<p>Telangana Rising Global Summit: తెలంగాణాన్ని ప్రపంచస్థాయి పెట్టుబడుల గమ్యస్థానంగా తీర్చిదిద్దే లక్ష్యంతో ప్రభుత్వం తలపెట్టిన ‘తెలంగాణ రైజింగ్‌ గ్లోబల్‌ సమిట్‌-2.0’ సన్నాహక పనులు వేగవంతమయ్యాయి. ‘మీ పెట్టుబడులకు మాది భరోసా’ అనే నినాదంతో, ‘ప్లెడ్జ్‌ టు ప్లాట్‌ టు ప్లాంట్‌ టు పే రోల్‌ టు ప్రొడక్ట్‌’ థీమ్‌తో ఈ సమ్మిట్‌ను నిర్వహిస్తున్నారు. డిసెంబరు 7 నుంచి 9 వరకు ఫ్యూచర్‌ సిటీలోని ‘యంగ్‌ ఇండియా స్కిల్స్‌ యూనివర్సిటీ’ ప్రాంగణంలో నాలుగు హాళ్లలో ఈ ఈవెంట్ జరగనుంది.</p>
<p>Also Read: <a title="భారత ప్రధాని అంబానీ..! స్టార్‌లింక్ జాప్యంపై బీజేపీ, రిలయన్స్‌‌ టార్గెట్‌గా ఎలాన్ మస్క్ సంచలన ఆరోపణలు" href="https://telugu.abplive.com/news/world/dear-prime-minister-ambani-elon-musk-attacks-reliance-and-bjp-over-starlink-delays-in-india-261160" target="_self">భారత ప్రధాని అంబానీ..! స్టార్‌లింక్ జాప్యంపై బీజేపీ, రిలయన్స్‌‌ టార్గెట్‌గా ఎలాన్ మస్క్ సంచలన ఆరోపణలు</a></p>
<h3>ఏర్పాట్లు</h3>
<ul>
<li>ఈ సమావేశానికి దాదాపు రూ.150 కోట్ల అంచనా వ్యయంతో టెండర్ల ప్రక్రియ చేపట్టారు. బహిరంగ ప్రాంగణ పనులను నవంబరు 15లోగా, ఇండోర్ ఏర్పాట్లను నవంబరు 30 నాటికి పూర్తి చేయాలని లక్ష్యంగా పెట్టుకున్నారు.</li>
<li>పది రంగాలకు చెందిన 25 ప్రముఖ కంపెనీలతో ఎగ్జిబిషన్‌ను ఏర్పాటు చేస్తున్నారు. దేశ, విదేశాల నుంచి వచ్చే ప్రతినిధుల కోసం హైదరాబాద్‌లో 1,000 హోటల్ గదులను కేటాయించారు.</li>
<li>గత సమిట్‌లో కుదిరిన 75 అవగాహన ఒప్పందాల్లో ఇప్పటివరకు 22 అమల్లోకి వచ్చాయి. 19 ఒప్పందాలు భూముల కేటాయింపు దశలో ఉండగా, మిగిలినవి వివిధ పరిశీలనల్లో ఉన్నాయి.</li>
<li>గూగుల్, మైక్రోసాఫ్ట్, ఆపిల్, మెటా, అమెజాన్, టెస్లా, ఫైజర్, అదానీ, ఐటీసీ వంటి అంతర్జాతీయ దిగ్గజ సంస్థలను సమిట్‌కు ఆహ్వానిస్తున్నారు. 275 మందికి పైగా ప్రతినిధులు హాజరయ్యేందుకు ఇప్పటికే అంగీకరించారు.</li>
<li>ఆస్ట్రేలియా, దుబాయ్, అమెరికాతో పాటు దేశంలో చెన్నై(అక్టోబరు 14), బెంగళూరు (అక్టోబరు 15), ముంబయి (నవంబరు 3), అహ్మదాబాద్ (నవంబరు 4) నగరాల్లో ఐటీ మంత్రి శ్రీధర్‌బాబు ఆధ్వర్యంలో రోడ్‌షోలు నిర్వహించనున్నారు. అక్టోబరు 26-29 మధ్య దిల్లీలో సమిట్ కర్టెన్‌రైజర్ జరగనుంది.</li>
<li>సదస్సులో తెలంగాణ జానపద కళలు, శాస్త్రీయ నృత్యాలు, హస్తకళలు, బతుకమ్మ ఉత్సవాలు, స్థానిక వంటకాలను ప్రపంచానికి పరిచయం చేయనున్నారు. ఈ సమ్మిట్‌కు అవసరమైన అనుమతుల ప్రక్రియలో సహకరించాలని కోరుతూ సీఎం రేవంత్‌రెడ్డి విదేశాంగ మంత్రి ఎస్‌.జైశంకర్‌కు లేఖ రాశారు.<br /><br />Also Read: <a title="తెలంగాణ రాజకీయం వ్యక్తిగత శత్రుత్వంగా మారుతోందా? - వ్యక్తిత్వాలపై దాడి దేనికి సంకేతం?" href="https://telugu.abplive.com/politics/telangana-politics-personal-attacks-ktr-illness-revanth-reddy-social-media-cases-261124" target="_self">తెలంగాణ రాజకీయం వ్యక్తిగత శత్రుత్వంగా మారుతోందా? - వ్యక్తిత్వాలపై దాడి దేనికి సంకేతం?</a></li>
</ul>
3 weeks ago
2 
