<p><strong>Top 10 Most Affordable Diesel Cars:</strong> ఆంధ్రప్రదేశ్‌ & తెలంగాణతో పాటు, భారతవ్యాప్తంగా మార్కెట్లో డీజిల్‌ కార్లు ఇప్పుడు కొంచెం కొంచంగా మాయమవుతున్నాయి. మన దేశంలోని కఠినమైన ఉద్గార నిబంధనలను తట్టుకోలేక, కారు కంపెనీలు చాలా డీజిల్‌ మోడళ్లు నిలిపేశాయి. ఈ పరిస్థితుల్లోనూ.. మహీంద్రా, టాటా, కియా, హ్యుందాయ్‌ బ్రాండ్లు ఇప్పటికీ చవకైన డీజిల్‌ మోడళ్లను అందిస్తున్నాయి. వీటిలో, మధ్య తరగతి ప్రజల కోసం రూ. 8 లక్షల నుంచి ప్రారంభమయ్యే టాప్‌ 10 అఫోర్డబుల్‌ / అందుబాటు ధర డీజిల్‌ కార్లు ఇవి.</p>
<p><strong>టాప్‌ 10 చవకైన డీజిల్‌ కార్లు</strong></p>
<p>1. మహీంద్రా బోలెరో - రూ. 7.99 లక్షల నుంచి</p>
<p>ఇప్పటికీ గ్రామీణ భారతదేశంలో హాట్‌ ఫేవరేట్‌. 1.5 లీటర్‌ డీజిల్‌ ఇంజిన్‌, 76hp పవర్‌, 210Nm టార్క్‌. రియర్‌-వీల్‌ డ్రైవ్‌ లేఅవుట్‌తో బలమైన నిర్మాణం దీని అమ్మకాల వెనుకున్న రహస్యం. బొలెరో మోడల్‌లో ఆటోమేటిక్‌ వేరియంట్‌ మాత్రం లేదు.</p>
<p>2. టాటా ఆల్ట్రోజ్‌ - రూ. 8.10 లక్షల నుంచి</p>
<p>భారతదేశంలో డీజిల్‌ ఇంజిన్‌ కలిగిన ఏకైక హ్యాచ్‌బ్యాక్‌ ఇదే. 1.5 లీటర్‌ ఇంజిన్‌, 90hp పవర్‌, 200Nm టార్క్‌. 5 స్పీడ్‌ మాన్యువల్‌ గేర్‌బాక్స్‌తో మైలేజ్‌ కూడా చక్కగా ఉంటుంది.</p>
<p>3. మహీంద్రా బోలెరో నియో - రూ. 8.49 లక్షల నుంచి</p>
<p>7 సీటర్‌ SUV కావడం మహీంద్రా బొలెరో నియో ప్రత్యేకత. 1.5 లీటర్‌ మూడు సిలిండర్‌ ఇంజిన్‌, 100hp పవర్‌, 260Nm టార్క్‌. రియర్‌-వీల్‌ డ్రైవ్‌ లాడర్‌ ఫ్రేమ్‌ నిర్మాణం దీనిని రఫ్‌ రోడ్లకు పర్ఫెక్ట్‌గా చేస్తుంది.</p>
<p>4. మహీంద్రా XUV 3XO - రూ. 8.95 లక్షల నుంచి</p>
<p>117hp పవర్‌, 300Nm టార్క్‌ కలిగిన 1.5 లీటర్‌ డీజిల్‌ ఇంజిన్‌. 6 స్పీడ్‌ మాన్యువల్‌ లేదా AMT ఆప్షన్లు ఉన్నాయి. డీజిల్‌ ఆటోమేటిక్‌ వెర్షన్‌లో మొత్తం భారతదేశంలోనే అతి చవకైన SUV.</p>
<p>5. కియా సోనెట్‌ - రూ. 8.98 లక్షల నుంచి</p>
