<p style="text-align: justify;"><strong>Telangana ICET 2025 Notification:</strong> తెలంగాణలో ఎంబీఏ, ఎంసీఏ కోర్సుల్లో ప్రవేశాలకు నిర్వహించే తెలంగాణ ఐసెట్‌ (TG ICET 2025) నోటిఫికేషన్‌ మార్చి 6న వెలువడనుంది. అభ్యర్థులు మార్చి 10 నుంచి ఆన్‌లైన్‌ విధానంలో దరఖాస్తులు సమర్పించాల్సి ఉంటుంది. దరఖాస్తు ఫీజుగా ఎస్సీ, ఎస్టీ, దివ్యాంగులు రూ.550; బీసీ, జనరల్‌ అభ్యర్థులు రూ.750 చెల్లించాల్సి ఉంటుంది. అయితే ఆలస్య రుసుము లేకుండా మే 3 వరకు దరఖాస్తులు సమర్పించే అవకాశం కల్పించారు. జూన్‌ 8, 9 తేదీల్లో ఐసెట్‌ పరీక్షలు నిర్వహించనున్నారు. ఆయాతేదీల్లో ఉదయం 10 గంటల నుంచి 12.20 గంటల వరకు మొదటి సెషన్‌లో, మధ్యాహ్నం 2.30 గంటల నుంచి సాయంత్రం 5 గంటల వరకు రెండో సెషన్‌లో పరీక్షలు నిర్వహించనున్నారు. ఈ ఏడాది మహాత్మగాంధీ యూనివర్సిటీ ఐసెట్ పరీక్షలను నిర్వహిస్తున్న సంగతి తెలిసిందే. ఐసెట్‌ కన్వీనర్‌గా ప్రొఫెసర్‌ అలువాల రవి వ్యవహరిస్తున్నారు. </p>
<p><span style="color: #ff0070;"><strong>వివరాలు..</strong></span></p>
<p><span style="color: #0100ff;"><strong>టీఎస్ ఐసెట్ - 2025</strong></span></p>
<p><span style="color: #169179;"><strong>కోర్సులు - అర్హతలు..</strong></span></p>
<p style="text-align: justify;"><span style="color: #e03e2d;"><em><strong>1) ఎంసీఏ</strong></em></span></p>
<p style="text-align: justify;"><strong>అర్హత: </strong>50 శాతం మార్కులతో ఏదైనా డిగ్రీ (బీసీఏ, బీఎస్సీ-కంప్యూటర్స్, బీకామ్, బీఏ). ఎస్సీ, ఎస్టీ, బీసీ అభ్యర్థులకు 45 శాతం మార్కులు ఉంటే సరిపోతుంది. అయితే ఇంటర్ స్థాయిలో కచ్చితంగా మ్యాథ్స్ ఒక సబ్జెక్టుగా చదివి ఉండాలి.</p>
<p style="text-align: justify;"><span style="color: #e03e2d;"><em><strong>2) ఎంబీఏ</strong></em></span></p>
<p style="text-align: justify;"><strong>అర్హత:</strong> 50 శాతం మార్కులతో ఏదైనా డిగ్రీ (బీఏ/ బీఎస్సీ/ బీకామ్/ బీబీఏ/ బీబీఎం/ బీసీఏ/ బీఈ/ బీటెక్/ బీఫార్మసీ). ఎస్సీ, ఎస్టీ, బీసీ అభ్యర్థులకు 45 శాతం మార్కులు ఉంటే సరిపోతుంది. అయితే ఇంటర్ స్థాయిలో కచ్చితంగా మ్యాథ్స్ ఒక సబ్జెక్టుగా చదివి ఉండాలి.</p>
<p style="text-align: justify;"><strong>వయోపరిమితి:</strong> ఐసెట్-2025 నోటిఫికేషన్ సమయానికి (06.03.2024) 19 సంవత్సరాలు నిండి ఉండాలి. ఎలాంటి గరిష్ఠ వయసు లేదు.</p>
<p style="text-align: justify;"><span style="color: #ff0070;"><strong>టీఎస్ ఐసెట్‌-2025 షెడ్యూలు..</strong></span></p>
<p style="text-align: justify;">➥ టీఎస్ ఐసెట్‌-2025 నోటిఫికేష‌న్‌: 06.03.2025. </p>
