<p><strong>Blood Sugar Management :</strong> మధుమేహం నియంత్రించి.. అదుపులో ఉంచుకోవాలంటే కేవలం ఆహారంపై మాత్రమే దృష్టి పెడితే సరిపోదని చెప్తున్నారు నిపుణులు. ఏం తింటున్నారనేది ఎంత ముఖ్యమో.. రోజువారీ జీవనశైలి, శారీరక చలనం, నిద్ర, ఒత్తిడిని ఎలా బ్యాలెన్స్ చేస్తున్నారనేది కూడా అంతే ముఖ్యమని అంటున్నారు. ముఖ్యంగా ప్రీడయాబెటిస్ లేదా డయాబెటిస్ ఉన్నవారు చిన్న చిన్న జీవనశైలి మార్పులు చేసుకోవడం ద్వారా రక్తంలో గ్లూకోజ్ స్థాయిలను మెరుగ్గా నిర్వహించుకోవచ్చని సూచిస్తున్నారు. మరి డైట్తో పాటు నిపుణులు సూచిస్తున్న మూడు ముఖ్యమైన మార్పులు ఏంటో చూసేద్దాం. </p>
<h3>ఒకేచోట ఎక్కువసేపు కూర్చోకండి..</h3>
<p>శారీరక శ్రమ ఇన్సులిన్ సెన్సిటివిటీని మెరుగుపరచడంలో, శరీరం గ్లూకోజ్‌ను సమర్థంగా ఉపయోగించుకోవడంలో సహాయపడుతుంది. కాబట్టి క్రమం తప్పకుండా వ్యాయామం చేయడం వల్ల బ్లడ్ షుగర్ నియంత్రణకు మేలు జరుగుతుంది. ఏరోబిక్ వ్యాయామాలతో పాటు స్ట్రెంగ్త్ ట్రైనింగ్ కూడా ఉపయోగకరంగా ఉంటుంది.</p>
<p><strong>Also Read : <a href="https://telugu.abplive.com/lifestyle/dengue-dangerous-type-2-diabetes-patients-higher-risk-symptoms-india-full-details-explained-254633" target="_blank" rel="noopener">మధుమేహం(Type 2 Diabetes) ఉన్నవారికి డెంగ్యూ వస్తే ప్రమాదమా? ఈ లక్షణాలను అస్సలు నిర్లక్ష్యం చేయకండి</a></strong></p>
<p>దీనికోసం ప్రతిరోజూ గంటల తరబడి జిమ్‌లో గడపాల్సిన అవసరం లేదు. కానీ భోజనం తర్వాత కొద్దిసేపు నడవడం వంటి చిన్న మార్పులు కూడా ఉపయోగపడతాయి. ఎక్కువసేపు ఒకే చోట కూర్చోకుండా తరచూ లేచి కొద్దిసేపు నడవడం.. వీలైనప్పుడు లిఫ్ట్‌కు బదులు మెట్లు ఉపయోగించడం.. ఉదయం లేదా సాయంత్రం పార్క్‌లో, ఇంటి పరిసరాల్లో నడవడం.. ఇంట్లోనే సులభమైన వ్యాయామాలు చేయడం.. ప్రయాణంలో కొంత దూరం నడవడానికి ప్రయత్నించడం.. భోజనం తర్వాత కొద్దిసేపు నడిచే అలవాటు చేసుకోవాలని సూచిస్తున్నారు.</p>
<h3>నిద్రకు ప్రాధాన్యత</h3>
<p>బ్లడ్ షుగర్ నియంత్రణలో నిద్రను చాలామంది నిర్లక్ష్యం చేస్తారు. కానీ సరైన నిద్ర లేకపోతే ఆకలి, ఆహార కోరికలు, ఒత్తిడికి సంబంధించిన హార్మోన్లలో మార్పులు రావచ్చు. ఫలితంగా రాత్రిపూట తినడం, అధిక కేలరీల ఆహారం తీసుకోవడం వంటి అలవాట్లు పెరిగే అవకాశం ఉంటుంది. ఎందుకంటే నిద్రలేమి కార్టిసాల్ వంటి హార్మోన్లపై ప్రభావం చూపి రక్తంలో చక్కెర స్థాయిలను ప్రభావితం చేయవచ్చు.</p>
