<p>Hearing in Telangana High Court on BC Reservation GO: స్థానిక సంస్థల ఎన్నికల్లో వెనుకబడిన తరగతులకు 42 శాతం రిజర్వేషన్లు కల్పించే జీవో నంబర్ 9పై తెలంగాణ హైకోర్టులో మంగళవారం వాదనలు జరిగాయి. ప్రధాన న్యాయమూర్తి నేతృత్వంలోని డివిజన్ బెంచ్ అన్ని సంబంధిత పిటిషన్లను కలిపి విచారించింది. పిటిషనర్ల తరపున న్యాయవాదులు ఈ రిజర్వేషన్‌ను రాజ్యాంగ విరుద్ధమని, 50 శాతం పరిమితిని ఉల్లంఘిస్తుందని వాదించారు. ప్రభుత్వ తరపున సీనియర్ అడ్వకేట్ అభిషేక్ మాను సింగ్వీ, అడ్వకేట్ జనరల్ ఏ. సుదర్శన్ రెడ్డి శాస్త్రీయ సమీక్షలు, నిపుణుల సిఫార్సుల ఆధారంగా ఈ నిర్ణయం తీసుకున్నామని వాదించారు. <br /> <br />తెలంగాణలో స్థానిక సంస్థల ఎన్నికల్లో బీసీలకు మొదట 25 శాతం రిజర్వేషన్లు ఉండగా, ముఖ్యమంత్రి ఎ. <a title="రేవంత్ రెడ్డి" href="https://telugu.abplive.com/topic/Revanth-Reddy" data-type="interlinkingkeywords">రేవంత్ రెడ్డి</a> నేతృత్వంలోని కాంగ్రెస్ ప్రభుత్వం ఇటీవల జీవో 9 ద్వారా దీన్ని 42 శాతానికి పెంచింది. ఇది ఎస్సీలకు 15 శాతం, ఎస్టీలకు 10 శాతం రిజర్వేషన్లతో కలిపి మొత్తం 67 శాతం అవుతుందని చెల్లబాటు కాదని కోర్టులో పిటిషన్లు దాఖలయ్యాయి. 2018లో హైకోర్టు 34 శాతం బీసీ రిజర్వేషన్‌ను రద్దు చేసిందని పిటిషన్ల తరపు లాయర్లు గుర్తుచేశారు. బుట్టెంబారి మాధవరెడ్డి , సముద్రాల రమేశ్‌లు ప్రధాన పిటిషనర్లుగా దాఖలు చేసిన పిటిషన్లలో వారి న్యాయవాదులు కీలక అంశాలను వివరించారు. </p>
<p> సుప్రీంకోర్టు 'ఇంద్రా సాహ్నీ' కేసులో నిర్ణయించినట్లు, రిజర్వేషన్లు 50 శాతానికి మించకూడదు. బీసీ 42%, ఎస్సీ 15%, ఎస్టీ 10%తో మొత్తం 67% అవుతుంది. విద్య, ఉద్యోగాల్లో 50% దాటినా రాజకీయ రిజర్వేషన్లు పెంచకూడదని వాదించారు. 42% రిజర్వేషన్‌కు బీసీ కుల గణన చేశారని ప్రభుత్వం చెబుతున్నా, ఆ డేటాను బహిర్గతం చేయలేదు. ఎస్సీ, ఎస్టీ రిజర్వేషన్లకు 2011 జనాభా ఆధారమని చెప్పగా, వాటి జనాభా పెరిగిందా, తగ్గిందా అనే లెక్కలు ప్రభుత్వం వద్ద లేవు. ఎస్సీ/ఎస్టీ జనాభాను పరిగణనలోకి తీసుకోకుండా బీసీ రిజర్వేషన్ ఎలా సాధ్యం అని ప్రశ్నించారు. గతంలో ఈ కోర్టు 34% బీసీ రిజర్వేషన్‌ను కొట్టివేసింది. రాజ్యాంగ బద్ధంగా ఎన్నికలు జరగాలని మేము వ్యతిరేకం కాదు, కానీ రాజ్యాంగ విరుద్ధంగా ఎలా నిర్వహిస్తారు అని లాయర్లు ప్రశ్నించారు. ఏజెన్సీల్లో ఎస్టీలకు మాత్రమే సీలింగ్ వర్తించదని గుర్తుచేశారు. </p>
<p>ప్రభుత్వ తరపున సీనియర్ అడ్వకేట్ అభిషేక్ మాను సింఘ్వీ ప్రత్యేకంగా వాదించారు. జీవో 9కు ముందు సామాజిక-ఆర్థిక, విద్య, ఉద్యోగం, రాజకీయ, కుల సమీక్షలు (కాస్ట్ సర్వే) నిర్వహించాం. బీసీ కమిషన్ నియామకం, స్వతంత్ర నిపుణుల సమితి విశ్లేషణ, రెండు బిల్లులు అసెంబ్లీలో ఆమోదం – అన్నీ రాజ్యాంగ బద్ధంగా చేశామన్నారు. బీసీ సమాజానికి న్యాయం చేయడానికి ఈ రిజర్వేషన్ అవసరం. శాస్త్రీయ డేటా, చట్టపరమైన ప్రీసిడెంట్ల ఆధారంగా ఇది సమర్థవంతమైనది. తెలంగాణను దేశానికి మోడల్‌గా మార్చాలనే లక్ష్యమన్నారు. </p>
<p>బీసీ రిజర్వేషన్‌కు మద్దతుగా ఆర్. కృష్ణయ్య, వి. హనుమంతరావు, సీపీఐ ఎమ్ఎల్‌ఏ కె. సంబాశివరావు, <a title="బీజేపీ" href="https://telugu.abplive.com/topic/BJP" data-type="interlinkingkeywords">బీజేపీ</a> ఎంపీ ఆర్. కృష్ణయ్య, <a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a> నేతలు చరణ్ కౌశిక్, ఇందిర శోభన్, మాజీ ఐఏఎస్ అధికారి చిరంజీవులు, తెలంగాణ ఫిషరీస్ కార్పొరేషన్ చైర్మన్ మెట్టు సాయ్ కుమార్, టీపీసీసీ సభ్యుడు ఆర్. లక్ష్మణ్ యాదవ్‌లు ఇంప్లీడ్ పిటిషన్లు దాఖలు చేశారు. బీసీ నేతల సమావేశంలో మాజీ ఎంపీ వి. హనుమంథరావు, ఎమ్ఎల్‌ఏలు వీర్లపల్లి శంకర్, రాజ్ ఠాకూర్, హైదరాబాద్ మేయర్ గద్వాల్ విజయలక్ష్మి వంటి వారు పాల్గొన్నారు.ప్రధాన న్యాయమూర్తి సింగ్ అన్ని పిటిషన్లను కలిపి విచారించాలని నిర్ణయించారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/personal-finance/using-a-credit-card-means-making-money-do-you-know-how-222650" width="631" height="381" scrolling="no"></iframe></p>
1 month ago
3 
