TDP MLA Kolikapudi Srinivasa Rao: నాపై దుష్ప్రచారం చేస్తే తోలు తీస్తా.. ఎంపీ అనుచరులకు టీడీపీ ఎమ్మెల్యే కొలికపూడి వార్నింగ్

<p>విజయవాడ: ఆంధ్రప్రదేశ్ సోషల్ వెల్ఫేర్ బోర్డు చైర్మన్ పోతుల బాలకోటయ్య తనపై చేసిన ఆరోపణలపై తిరువూరు ఎమ్మెల్యే కొలికపూడి శ్రీనివాసరావు తీవ్రస్థాయిలో ధ్వజమెత్తారు. తనపై దుష్ప్రచారం చేస్తే తోలుతీస్తా అని ఎంపీ కేశినేని చిన్ని అనుచరులకు వార్నింగ్ ఇచ్చారు. ఒక టీచర్&zwnj;ను తాను కొట్టినట్లు తనపై వస్తున్న ప్రచారంలో ఎలాంటి నిజం లేదని స్పష్టం చేశారు. ఈ విషయమై బాలకోటయ్య టీడీపీ రాష్ట్ర అధ్యక్షుడు పల్లా శ్రీనివాసరావుకు ఫిర్యాదు చేసిన లేఖ సోషల్ మీడియాలో చక్కర్లు కొడుతోందని తెలిపారు. తాను ఏ ఉపాధ్యాయుడిని తిట్టినట్లు గానీ, కొట్టినట్లు గానీ సాక్ష్యాధారాలు ఉంటే అందరి ముందు బయటపెట్టాలని సవాల్ విసిరారు. ఆ ఆరోపణలు రుజువైతే తాను తలదించుకుని వెళ్ళిపోతానని, లేనిపక్షంలో బాలకోటయ్య తప్పుడు ఆరోపణలు చేసినట్లు ఒప్పుకుని బహిరంగంగా క్షమాపణ చెప్పాలని డిమాండ్ చేశారు.</p> <p><strong>ఆధారాలు లేకపోతే సహించేది లేదు</strong></p> <p>విజయవాడ ఎంపీ కేశినేని శివనాథ్ &nbsp;డైరెక్షన్&zwnj;లో పనిచేస్తున్న రాష్ట్ర సాంఘిక సంక్షేమ బోర్డు చైర్మన్ పోతుల బాలకోటయ్య గత రెండు సంవత్సరాలుగా తిరువూరు నియోజకవర్గ అంతర్గత విషయాల్లో ఇష్టమొచ్చినట్లు అసత్యాలు మాట్లాడుతున్నారని కొలికపూడి శ్రీనివాసరావు విమర్శించారు. ఇకపై ఇలాంటి అబద్ధాలను ఉపేక్షించే ప్రసక్తే లేదన్నారు. ఈ క్రమంలోనే తిరువూరు నుంచి దాదాపు 100 మంది <a title="టీడీపీ" href="https://telugu.abplive.com/topic/tdp" data-type="interlinkingkeywords">టీడీపీ</a> కార్యకర్తలు సోమవారం విజయవాడలోని బాలకోటయ్య కార్యాలయానికి వెళ్తున్నారని, ఆధారాలు ఉంటే చూపించాలని, లేకపోతే రాజకీయ కారణాలతో తప్పుడు ప్రచారం చేసే వారికి తగిన బుద్ధి చెప్పాలని కార్యకర్తలకు సూచించానని వెల్లడించారు</p> <p><strong>సోషల్ మీడియా పోస్టులపై హెచ్చరిక, ఓపెన్ ఛాలెంజ్</strong></p> <p>సోషల్ మీడియాలో ఎలాంటి ఆధారాలు లేకుండా తనపై తప్పుడు ఆరోపణలు చేస్తే ఇకపై ఎంతమాత్రం ఊరుకోనని ఎమ్మెల్యే కొలికపూడి శ్రీనివాసరావు హెచ్చరించారు. ఆరోపణలు చేసిన వారి ఇంటి ముందే మీడియా, పోలీసులు, తన కార్యకర్తలతో కలిసి వెళ్లి నిల్చుంటానని పేర్కొన్నారు. నరసాపురం గ్రామానికి చెందిన బుడ్డయ్య అనే వ్యక్తి గోకులం మంజూరు కోసం రూ. 10 లక్షలు లంచం తీసుకున్నారంటూ పెట్టిన పోస్టును ప్రస్తావించిన ఆయన, తిరువూరు నియోజకవర్గంలో ఎక్కడైనా, ఏ సమయంలోనైనా ఫేస్ టు ఫేస్ చర్చకు రావాలని ఓపెన్ ఛాలెంజ్ చేశారు. తనపై బురదజల్లే ప్రయత్నం చేస్తే ఊరుకునేది లేదని, "తాట తీసి చెప్పులు కుడతా.. నాకు చెప్పులు కుట్టడమూ తెలుసు.. చరిత్ర రాయడమూ తెలుసు, చరిత్ర మార్చడమూ తెలుసు" అంటూ ఘాటు వ్యాఖ్యలు చేశారు.&nbsp;</p>