<p><strong>Also Read : <a href="https://telugu.abplive.com/lifestyle/best-5-exercises-for-diabetes-high-bp-and-heart-patients-expert-tips-to-stay-healthy-245446" target="_blank" rel="noopener">మధుమేహం, బీపీ, గుండె సమస్యలున్నవారికి 5 బెస్ట్ వ్యాయామాలు ఇవే.. నిపుణుల సూచనలతో</a></strong></p>
<p>ప్రతిరోజూ ఒకే సమయానికి నిద్రపోవడానికి ప్రయత్నించండి. పడుకునే ముందు స్క్రీన్ వినియోగాన్ని తగ్గించుకోండి. బెడ్‌రూమ్‌ను ప్రశాంతంగా, చీకటిగా, సౌకర్యవంతంగా ఉంచుకోండి. గది మరీ వేడిగా లేకుండా.. మీకు సరిపడేంత గాలి ఉండేలా చూసుకోండి. తగినంత నిద్రపోయినా రోజంతా తీవ్రమైన అలసటగా అనిపిస్తుంటే కచ్చితంగా వైద్యుడిని సంప్రదించండి. </p>
<h3>ఒత్తిడిని తగ్గించుకోవడం</h3>
<p>దీర్ఘకాలిక ఒత్తిడి కూడా బ్లడ్ షుగర్‌పై ప్రభావం చూపవచ్చు. ఒత్తిడి సమయంలో శరీరంలో కార్టిసాల్ వంటి హార్మోన్లు పెరుగుతాయి. ఇవి శరీరానికి అవసరమైన శక్తిని అందించేందుకు కాలేయం నుంచి గ్లూకోజ్ విడుదలను పెంచుతాయి. ఒత్తిడి నిరంతరం కొనసాగితే రక్తంలో గ్లూకోజ్ నియంత్రణ మరింత కష్టమయ్యే అవకాశం ఉంది. అందుకే డయాబెటిస్ ఉన్నవారు స్ట్రెస్ని లైట్గా తీసుకోకూడదు. </p>
<p><strong>Also Read : <a href="https://telugu.abplive.com/lifestyle/pre-diabetes-diet-foods-to-avoid-and-and-foods-in-your-diet-before-its-too-late-244382" target="_blank" rel="noopener">ప్రీ-డయాబెటిస్ ఉందా? ఈ ఫుడ్స్ మానేసి.. ఇవి తింటే మధుమేహం రాదట, ఫాలో అయిపోండి</a></strong></p>
<p>ఒత్తిడి తగ్గించుకోవడానికి కొన్ని నిమిషాలు నెమ్మదిగా, లోతుగా శ్వాస తీసుకునే వ్యాయామాలు చేయండి. ధ్యానం లేదా మైండ్‌ఫుల్‌నెస్ సాధన చేయండి. రోజులో జరిగిన మంచి విషయాలను రాసుకునే అలవాటు చేసుకోండి. కుటుంబ సభ్యులు, స్నేహితులతో మాట్లాడటానికి సమయం కేటాయించండి. మీకు నచ్చిన సంగీతం వినడం, బయట నడవడం వంటి రిలాక్సింగ్ కార్యకలాపాలు చేయండి. పని మధ్యలో చిన్న విరామాలు తీసుకోండి.</p>
<p><strong><a href="https://telugu.abplive.com/search?s=%E0%B0%AE%E0%B0%A7%E0%B1%81%E0%B0%AE%E0%B1%87%E0%B0%B9%E0%B0%82" target="_blank" rel="noopener">మధుమేహం గురించిన మరింత సమాచారం, ఇంట్రెస్టింగ్ వార్తల కోసం దీనిని క్లిక్ చేయండి. </a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/lifestyle/10-minute-walk-after-meals-simple-habit-to-lower-blood-sugar-naturally-251364" width="631" height="381" scrolling="no"></iframe></p>
<p><strong>గమనిక :</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.</p>
2 months ago
3 
