<p><strong>Prabhas Fans Angry On Allocating Theaters To Jana Nayakudu : </strong>సంక్రాంతి అంటేనే సినిమాల సందడి. ఈసారి పొంగల్ మరింత స్పెషల్. మెగాస్టార్ మూవీతో పాటు పాన్ ఇండియా స్టార్ సినిమా, టాలీవుడ్ యంగ్ హీరోస్ మూవీస్ వరుసగా రిలీజ్ కానున్నాయి. ఏకంగా 5 తెలుగు సినిమాలు రిలీజ్ కానుండగా రెండు తమిళ డబ్బింగ్ సినిమాలు రానున్నాయి. ముఖ్యంగా పాన్ ఇండియా స్టార్ ప్రభాస్ 'ది రాజా సాబ్' మూవీలో సంక్రాంతి సందడి స్టార్ట్ కానుంది.</p>
<p><strong>ఒకే రోజున 2 మూవీస్...</strong></p>
<p>ఈ సంక్రాంతికి ఎక్కువ సినిమాలు రిలీజ్ కానున్నందున తెలుగు రాష్ట్రాల్లో థియేటర్స్ కొరత నెలకొంది. ప్రతీ ఏడాది ఈ సమస్య కామన్. అయితే, ప్రభాస్ 'ది రాజా సాబ్' మూవీ, తమిళ స్టార్ విజయ్ మూవీ 'జన నాయకుడు' ఒకే రోజున అంటే జనవరి 9న రిలీజ్ కానున్నాయి. ప్రభాస్, మారుతి కాంబోలో వస్తోన్న 'ది రాజా సాబ్' మూవీపై భారీ అంచనాలే ఉన్నాయి. చాలా రోజుల తర్వాత ప్రభాస్ హారర్ కామెడీ జానర్‌లో నటించడం, డార్లింగ్ వింటేజ్ లుక్స్ భారీ హైప్ క్రియేట్ చేస్తున్నాయి. అటు, దళపతి విజయ్ లాస్ట్ మూవీ కావడంతో తమిళంలో 'జన నాయకుడు'కు ఫుల్ క్రేజ్ నెలకొంది.</p>
<p><strong>డార్లింగ్ ఫ్యాన్స్ ఆగ్రహం</strong></p>
<p>తెలుగు రాష్ట్రాల్లో 'ది రాజా సాబ్' మూవీతో పాటే ఈక్వెల్‌గా 'జన నాయకుడు'కు కూడా థియేటర్స్ ఇస్తున్నారంటూ డార్లింగ్ ఫ్యాన్స్ తీవ్ర ఆగ్రహం వ్యక్తం చేస్తున్నారు. కొన్ని చోట్ల ప్రభాస్ మూవీ పక్కన పెట్టి మరీ తమిళ డబ్బింగ్ సినిమా వేస్తున్నారని అంటున్నారు. అటు, తమిళనాడులో 'ది రాజా సాబ్'కు థియేటర్స్ దొరకడం కష్టంగా మారిందని నెట్టింట కామెంట్స్ చేస్తున్నారు. ఈ క్రమంలో అక్కడ ఒక రోజు ఆలస్యంగాా రిలీజ్ అవుతున్నట్లు తెలుస్తోంది.</p>
<p>తమిళనాడులో తెలుగు సినిమాలకు ఇంపార్టెన్స్ ఇవ్వనప్పుడు ఇక్కడ మాత్రం వారి డబ్బింగి సినిమాలకు ఎందుకు థియేటర్స్ ఇస్తున్నారో అర్థం కావడం లేదంటూ సోషల్ మీడియాలో చర్చ సాగుతోంది. తెలుగు రాష్ట్రాల్లో మన సినిమాను పక్కన పెట్టి మరీ ఆ సినిమాకు థియేటర్స్ ఇవ్వాల్సిన అవసరం ఏంటంటూ ప్రశ్నిస్తున్నారు. ఇది అన్యాయమని మేకర్స్, నిర్మాతలు దీనిపై రియాక్ట్ కావాల్సిన అవసరం ఉందని అంటున్నారు.</p>
<p><strong>Also Read : <a title="'ద్రౌపది 2'లో ముగ్గురు విలన్స్ - మహ్మద్ బిన్ తుగ్లక్‌‌గా చిరాగ్... ఫస్ట్ లుక్ రిలీజ్" href="https://telugu.abplive.com/entertainment/cinema/bollywood-actor-chirag-jani-as-mohdbin-thugluq-in-draupathi-2-movie-latest-updates-233268" target="_self">'ద్రౌపది 2'లో ముగ్గురు విలన్స్ - మహ్మద్ బిన్ తుగ్లక్‌‌గా చిరాగ్... ఫస్ట్ లుక్ రిలీజ్</a></strong></p>
<p> </p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/cinema/whenever-prabhas-character-name-scene-in-movies-connects-with-lord-shiva-results-something-special-210656" width="631" height="381" scrolling="no"></iframe></strong></p>
3 months ago
7 
