<p><strong>Tirumala news:</strong> తిరుమ‌ల శ్రీ‌వారి ఆర్జిత సేవా టికెట్లకు సంబంధించిన సుప్రభాతం, తోమ‌ల‌, అర్చన, అష్టదళ పాదపద్మారాధన సేవలకు సంబంధించి ఏప్రిల్‌ నెల కోటా టికెట్లను టీటీడీ శనివారం విడుదల చేయనుంది. ఉదయం ఉదయం 10 గంట‌ల‌కు టీటీడీ ఆన్‌లైన్‌లో ఈ టికెట్లు విడుదల చేయ‌నుంది.</p>
<p>ఈ సేవా టికెట్ల రిజిస్ట్రేష‌న్‌ కోసం జ‌న‌వ‌రి 18 నుంచి 20వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్చు. ఈ టికెట్లు పొందిన వారు జ‌న‌వ‌రి 20 నుంచి 22వ తేదీ మధ్యాహ్నం 12 గంటలలోపు సొమ్ము చెల్లించిన వారికి లక్కీడిప్‌లో టికెట్లు మంజూరు చేస్తారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/spirituality/tirumala-66cr-sacred-torrents-in-tirumala-ranges-182295" width="631" height="381" scrolling="no"></iframe></p>
<p><strong>జ‌న‌వ‌రి 21న ఆర్జిత సేవా టికెట్ల విడుదల</strong><br />కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లు, ఏప్రిల్ 10 నుంచి 12వ తేదీ వరకు నిర్వహించనున్న శ్రీవారి సాలకట్ల వసంతోత్సవాల ఆర్ధిత సేవా టికెట్లు జ‌న‌వ‌రి 21న ఉదయం 10 గంటలకు విడుదల చేస్తారు.</p>
<p><strong>జ‌న‌వ‌రి 21న వర్చువల్ సేవల కోటా విడుదల</strong><br />వర్చువల్ సేవలు, వాటి దర్శన స్లాట్లకు సంబంధించిన ఏప్రిల్‌ నెల కోటాను జ‌న‌వ‌రి 21న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయనుంది.</p>
<p><strong>జ‌న‌వ‌రి 23న‌ అంగప్రదక్షిణం టోకెన్లు….</strong><br />ఏప్రిల్‌ నెల‌కు సంబంధించిన అంగప్రదక్షిణం టోకెన్ల కోటాను జ‌న‌వ‌రి 23న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది.</p>
<p><strong>Also Read: <a title="విశాఖ స్టీల్ ప్లాంట్‌కు 11,440 కోట్ల ప్యాకేజీ - అధికారికంగా ప్రకటించిన కేంద్ర మంత్రి అశ్వనీ వైష్ణవ్" href="https://telugu.abplive.com/andhra-pradesh/center-announces-11440-crore-ruppes-bail-out-package-to-vizag-steel-plant-194464" target="_blank" rel="noopener">విశాఖ స్టీల్ ప్లాంట్‌కు 11,440 కోట్ల ప్యాకేజీ - అధికారికంగా ప్రకటించిన కేంద్ర మంత్రి అశ్వనీ వైష్ణవ్</a></strong></p>
<p><strong>శ్రీవాణి టికెట్ల ఆన్ లైన్ కోటా….</strong><br />శ్రీవాణి ట్రస్టు టికెట్లకు సంబంధించిన ఏప్రిల్‌ నెల ఆన్ లైన్ కోటాను జ‌న‌వ‌రి 23వ తేదీ ఉదయం 11 గంటలకు టీటీడీ విడుదల చేయనుంది.</p>
<p><strong>వృద్ధులు, దివ్యాంగుల దర్శన కోటా…</strong><br />వ‌యోవృద్ధులు, దివ్యాంగులు, దీర్ఘకాలిక వ్యాధులున్నవారు తిరుమల శ్రీ‌వారిని ద‌ర్శించుకునేందుకు వీలుగా మార్చి నెల ఉచిత‌ ప్రత్యేక దర్శనం టోకెన్ల కోటాను జ‌న‌వ‌రి 23న మధ్యాహ్నం 3 గంట‌ల‌కు టీటీడీ ఆన్‌లైన్‌లో విడుద‌ల చేయ‌నుంది.</p>
<p><strong>జ‌న‌వ‌రి 24న ప్రత్యేక ప్రవేశ దర్శన టికెట్ల కోటా విడుదల</strong><br />ఏప్రిల్‌ నెల‌కు సంబంధించిన ప్రత్యేక ప్రవేశ దర్శన టికెట్ల కోటాను జ‌న‌వ‌రి 24న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది.</p>
<p><strong>తిరుమ‌ల‌, తిరుప‌తిల‌లో గదుల కోటా విడుద‌ల‌…</strong><br />తిరుమల, తిరుపతిల‌లో ఏప్రిల్‌ నెల గదుల కోటాను జ‌న‌వ‌రి 24న మధ్యాహ్నం 3 గంటలకు ఆన్‌లైన్‌లో విడుదల చేస్తారు.</p>
<p>ఈ నెల 27వ తారీఖున శ్రీవారి సేవ సాధారణ, నవనీత, పరాకామణి సేవ కోటాలు ఉదయం 11, మ ధ్యాహ్నం12, మ ధ్యాహ్నం 1గంటకి యథాప్రకారం విడుదల చేస్తారు. <a title="https://ttdevasthanams.ap.gov.in" href="https://ttdevasthanams.ap.gov.in/home/dashboard" target="_blank" rel="noopener">https://ttdevasthanams.ap.gov.in</a> వెబ్‌సైట్ ద్వారా మాత్రమే శ్రీ‌వారి ఆర్జిత‌సేవ‌లు, ద‌దర్శన టికెట్లు బుక్ చేసుకోవాల‌ని టీటీడీ సూచించింది. దళారులు, ఇతర ప్రైవేటు వెబ్ సైట్‌లను నమ్మి మోసపోకండి అని టీటీడీ సూచిస్తుంది.</p>
<p><strong>Also Read: <a title="శ్రీవారి భక్తులకు బిగ్ అలర్ట్‌- 20న ఆ దర్శనాలన్నీ రద్దు " href="https://telugu.abplive.com/andhra-pradesh/tirupati/ttd-cancels-vip-darshans-on-january-20th-194468" target="_blank" rel="noopener">శ్రీవారి భక్తులకు బిగ్ అలర్ట్‌- 20న ఆ దర్శనాలన్నీ రద్దు </a></strong></p>
10 months ago
8 