<p>కాంపాక్ట్‌ SUV లవర్స్‌కి పర్ఫెక్ట్‌ ఎంపిక. 1.5 లీటర్‌ డీజిల్‌ ఇంజిన్‌ (116hp, 250Nm), 6 స్పీడ్‌ ఆటోమేటిక్‌ లేదా మాన్యువల్‌ ఆప్షన్లలో అందుబాటులో ఉంది. రిఫైన్డ్‌ ఇంజిన్‌ & బలమైన పనితీరు దీని యునిక్‌ సెల్లింగ్‌ పాయింట్‌ (USP).</p>
<p>6. టాటా నెక్సాన్‌ - రూ. 9.01 లక్షల నుంచి</p>
<p>టాటా మోటార్స్‌ పాపులర్‌ SUV. 1.5 లీటర్‌ డీజిల్‌ ఇంజిన్‌, 115hp పవర్‌, 260Nm టార్క్‌. 6 స్పీడ్‌ AMT లేదా మాన్యువల్‌ గేర్‌బాక్స్‌లో లభిస్తుంది. మిడ్‌ రేంజ్‌లో పర్ఫెక్ట్‌ టార్క్‌ షేర్‌ చేయడం దీని బలం.</p>
<p>7. హ్యుందాయ్ వెన్యూ - రూ. 9.72 లక్షల నుంచి</p>
<p>1.5 లీటర్‌ ఇంజిన్‌, 115hp పవర్‌, 250Nm టార్క్‌ ఇస్తుంది. కేవలం 6 స్పీడ్‌ మాన్యువల్‌ ఆప్షన్‌లో మాత్రమే అందుబాటులో ఉంది. సిటీ డ్రైవింగ్‌లో స్మూత్‌గా సాగిపోతుంది, కానీ హైవే మీదకు ఎక్కితే కొంచెం స్ట్రైన్‌ ఇస్తుంది.</p>
<p>8. మహీంద్రా థార్‌ - రూ. 9.99 లక్షల నుంచి</p>
<p>డీజిల్‌ ఇంజిన్‌లలో లెజెండరీ ఆఫ్‌రోడర్‌ ఇది. థార్‌లో 1.5 లీటర్‌ (118hp, 300Nm) & 2.2 లీటర్‌ (132hp, 300Nm) ఆప్షన్లు ఉన్నాయి. 4WD వెర్షన్‌తో అద్భుతమైన డ్రైవింగ్‌ అనుభవం మీ సొంతం అవుతుంది.</p>
<p>9. కియా సైరోస్‌ - రూ. 10.13 లక్షల నుంచి</p>
<p>కాంపాక్ట్‌ SUV సెగ్మెంట్‌లో ప్రీమియం టచ్‌ ఇచ్చే కారు. 1.5 లీటర్‌ డీజిల్‌ ఇంజిన్‌, 116hp పవర్‌, 250Nm టార్క్‌ జనరేట్‌ చేస్తుంది. వెనుక సీట్లకు AC వెంట్‌ & రీక్లైన్‌ ఫీచర్లు ఉన్నాయి.</p>
<p>10. టాటా కర్వ్‌ - రూ. 11.10 లక్షల నుంచి</p>
<p>కూపే SUV లుక్‌తో ప్రత్యేకంగా నిలిచే కర్వ్‌, 1.5 లీటర్‌ డీజిల్‌ ఇంజిన్‌తో వచ్చింది. 118hp పవర్‌, 260Nm టార్క్‌ ఇస్తుంది, 6 స్పీడ్‌ మాన్యువల్‌ లేదా 7 స్పీడ్‌ DCT ఆప్షన్లలో అందుబాటులో ఉంది.</p>
<p>ఈ లిస్టులో... మహీంద్రా ఎక్కువ డీజిల్‌ మోడళ్లతో ముందంజలో ఉంది. టాటా, కియా, హ్యుందాయ్‌ కూడా బలమైన ఎంపికలు అందిస్తున్నాయి. మీ బడ్జెట్‌లో మైలేజ్‌, టార్క్‌, పెర్ఫార్మెన్స్‌ అన్నీ కావాలంటే - ఈ లిస్ట్‌ను మళ్లీ చెక్‌ చేసి ఒక బెస్ట్‌ కారును ఎంచుకోండి.</p>
1 month ago
2 
