తులు అడ్డుపడ్డప్పుడల్లా ఆయన మరింత బలంగా పైకి లేచారు. ఇప్పుడు జన నాయగన్ విషయంలో జరుగుతున్న జాప్యం ఆయన రాజకీయ ప్రస్థానానికి ఒక వరంగా మారుతోందని విశ్లేషకులు భావిస్తున్నారు. ఈ సినిమాపై పెరుగుతున్న ఉత్కంఠ, విడుదల తర్వాత వచ్చే ఆదరణ ఆయన పార్టీకి వచ్చే ఎన్నికల్లో పెద్ద ఎత్తున ఓట్ల వర్షం కురిపించే అవకాశం ఉంది. మొత్తంమీద సెన్సార్ బోర్డు సృష్టిస్తున్న ఆటంకాలు విజయ్‌ను రాజకీయంగా మరింత శక్తివంతుడిని చేస్తున్నాయి. ఆయన్ని అణచివేయాలని చూసే కొద్దీ ప్రజల్లో ఆయన పట్ల ఉన్న అభిమానం ఓట్లుగా మారే సూచనలు కనిపిస్తున్నాయి. ఒక సినిమా చుట్టూ మొదలైన ఈ వివాదం చివరకు తమిళనాడు రాజకీయ సమీకరణాలను మార్చివేసే దిశగా సాగుతోందని తమిళనాడ విశ్లేషిస్తున్నారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/business/property-rights-in-china-vary-greatly-everything-belongs-to-the-government-surprising-facts-233938" width="631" height="381" scrolling="no"></iframe></p>
3 months ago
6 
