<p>బాలీవుడ్ యంగ్ హీరో టైగర్ ష్రాఫ్ (Tiger Shroff)పై జరిగిన దాడి అందరినీ షాక్‌కి గురయ్యేలా చేసింది. ఆయన కారులో ప్రయాణిస్తున్న సమయంలో... ఆదివారం (అక్టోబర్ 18వ తేదీ) సాయంత్రం తుపాకీలతో కొందరు కాల్పుల జరిపిన ఘటన దేశవ్యాప్తంగా సంచలనమైంది. ఆ ఘటనపై ముంబై పోలీసులు జరుపుతున్న విచారణలో పలు సంచలన విషయాలు వెలుగులోకి వచ్చాయి.</p>
<p><strong>మెయిన్ టార్గెట్ టైగర్ కాదు...</strong><br /><strong>సల్మాన్ ఖాన్ కోసం వచ్చిన టీం!</strong><br />లారెన్స్ బిష్ణోయ్ (Lawrence Bishnoi) ముఠాకు చెందిన నిందితులు తొలుత ముంబై మహానగరంలోని బాంద్రాలో గల సల్మాన్ ఖాన్ (Salman Khan) ఇంటిని లక్ష్యంగా చేసుకుకి ప్లాన్ రెడీ చేశారు. భాయిజాన్ ఇంటి పరిసరాల్లో రెక్కీ కూడా నిర్వహించారు. అయితే... ఇంతకు ముందు లారెన్స్ బిష్ణోయ్ నుంచి వచ్చిన బెదిరింపుల నేపథ్యంలో సల్మాన్ ఇంటి వద్ద అత్యాధునిక ఆయుధాలతో కూడిన కమాండోలతో భారీ భద్రత ఏర్పాటు చేశారు. అది చూసిన నిందితులు సల్మాన్‌పై దాడి చేయాలనుకున్న ప్లాన్ పక్కన పెట్టి... సల్మాన్ కంటే తక్కువ భద్రత ఉన్న మరొక సినీ ప్రముఖుడిని లక్ష్యంగా చేసుకోవాలని డిసైడ్ అయ్యారు. టైగర్ ష్రాఫ్ మీద చేసిన దాడిలో మెయిన్ టార్గెట్ ఆయన కాదని... సల్మాన్ ఖాన్ అని పోలీసు విచారణలో వెల్లడైనట్టు తెలుస్తోంది.</p>
<p>Also Read<strong>: <a title="Indian 3 Latest Update - శంకర్ ప్రపోజల్ పక్కన పెట్టిన లైకా ప్రొడక్షన్స్... 'ఇండియన్ 3' కోసం ఆ పాతిక రోజులు కష్టమే!?" href="https://telugu.abplive.com/entertainment/cinema/indian-3-update-lyca-productions-rejects-shankar-proposal-for-25-more-days-of-shooting-kamal-haasan-261975" target="_self">Indian 3 Latest Update - శంకర్ ప్రపోజల్ పక్కన పెట్టిన లైకా ప్రొడక్షన్స్... 'ఇండియన్ 3' కోసం ఆ పాతిక రోజులు కష్టమే!?</a></strong></p>
<p><strong>టైగర్ ష్రాఫ్ మీద దాడికి ముందు సోషల్ మీడియాలో...</strong><br />సల్మాన్ ఖాన్‌పై దాడి చేయడం కష్టమని భావించిన నిందితులు... ఆ తర్వాత టైగర్ ష్రాఫ్‌ను సెలెక్ట్ చేసుకున్నారు. సోషల్ మీడియా పోస్టులతో పాటు అభిమానులు షేర్ చేసే వీడియోలను గమనించడం వల్ల టైగర్ ష్రాఫ్ డైలీ రొటీన్ మీద వాళ్ళు ఓ అంచనాకు వచ్చారు. ప్రతి ఆదివారం జుహులోని ఓ మైదానంలో టైగర్ ష్రాఫ్ తప్పకుండా ఫుట్‌బాల్ ఆడతారని తెలుసుకున్నారు. ఆదివారం సాయంత్రం ఫుట్ బాల్ గేమ్ ముగించుకుని కారులో వెళుతున్న సమయంలో టైగర్ ష్రాఫ్ మీద తుపాకీలతో షూట్ చేశారు. దాడి నుంచి టైగర్ ష్రాఫ్ సురక్షితంగా బయటపడ్డారు. అయితే... ఆయన కారు డ్రైవర్, దగ్గరలోని మరొక సామాన్యుడు గాయపడ్డారు.</p>
<p>Also Read<strong>: <a title="Express Hari Visits Kukke Subramanya Temple - దసరాకు ఎక్స్‌ప్రెస్ హరి ప్రత్యేక పూజలు... కర్ణాటకలోని కుక్కే శ్రీ సుబ్రమణ్య స్వామి గుడిలో" href="https://telugu.abplive.com/photo-gallery/entertainment/tv-express-hari-performs-homam-at-kukke-shri-subrahmanya-devasthana-on-dussehra-2026-261978" target="_self">Express Hari Visits Kukke Subramanya Temple - దసరాకు ఎక్స్‌ప్రెస్ హరి ప్రత్యేక పూజలు... కర్ణాటకలోని కుక్కే శ్రీ సుబ్రమణ్య స్వామి గుడిలో</a></strong></p>
<p>టైగర్ ష్రాఫ్ మీద దాడికి బాధ్యత వహిస్తూ లారెన్స్ బిష్ణోయ్ ముఠా ఓ ప్రకటన చేసింది. ఈ కేసు విచారణ వేగవంతం చేసిన పోలీసులు... రాజస్థాన్‌లోని కోటాలో ముగ్గురు నిందితులను అరెస్ట్ చేసి ముంబై పోలీసులకు అప్పగించారు. లారెన్స్ బిష్ణోయ్ గ్యాంగ్ హిట్ లిస్ట్‌లో గత పదేళ్లుగా సల్మాన్ ఖాన్ పేరు ఉంది. ఆయన మాత్రమే కాదు... బాలీవుడ్ టాప్ హీరోలైన ఆమిర్ ఖాన్, అక్షయ్ కుమార్ మీద కూడా దాడి చేయడానికి ప్లాన్ చేశారట.</p>
<p>Also Read<strong>: <a title="Anandi's Garividi Lakshmi Biopic Movie Review - 'గరివిడి లక్ష్మి' రివ్యూ: ఉత్తరాంధ్ర బుర్రకథ కళాకారిణి బయోపిక్... సినిమా ఎలా ఉందంటే?" href="https://telugu.abplive.com/entertainment/cinema/garividi-lakshmi-review-telugu-uttarandhra-flok-singer-biopic-rating-starring-anandhi-261715" target="_self">Anandi's Garividi Lakshmi Biopic Movie Review - 'గరివిడి లక్ష్మి' రివ్యూ: ఉత్తరాంధ్ర బుర్రకథ కళాకారిణి బయోపిక్... సినిమా ఎలా ఉందంటే?</a></strong></p>
1 week ago
2 
