<p><strong>Tata Harrier EV waiting period:</strong> టాటా మోటార్స్‌ ఇటీవల మార్కెట్లోకి తీసుకొచ్చిన హ్యారియర్‌ EV ప్రస్తుతం ఎలక్ట్రిక్‌ SUV సెగ్మెంట్‌లో పెద్ద హాట్‌టాపిక్‌గా మారింది. కంపెనీ, 2025 జూన్‌ నెలలో ఈ ఫ్లాగ్‌షిప్‌ EVని ప్రారంభించింది, ఇప్పుడు దానికి దేశవ్యాప్తంగా మంచి డిమాండ్‌ ఏర్పడింది. ప్రత్యేకంగా Fearless+ & Empowered ట్రిమ్స్‌ కోసం వెయిటింగ్‌ పీరియడ్‌ 8 నుంచి 10 వారాల వరకు పెరిగింది.</p>
<p><strong>డెలివరీ కోసం ఎక్కువ సమయం</strong><br />హ్యారియర్‌ EV బేస్‌ వేరియంట్లు తక్కువ సమయంలో అందుబాటులో ఉన్నా... Fearless+ (₹23.99-₹24.99 లక్షలు) & Empowered (₹27.49-₹28.99 లక్షలు) వేరియంట్లకు డిమాండ్‌ ఎక్కువగా ఉంది. ఈ వేరియంట్లు 65kWh & 75kWh బ్యాటరీ కాన్ఫిగరేషన్లలో లభిస్తున్నాయి. రెండు వెర్షన్లకీ డెలివరీ సమయం దాదాపు 8-10 వారాల వరకు ఉంది. AC ఫాస్ట్‌ చార్జర్‌ (ACFC) ఉన్నా, లేకపోయినా ఈ డిమాండ్‌ ఇలాగే ఉంది.</p>
<p><strong>స్టెల్త్‌ ఎడిషన్‌కి కూడా భారీ డిమాండ్‌</strong><br />టాటా అందించిన ప్రత్యేకమైన Harrier EV Stealth Edition కూడా బయ్యర్లను ఆకట్టుకుంటోంది. ఈ ఎడిషన్‌ Empowered ట్రిమ్‌ కంటే ₹75,000 అదనపు ధరకు లభిస్తుంది. దీని కోసం కూడా అదే 8-10 వారాల వెయిటింగ్‌ టైమ్‌ ఉండటం డిమాండ్‌ ఎంత పెరిగిందో చూపిస్తోంది.</p>
<p><strong>బ్యాటరీ ఆప్షన్లు & పనితీరు</strong></p>
<p>Harrier EVలో ఎక్కువగా రియర్‌ వీల్‌ డ్రైవ్‌ (RWD) సిస్టమ్‌ స్టాండర్డ్‌గా ఉంటుంది. 65kWh & 75kWh బ్యాటరీ ఆప్షన్లలో ఇది లభిస్తుంది.</p>
<p>65kWh RWD వేరియంట్‌ ఫుల్‌ చార్జ్‌తో 538 కి.మీ. రేంజ్‌ ఇస్తుంది.</p>
<p>75kWh RWD వేరియంట్‌ అయితే ఫుల్‌ చార్జ్‌తో 627 కి.మీ. రేంజ్‌ అందిస్తుంది, ఇది హ్యారియర్‌ EVలో అత్యధిక రేంజ్‌ కలిగిన మోడల్‌.</p>
<p>టాప్‌ వేరియంట్‌ Empowered 75 AWD వెర్షన్‌ అందుబాటులో ఉంది. ఇది, ముందు యాక్సిల్‌పై అదనంగా ఒక మోటార్‌తో, మొత్తం 313hp పవర్‌ & 504Nm టార్క్‌ ఉత్పత్తి చేస్తుంది. దీని రేంజ్‌ కూడా 622 కి.మీ. వరకు ఉంటుంది.</p>
<p><strong>ఇంజిన్‌ అవుట్‌పుట్‌ & డ్రైవింగ్‌ అనుభవం</strong><br />హ్యారియర్‌ EV RWD వేరియంట్లు 238hp పవర్‌, 315Nm టార్క్‌ అందిస్తాయి. కంపెనీ, ఈ ఎలక్ట్రిక్‌ SUVలో టాటా నెక్స్ట్‌-జెన్‌ ఆర్కిటెక్చర్‌ ఉపయోగించింది. ఈ టెక్నాలజీ... బ్యాటరీ సేఫ్టీ, చార్జింగ్‌ ఎఫిషెన్సీ & స్టెబిలిటీ పరంగా మెరుగైన ఫలితాలు ఇస్తుంది.</p>
<p>టాటా ఈ EVని 21.49 లక్షల ఎక్స్‌-షోరూమ్‌ ధరతో ప్రారంభించగా, టాప్‌ వేరియంట్‌ ధర ₹28.99 లక్షలు వరకు ఉంటుంది. హోమ్‌ చార్జర్‌ ఇన్‌స్టలేషన్‌ ఖర్చు దీనికి అదనం.</p>
<p><strong>డిమాండ్‌ ఎందుకు పెరుగుతోంది?</strong></p>
<ol>
<li>కొత్త డిజైన్‌ & ప్రీమియం ఇంటీరియర్‌</li>
<li>600+ కి.మీ. రేంజ్‌ సామర్థ్యం</li>
<li>టాటా బ్రాండ్‌ నమ్మకమైన సర్వీస్‌ నెట్‌వర్క్‌</li>
<li>అడ్వాన్స్‌ సేఫ్టీ ఫీచర్లు</li>
<li>EV బయ్యర్లలో పెరుగుతున్న నమ్మకం</li>
</ol>
<p>ఎలక్ట్రిక్‌ SUV సెగ్మెంట్‌లో టాటా హ్యారియర్‌ EV ప్రస్తుతం హాట్‌ సేల్‌గా మారింది. మీరు ఈ EVని కొనాలనుకుంటే ముందుగానే బుకింగ్‌ చేయడం మంచిది. ఎందుకంటే Fearless+ & Empowered వేరియంట్ల కోసం కనీసం రెండు నెలల నుంచి రెండున్నర నెలల వెయిటింగ్‌ పీరియడ్‌ తప్పదని డీలర్లు చెబుతున్నారు.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
3 weeks ago
2 
