<p><strong>IND VS ZIM 3rd T20 Result Update:</strong> లాంఛ‌నం పూర్తయ్యింది. జింబాబ్వేతో జ‌రిగిన మూడు టీ20ల సిరీస్ ను టీమిండియా 3-0తో క్లీన్ స్వీప్ చేసింది. ఆదివారం హ‌రారే వేదికగా జ‌రిగిన ఆఖ‌రిదైన మూడో మ్యాచ్ లో భార‌త్ 35 ప‌రుగుల‌తో ఘ‌న విజ‌యం సాధించింది. ఇప్ప‌టికే సిరీస్ ను 2-0తో కైవ‌సం చేసుకున్న శ్రేయ‌స్ సేన‌.. ఈ మ్యాచ్ లో గెలిచి, 3-0తో వైట్ వాష్ చేసింది. అంత‌కుముందు టాస్ గెలిచి ఫ‌స్ట్ బ్యాటింగ్ చేసిన భార‌త్ నిర్ణీత 20 ఓవ‌ర్ల‌లో 5 వికెట్ల‌కు 192 ప‌రుగుల భారీ స్కోరు సాధించింది. ఓపెన‌ర్ వైభ‌వ్ సూర్య‌వంశీ సూప‌ర్బ్ ఫిఫ్టీ (49 బంతుల్లో 81, 8 ఫోర్లు, 4 సిక్స‌ర్లు) తో టాప్ స్కోర‌ర్ గా నిలిచాడు. బ్రాడ్ ఈవాన్స్ కు రెండు వికెట్లు ద‌క్కాయి. అనంత‌రం ఓవ‌ర్లన్నీ ఆడిన జింబాబ్వే 7 వికెట్ల‌కు 157 ప‌రుగులు మాత్ర‌మే చేయ‌గ‌లిగింది. మిడిలార్డ‌ర్ బ్యాటర్ ర్యాన్ బ‌ర్ల్ స్ట‌న్నింగ్ ఫిఫ్టీ ()తో టాప్ స్కోర‌ర్ గా నిలిచాడు. భార‌త బౌల‌ర్ల‌లో మ‌యాంక్ యాద‌వ్ కు 3, య‌శ్ ఠాకూర్ కు రెండు వికెట్లు ద‌క్కాయి. ఈ విజ‌యంతో టీ20ల్లో నెంబ‌ర్ వ‌న్ ర్యాంకును టీమిండియా మ‌రింత ప‌టిష్టం చేసుకుంది. </p>
<blockquote class="twitter-tweet">
<p dir="ltr" lang="en">Same bowler, same batter, same exact first-ball result 🔥<br /><br />Mayank Yadav dismisses Brian Bennett on the very first ball... AGAIN 😮<br /><br />Updates ▶️ <a href="https://t.co/oApMpI6eRc">https://t.co/oApMpI6eRc</a><a href="https://x.com/hashtag/TeamIndia?src=hash&ref_src=twsrc%5Etfw">#TeamIndia</a> | <a href="https://x.com/hashtag/ZIMvIND?src=hash&ref_src=twsrc%5Etfw">#ZIMvIND</a> <a href="https://t.co/SkfYVRzWEh">pic.twitter.com/SkfYVRzWEh</a></p>
— BCCI (@BCCI) <a href="https://x.com/BCCI/status/2081366658262909263?ref_src=twsrc%5Etfw">July 26, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>ఫ‌స్ట్ బాల్ కే వికెట్..</strong><br />స్లో వికెట్ పై క‌ష్ట‌సాధ్య‌మైన టార్గెట్ తో బ‌రిలోకి దిగిన జింబాబ్వేకు ఆరంభంలోనే ఎదురుదెబ్బ త‌గిలింది. అద్భుత‌మైన బంతితో ఓపెన‌ర్ బ్రియాన్ బెన్నెట్ ను మ‌యాంక్ యాద‌వ్ ఇన్నింగ్స్ తొలి బంతికే డ‌కౌట్ చేశాడు. ఈ ద‌శ‌లో ఓపెన‌ర్ బెన్ క‌ర‌న్ (20), డియాన్ మైయ‌ర్స్ (19) ను జ‌ట్టును ఆదుకునే ప్ర‌య‌త్నం చేశారు. వీరిద్ద‌రూ వేగంగా ఆడుతూ, ఓవ‌ర్ కు ప‌ది ప‌రుగుల ర‌న్ రేట్ తో ర‌న్స్ సాధించారు. అయితే య‌శ్ ఠాకూర్, మైయ‌ర్స్ ను ఔట్ చేసి వీరి జోరుకు క‌ళ్లెం వేశాడు. ఆ త‌ర్వాత బంతికే కెప్టెన్ సికంద‌ర్ ర‌జాను డ‌కౌట్ చేశాడు. కాసేప‌టికే క‌ర‌న్ కూడా ఔట్ కావ‌డంతో జింబాబ్వే పీక‌ల్లోతు క‌ష్టాల్లో ప‌డింది. </p>
<blockquote class="twitter-tweet">
<p dir="ltr" lang="en">India won 3-0 series win..<a href="https://x.com/hashtag/ZIMvIND?src=hash&ref_src=twsrc%5Etfw">#ZIMvIND</a> <a href="https://t.co/TLqeAQvVtV">pic.twitter.com/TLqeAQvVtV</a></p>
— silambarasan 🏏... (@dhivsimbu) <a href="https://x.com/dhivsimbu/status/2081391675134627949?ref_src=twsrc%5Etfw">July 26, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>బ‌ర్ల్ పోరాటం..</strong><br />ఈ క్ర‌మంలో వెస్లీ మ‌ధవేరే (28) తో క‌లిసి బ‌ర్ల్ ఇన్నింగ్స్ ను న‌డిపించాడు. ఒక ఎండ్ లో బ‌ర్ల్ బౌండ‌రీలు సాధించ‌గా, వెస్లీ, కాస్త ఎదురుదాడికి దిగే ప్ర‌య‌త్నం చేశాడు. ఈ క్ర‌మంలో వీరిద్ద‌రూ ఐదో వికెట్ కు 60 ప‌రుగులు జోడించి, ఆతిథ్య జ‌ట్టుకు ఊర‌ట‌నిచ్చారు. అయితే కీల‌క‌ద‌శ‌లో వెస్లీతోపాటు మ‌రుమ‌ని (14) ఔట్ కావ‌డంతో జింబాబ్వే టార్గెట్ నుంచి దూరంగా వెళ్లిపోయింది. ఆఖ‌ర్లో 42 బంతుల్లో ఫిఫ్‌టీని పూర్తి చేసుకున్న బ‌ర్ల్ నాటౌట్ గా నిలిచాడు. ఏదేమైనా వరుసగా రెండు సిరీస్ ల ఓటమి తర్వాత టీమిండియా క్లీన్ స్వీప్ తో సిరీస్ ను దక్కించుకోవడంపై ఫ్యాన్స్ ఆనందంగా ఉన్నారు. </p>
3 months ago
7 
