<p>Tamil Nadu rolls out free laptop scheme: ఎన్నికలు దగ్గర పడుతున్న సమయంలో తమిళనాడు ప్రభుత్వం భారీ పథకం అమలు ప్రారంభించింది. కొత్తగా ఓటు నమోదు చేయించుకున్న వారిని టార్గెట్ చేసుకుని పథకాన్ని అమలు చేస్తున్నారు. రాష్ట్రవ్యాప్తంగా సుమారు 20 లక్షల మంది కళాశాల విద్యార్థులకు ఉచిత ల్యాప్‌టాప్‌లు పంపిణీ చేసే పథకాన్ని ముఖ్యమంత్రి ఎం.కె. స్టాలిన్ చెన్నైలో ప్రారంభించారు. ప్రపంచం మీ చేతుల్లో అనే పేరుతో చేపట్టిన ఈ ప్రతిష్ఠాత్మక కార్యక్రమం ద్వారా విద్యార్థులను డిజిటల్ యుగంలో విజేతలుగా తీర్చిదిద్దాలని ప్రభుత్వం భావిస్తోంది.<br /> <br />ల్యాప్‌టాప్‌ల పంపిణీ కేవలం ఉచిత కానుక కాదని, ఇది రాబోయే తరాల విద్య కోసం ప్రభుత్వం పెడుతున్న పెట్టుబడి అని సీఎం స్టాలిన్ పేర్కొన్నారు. ఇది మీరు ప్రపంచాన్ని శాసించేందుకు లభించిన గొప్ప అవకాశం. దీనిని కేవలం సినిమాలకో, ఆటలకో పరిమితం చేయకుండా.. మీ కెరీర్‌ను నిర్మించుకోవడానికి ఒక లాంచ్ ప్యాడ్‌లా ఉపయోగించుకోండి అని ఆయన విద్యార్థులకు పిలుపునిచ్చారు.<br /> <br />ఈ పథకం కింద మొత్తం 20 లక్షల మందికి ల్యాప్‌టాప్‌లు పంపిణీ చేయాలనేది లక్ష్యం కాగా, మొదటి దశలో 10 లక్షల మంది విద్యార్థులకు వీటిని అందజేస్తున్నారు. దీనికోసం ప్రభుత్వం ఈ ఆర్థిక సంవత్సరంలో సుమారు రూ. 2,000 కోట్లను కేటాయించింది. ప్రభుత్వ , ప్రభుత్వ ఎయిడెడ్ కళాశాలల్లో ఇంజనీరింగ్, మెడికల్, ఆర్ట్స్, సైన్స్, అగ్రికల్చర్, లా , పాలిటెక్నిక్ చదువుతున్న విద్యార్థులకు ఈ ల్యాప్‌టాప్‌లు అందుతాయి. </p>
<blockquote class="twitter-tweet">
<p dir="ltr" lang="ta"><a href="https://twitter.com/hashtag/%E0%AE%89%E0%AE%B2%E0%AE%95%E0%AE%AE%E0%AF%8D_%E0%AE%89%E0%AE%99%E0%AF%8D%E0%AE%95%E0%AE%B3%E0%AF%8D_%E0%AE%95%E0%AF%88%E0%AE%AF%E0%AE%BF%E0%AE%B2%E0%AF%8D?src=hash&ref_src=twsrc%5Etfw">#உலகம்_உங்கள்_கையில்</a>: Access is the key to Success!<br /><br />💻 கற்கும் மாணவர்களுக்கு எது தேவையென்றாலும் அதைச் செய்துதரும் ஆட்சி இது! அதன் அடையாளம்தான் இன்று வழங்கப்பட்டிருக்கும் மடிக்கணினிகள்!<br /><br />💻 நமது <a href="https://twitter.com/hashtag/DravidianModel?src=hash&ref_src=twsrc%5Etfw">#DravidianModel</a> அரசு உங்கள் கையில் ஒப்படைத்திருப்பது வெறும் கருவியல்ல, உலகத்துடன்… <a href="https://t.co/wseX7Fbgnp">pic.twitter.com/wseX7Fbgnp</a></p>
— M.K.Stalin - தமிழ்நாட்டை தலைகுனிய விடமாட்டேன் (@mkstalin) <a href="https://twitter.com/mkstalin/status/2008197893501641204?ref_src=twsrc%5Etfw">January 5, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
<br />విద్యార్థులకు అందజేస్తున్న ల్యాప్‌టాప్‌లలో డెల్, ఏసర్, హెచ్‌పీ వంటి ప్రముఖ బ్రాండ్లు ఉన్నాయి. వీటిలో Intel i3/AMD Ryzen 3 ప్రాసెసర్, 8GB RAM , 256GB SSD వంటి అత్యాధునిక ఫీచర్లు ఉన్నాయి. అంతేకాకుండా, ప్రస్తుత టెక్నాలజీ ట్రెండ్‌కు అనుగుణంగా ఆర్టిఫిషియల్ ఇంటెలిజెన్స్ (AI) నేర్చుకోవడానికి వీలుగా Perplexity Pro ఏఐ ప్లాట్‌ఫారమ్ ఆరు నెలల ఉచిత సబ్‌స్క్రిప్షన్‌ను కూడా ప్రభుత్వం కల్పిస్తోంది.<br /> <br />గతంలో జయలలిత హయాంలో ప్రారంభమై నిలిచిపోయిన ఈ పథకాన్ని, ఇప్పుడు మరిన్ని మెరుగుదలతో స్టాలిన్ ప్రభుత్వం పునఃప్రారంభించింది. ఆర్టిఫిషియల్ ఇంటెలిజెన్స్ అనేది మానవజాతి కనుగొన్న రెండవ అగ్ని వంటిదని, దానిని అందిపుచ్చుకుని యువత గ్లోబల్ లీడర్లుగా ఎదగాలని ముఖ్యమంత్రి స్టాలిన్ ఆకాంక్షించారు. ఈ పథకం ద్వారా గ్రామీణ మరియు పట్టణ ప్రాంతాల మధ్య ఉన్న డిజిటల్ అంతరాన్ని తగ్గించి, ప్రతి విద్యార్థికి సమాన అవకాశాలు కల్పించడమే తమ లక్ష్యమని ప్రభుత్వం స్పష్టం చేసింది.</p>
<p>ఎన్నికలకు ముందు ఈ పథకాన్ని ప్రారంభించడంపై విపక్షాలు సహజంగానే విమర్శలు గుప్పిస్తున్నాయి. ఐదేళ్ల పాటు పథకాన్ని అమలు చేయకుండా.. ఎన్నికలకు ముందు పంపిణీ చేయడం ఏమిటని ప్రశ్నిస్తున్నాయి. </p>
<p><iframe class="vidfyVideo" style="border: 0px;" src="https://telugu.abplive.com/web-stories/world/venezuela-is-richer-than-america-but-do-you-know-why-233425" width="631" height="381" scrolling="no"></iframe></p>
3 months ago
6 
