<p>Tina Dabi trolled for Republic Day flag unfurling: రాజస్థాన్‌లోని బార్మర్ జిల్లా కలెక్టర్‌గా పనిచేస్తున్న ప్రముఖ ఐఏఎస్ అధికారిణి టీనా దాబి , 77వ గణతంత్ర దినోత్సవ వేడుకల సందర్భంగా జరిగిన ఒక చిన్న పొరపాటు కారణంగా సోషల్ మీడియాలో ట్రోలింగ్‌కు గురయ్యారు. ఆదివారం బార్మర్ జిల్లా కలెక్టరేట్ కార్యాలయంలో జాతీయ జెండాను ఆవిష్కరించిన అనంతరం, ఆమె జెండా వైపు కాకుండా పొరపాటున వ్యతిరేక దిశలో సెల్యూట్ చేయడం చర్చనీయాంశంగా మారింది. ఈ నిమిషం నిడివి గల వీడియో సోషల్ మీడియాలో వైరల్ కావడంతో నెటిజన్ల నుంచి భిన్నమైన ప్రతిస్పందనలు వ్యక్తమవుతున్నాయి.</p>
<p>వీడియో ప్రకారం, జెండాను ఎగురవేసిన కొద్ది క్షణాలకే టీనా దాబి గందరగోళానికి గురై వెనక్కు తిరిగి సెల్యూట్ చేయబోయారు. వెంటనే పక్కనే ఉన్న భద్రతా అధికారి ఆమెను సరైన దిశలో నిలబడమని సూచించడంతో, ఆమె వెంటనే తప్పును సరిదిద్దుకుని జాతీయ జెండాకు గౌరవ వందనం సమర్పించారు. ఈ ప్రక్రియ కేవలం కొన్ని సెకన్లలోనే ముగిసినప్పటికీ, ఆ చిన్నపాటి ప్రోటోకాల్ లోపాన్ని కొందరు సోషల్ మీడియా వేదికగా విమర్శిస్తున్నారు. ఒక సీనియర్ అధికారిణి అయి ఉండి ఇలాంటి ప్రాథమిక నియమాలను ఎలా మర్చిపోతారని కొందరు ప్రశ్నిస్తున్నారు. </p>
<blockquote class="twitter-tweet">
<p dir="ltr" lang="hi">गणतंत्र दिवस पर Tina Dabi का Video Viral, ध्वजारोहरण के दौरान डायरेक्शन को लेकर हुआ कन्फ्यूजन <a href="https://twitter.com/hashtag/mnpnews?src=hash&ref_src=twsrc%5Etfw">#mnpnews</a> <a href="https://twitter.com/hashtag/tinadabi?src=hash&ref_src=twsrc%5Etfw">#tinadabi</a> <a href="https://twitter.com/hashtag/RepublicDay2026?src=hash&ref_src=twsrc%5Etfw">#RepublicDay2026</a> <a href="https://twitter.com/hashtag/RepublicDay?src=hash&ref_src=twsrc%5Etfw">#RepublicDay</a> <a href="https://t.co/WvTh8Z8GnI">pic.twitter.com/WvTh8Z8GnI</a></p>
— Rahul Shrivastav (@Rahulsh89093174) <a href="https://twitter.com/Rahulsh89093174/status/2015709847124402382?ref_src=twsrc%5Etfw">January 26, 2026</a></blockquote>
<p>ఈ ఘటనపై నెటిజన్ల నుంచి మిశ్రమ స్పందనలు వస్తున్నాయి. కొందరు ఆమెను రీల్ స్టార్ అని ఎగతాళి చేస్తూ, ఆమె పాలన కంటే కెమెరాలకే ఎక్కువ ప్రాధాన్యత ఇస్తారని విమర్శించగా, మరికొందరు ఆమెకు మద్దతుగా నిలిచారు. పబ్లిక్ ఈవెంట్లలో తీవ్రమైన ఒత్తిడి కారణంగా ఇలాంటి చిన్న మానవ సహజ పొరపాట్లు జరగడం సహజమని, ఆమె వెంటనే దాన్ని సరిదిద్దుకున్నారని మద్దతుదారులు వాదిస్తున్నారు. అనవసరంగా ఒక చిన్న విషయాన్ని పట్టుకుని ట్రోల్ చేయడం సరికాదని వారు అభిప్రాయపడుతున్నారు. </p>
<blockquote class="twitter-tweet">
<p dir="ltr" lang="hi">ये हैं बाड़मेर की जिला अधिकारी टीना डाबी, जो यूपीएससी की टॉपर रह चुकी हैं।<br /><br />मैडम भूल गई कि झंडा फहराने के बाद किस दिशा में मुंह करके कि सैल्यूट करना है।<br /><br />कुछ लोग कह रहे है कि मैडम को कैमरे की आदत हो गई है इसलिए वो जिधर कैमरा देखती है उधर घूम जाती है 🙂 <a href="https://t.co/mhUxTxEsvO">pic.twitter.com/mhUxTxEsvO</a></p>
— Aaruhi 🐱 (@CuteAaruhi4) <a href="https://twitter.com/CuteAaruhi4/status/2015675216748589382?ref_src=twsrc%5Etfw">January 26, 2026</a></blockquote>
<p>గతంలో కూడా టీనా దాబి తన సోషల్ మీడియా పోస్టులు , పరిపాలనాపరమైన నిర్ణయాల వల్ల వార్తల్లో నిలిచారు. ఇటీవల బార్మర్‌లో జరిగిన విద్యార్థుల నిరసనల సమయంలో కూడా ఆమెపై ఇలాంటి రీల్ స్టార్ వ్యాఖ్యలు వచ్చాయి. తాజా గణతంత్ర దినోత్సవ ఘటనపై ఇప్పటివరకు అధికారికంగా ఎటువంటి ప్రకటన వెలువడలేదు. అయితే, సెలబ్రిటీ హోదా ఉన్న అధికారుల విషయంలో చిన్న పొరపాటు జరిగినప్పటికీ అది ఎంత త్వరగా దేశవ్యాప్తంగా చర్చకు దారితీస్తుందో ఈ ఘటన మరోసారి నిరూపించింది.</p>
<p><iframe class="vidfyVideo" style="border: 0px;" src="https://telugu.abplive.com/web-stories/news/ten-important-facts-about-the-indian-constitution-235793" width="631" height="381" scrolling="no"></iframe></p>
2 months ago
9 