<p style="text-align: justify;">➥ ఆన్‌లైన్ ద‌ర‌ఖాస్తు ప్రక్రియ ప్రారంభం: 10.03.2025.</p>
<p style="text-align: justify;">➥ ఆన్‌లైన్ దరఖాస్తుకు చివరితేది: 03.05.2025. </p>
<p style="text-align: justify;">➥ రాత‌ప‌రీక్ష తేదీలు: 08.06.2025 - 09.06.2025.</p>
<p style="text-align: justify;">పరీక్ష సమయం: (FN) 10.00 A.M. to 12.30 P.M & (AN) 2.30 P.M. to 5.00 P.M</p>
<p style="text-align: justify;"><span style="color: #ff4e00;"><strong>పరీక్ష విధానం: </strong></span><br />మొత్తం 200 మార్కులకు ఐసెట్ ఆన్‌లైన్ ప్రవేశ పరీక్ష నిర్వహిస్తారు. పరీక్షలో మొత్తం 200 ప్రశ్నలు ఉంటాయి. పరీక్ష సమయం 150 నిమిషాలు. పరీక్షలో మూడు సెక్షన్లు (సెక్షన్-ఎ, బి, సి) ఉంటాయి. వీటిలో సెక్షన్-ఎ: అనలిటికల్ ఎబిలిటీ-75 ప్రశ్నలు-75 మార్కులు, సెక్షన్-బి: మ్యాథమెటికల్ ఎబిలిటీ-75 ప్రశ్నలు-75 మార్కులు, సెక్షన్-సి: కమ్యూనికేషన్ ఎబిలిటీ-50 ప్రశ్నలు-50 మార్కులు ఉంటాయి.</p>
<p style="text-align: justify;"> <strong><span style="text-decoration: underline;">ALSO READ</span></strong>:</p>
<p style="text-align: justify;"><span style="color: #ff00eb;"><strong>సీయూఈటీ యూజీ - 2025 దరఖాస్తుల స్వీకరణ ప్రారంభం, చివరితేది ఎప్పుడంటే?</strong></span><br />దేశంలోని 46 కేంద్రీయ విశ్వవిద్యాలయాలు, ఇతర విద్యాసంస్థల్లో 2025-26 విద్యా సంవత్సరానికిగానూ వివిధ యూజీ కోర్సుల్లో ప్రవేశాల కోసం నిర్వహించనున్న"కామన్ యూనివర్సిటీ ఎంట్రన్స్ టెస్ట్ యూజీ (CUET UG)-2025"కు సంబంధించి దరఖాస్తుల స్వీకరణను నేషనల్ టెస్టింగ్ ఏజెన్సీ (NTA) ప్రారంభించింది. మార్చి 22 వరకు దరఖాస్తులు స్వీకరించనుంది. అయితే మార్చి 23న రాత్రి 11.50 గంటల వరకు ఫీజు చెల్లించే అవకాశం ఉంది. దరఖాస్తు చేసుకున్న అభ్యర్థులకు మే 8 నుంచి జూన్ 1 మధ్య పరీక్షలు నిర్వహించనుంది. మొత్తం 37 సబ్జెక్టులకు పరీక్షలు జరుగనున్నాయి. <br /><a title="నోటిఫికేషన్, దరఖాస్తు వివరాల కోసం క్లిక్ చేయండి.." href="https://telugu.abplive.com/education/cuet-ug-2025-registration-begins-check-last-date-steps-to-apply-common-university-entrance-test-199582" target="_blank" rel="noopener">నోటిఫికేషన్, దరఖాస్తు వివరాల కోసం క్లిక్ చేయండి..</a></p>
<p style="text-align: center;"><strong><a title="మరిన్ని విద్యాసంబంధ వార్తల కోసం క్లిక్ చేయండి.." href="https://telugu.abplive.com/education" target="_blank" rel="nofollow nofollow nofollow nofollow nofollow nofollow nofollow nofollow nofollow noopener">మరిన్ని విద్యాసంబంధ వార్తల కోసం క్లిక్ చేయండి..</a></strong></p>
9 months ago
7 
