<p>అవకాశాల కోసం తెలుగు సినిమా ఇండస్ట్రీ తలుపుల తట్టి... ఇక్కడ సినిమాలు చేసి...‌‌ నాలుగు రాళ్లు వెనుక వేసుకున్న తర్వాత, తెలుగు సినిమాలతో పాపులారిటీ పెంచుకున్న‌‌ తర్వాత...‌ బాలీవుడ్ గడప తొక్కి, అక్కడ అవకాశాలు మొదలైన తర్వాత టాలీవుడ్‌ ఇండస్ట్రీ మీద కామెంట్స్ చేయడం కొంతమంది అందాల భామలకు అలవాటు అయింది. అప్పుడు తాప్సీ నుంచి మొదలు పెడతే ఇప్పుడు జ్యోతిక వరకు మధ్యలో కమలని ముఖర్జీ సహా అందరిదీ ఇదే పంథా!</p>
<p><strong>రాఘవేంద్రుడిపై తాప్సీ సెటైర్లు... సారీలు!</strong><br />'ఝుమ్మంది నాదం' సినిమాతో కథానాయకగా తాప్సీ కెరీర్ మొదలు అయింది. తెలుగులో కొన్ని సినిమాలు చేశాక ఆవిడ బాలీవుడ్ వెళ్లి సెటిల్ అయ్యింది. హిందీ సినిమాల్లో అవకాశాలు వచ్చిన తర్వాత తెలుగు, తమిళ భాషలలో 'ఆనందో బ్రహ్మా', 'గేమ్ఓవర్' వంటి సినిమాలు చేసింది. హిందీలో అవకాశాలు పెరిగాక ఇక దక్షిణాది సినిమాలో అవసరం లేదని అనుకున్నాక... ఒక కామెడీ షోలో సౌత్ ఫిలిం మేకర్స్ హీరోయిన్ నడుము మీద ఎక్కువ ఫోకస్ చేస్తారని కామెంట్స్ చేసింది. తన బొడ్డు మీద ఒక దర్శకుడు కొబ్బరి కాయతో కొట్టారని సెటైర్లు వేసింది. 'ఝుమ్మంది నాదం' పాట గురించి పరోక్షంగా చెప్పుకొచ్చింది.</p>
<p>అప్పట్లో తాప్సీ తీరు మీద నిర్మాత సురేష్ బాబు, దర్శకులు వైవిఎస్ చౌదరి నందిని రెడ్డి సహా పలువురు అసంతృప్తి వ్యక్తం చేశారు. యష్ చోప్రా సినిమాలలో హీరోయిన్ తప్పకుండా వైట్ శారీలో కనిపిస్తుందని, రాజ్ కపూర్ సినిమాలలో హీరోయిన్లను అందంగా చూపించలేదా? అంటూ రివర్స్ అటాక్ చేశారు. ఆ తర్వాత తాప్సీ‌ సారీ చెప్పిందనుకోండి. </p>
<p><strong>పోస్టర్లపై జ్యోతిక ఫోటోలు వేయలేదని తెల్సా?</strong><br />శింబు సరసన నటించిన 'మన్మధ' సినిమాతో తెలుగు - తమిళ భాషల్లో హీరోయిన్ జ్యోతిక పాపులారిటీ పెరిగింది. సూపర్ స్టార్ రజనీకాంత్ 'చంద్రముఖి'లో టైటిల్ రోల్ చేసి భారీ విజయాన్ని తన ఖాతాలో వేసుకున్నారు. తెలుగులో మెగాస్టార్ చిరంజీవి 'ఠాగూర్' సినిమాలో కూడా ఆవిడ నటించారు. సూర్యతో జ్యోతిక నటించిన సినిమాలు, నిజ జీవితంలో వాళ్ళిద్దరి ‌ వైవాహిక బంధాన్ని అభిమానించే సౌత్ ఆడియన్స్ చాలా మంది ఉన్నారు. వాళ్లందరి మనసును నోచ్చుకునేలా జ్యోతిక కామెంట్స్ చేశారు. </p>
<p>సౌత్ ఇండస్ట్రీలో పోస్టర్ల మీద హీరోయిన్ల ఫోటోలు వేయరని, కేవలం హీరోల ఫోటోలు మాత్రమే వేస్తారని జ్యోతిక అనడం సౌత్ సినిమా ప్రేమికులకు అస్సలు నచ్చలేదు. 'చంద్రముఖి' పోస్టర్లను జ్యోతికను హైలైట్ చేశారు. జ్యోతిక కామెంట్స్ నేపథ్యంలో కొంత మంది సూర్య సినిమా 'కంగువ' పోస్టర్లను బయటకు తీశారు. ఆవిడ భర్త సినిమా పోస్టర్లలో హీరోయిన్లకు చోటు దక్కలేదని, ఇంట్లో చెప్పిన తర్వాత బయట వాళ్లకి నీతులు చెబితే బాగుంటుందని సెటైర్లు వేస్తున్నారు.</p>
<p>తెలుగులో సెన్సిబుల్ సినిమాలు తీసే దర్శకుడుగా పేరు పొందారు శేఖర్ కమ్ముల. 'ఆనంద్', 'గోదావరి' సినిమాలలో కథానాయికగా కమలిని ముఖర్జీకి అవకాశం ఇచ్చారు. గ్లామర్ హీరోయిన్‌గా కంటే‌ నటిగా ఆవిడకు పేరు రావడానికి కారణం టాలీవుడ్.‌ ఇటీవల ఓ హిందీ ఇంటర్వ్యూలో 'గోవిందుడు అందరివాడేలే' సినిమా మీద కామెంట్ చేశారు. మొదట తనకు క్యారెక్టర్ ఒకలా ఉంటుందని చెప్పారని, ఆ తర్వాత స్క్రీన్ మీద వేరుగా చూపించారని, ఆ సినిమా తర్వాత తెలుగు సినిమాలు చేయడం మానేశానని పేర్కొన్నారు. ఒక్క సినిమాతో మానేయడం ఏమిటి? అనేది ప్రేక్షకుల ప్రశ్న.‌ బాలీవుడ్ మూవీ 'మా' ప్రమోషన్లలో రామోజీ ఫిలిం సిటీలో దెయ్యాలు తిరుగుతాయని కాజోల్ కామెంట్ చేశారు. హైదరాబాద్ సిటీలో షూటింగ్స్ అంటే ఒక విధమైన చిరాకు అని పేర్కొన్నారు. ఆవిడ మాత్రమే కాదు... ఆమె భర్త అజయ్ దేవగణ్ సినిమాల్లో ఎక్కువ శాతం రామోజీ ఫిల్మ్ సిటీలో షూట్ చేసెనవే. ఫాతిమా సనా షేక్ ఒక్క తెలుగు సినిమా చేయలేదు. కానీ, టాలీవుడ్ మీద క్యాస్టింగ్ కౌచ్ ఆరోపణలు చేశారు. తెలుగులో ఒకటి రెండు సినిమాలు చేసిన మరి కొంతమంది హీరోయిన్లు ఈ విధంగా సౌత్ సినిమా ముఖ్యంగా టాలీవుడ్ ఇండస్ట్రీ మీద కామెంట్స్ చేశారు. తెలుగులో కెరీర్ ఇక్కడే బిల్డ్ చేసుకుని సెటిల్ అయ్యి హిందీ ఇండస్ట్రీకి వెళ్ళాక అవకాశాలు ఇచ్చిన తెలుగు ఇండస్ట్రీని కించపరిచేలా చేస్తున్న కామెంట్స్, హీరోయిన్ల ఈ స్టేట్మెంట్స్ పలు అనుమానాలకు తావిస్తున్నాయి. </p>
<p>Also Read<strong>: <a title="సొంత కుటుంబానికి దూరంగా ఎన్టీఆర్... కానీ అల్లు - కొణిదెల కుటుంబాలు కలిశాయ్!" href="https://telugu.abplive.com/entertainment/cinema/ntr-skips-padmaja-final-rites-keeps-distance-from-nandamuri-nara-family-while-allu-konidela-families-reunion-sparks-discussion-218784" target="_self">సొంత కుటుంబానికి దూరంగా ఎన్టీఆర్... కానీ అల్లు - కొణిదెల కుటుంబాలు కలిశాయ్!</a></strong></p>
<p>ప్రజెంట్ బాలీవుడ్ సినిమాలకు టాలీవుడ్ స్ట్రాంగ్ కాంపిటీషన్ ఇస్తోంది.‌ హిందీకి ధీటుగా పాన్ ఇండియా సినిమాలు ప్రొడ్యూస్ చేస్తోంది. ఇటువంటి తరుణంలో ఒక పథకం ప్రకారం తెలుగు ఇండస్ట్రీ మీద విమర్శలు చేస్తున్నారా? అనే సందేహాలు సైతం లేకపోలేదు. హిందీ సినిమాలపై కామెంట్స్ చేసిన హీరోయిన్లు కూడా ఉన్నారు. హీరోలతో సమానంగా తమకు రెమ్యూనరేషన్ ఇవ్వడం లేదని కరీనా కపూర్ బాహాటంగా చెప్పారు. హీరోలతో పోలిస్తే తమకు గౌరవ మర్యాదలు తక్కువగా ఉంటాయని కృతి సనన్ కామెంట్ చేశారు. ఇటువంటి విషయాలకు బాలీవుడ్ మీడియా పెద్దగా ఇంపార్టెన్స్ ఇవ్వడం లేదు. 'యానిమల్' వంటి ‌బ్లాక్ బస్టర్ తీసిన సందీప్ రెడ్డి ఇమేజ్ డామేజ్ చేసేలా దీపికా పదుకొనే కామెంట్స్ కు సపోర్ట్ ఇస్తుంది. దక్షిణాది దర్శక నిర్మాతలపై ముంబైలో పరోక్షంగా వివక్ష చూపిస్తున్నారని ప్రేక్షకులు భావిస్తున్నారు.</p>
<p>Also Read<strong>: <a title="మదర్ రోల్స్ వైపు షిఫ్ట్ అవుతున్న శ్రియ... అప్పుడు 'దృశ్యం', 'ఆర్ఆర్ఆర్' - ఇప్పుడు 'మిరాయ్" href="https://telugu.abplive.com/entertainment/cinema/shriya-saran-shifts-focus-from-glam-heroine-to-mother-roles-then-drushyam-rrr-now-mirai-218606" target="_self">మదర్ రోల్స్ వైపు షిఫ్ట్ అవుతున్న శ్రియ... అప్పుడు 'దృశ్యం', 'ఆర్ఆర్ఆర్' - ఇప్పుడు 'మిరాయ్'</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/tollywood-actress-celebrate-ganesh-chaturthi-2025-with-joy-see-photos-218321" width="631" height="381" scrolling="no"></iframe></p>
3 months ago
4 
