<p>T20 World Cup 2026: భారత్- పాకిస్తాన్ క్రికెట్ మ్యాచ్ కేవలం ఒక గేమ్ కాదు. ఎన్నో భావోద్వేగాలతో కూడిన మ్యాచ్ మిలియన్ల డాలర్ల ఆదాయం సమకూర్చుతోంది. T20 ప్రపంచ కప్ వంటి టోర్నమెంట్‌లో ఈ 2 దేశాల జట్లు తలపడినప్పుడు, ప్రపంచం దృష్టి మ్యాచ్‌పై నెలకొంటుంది. కానీ చివరి నిమిషంలోమ్యాచ్ జరగకపోతే, ఎవరికి పాయింట్లు లభిస్తాయనేది పెద్ద విషయం కాదు. గెలుపోటముల ప్రస్తావన పక్కన పెడితే.. అసలు ప్రశ్న ఏంటంటే.. ఈ మ్యాచ్ సంబంధించి నష్టాన్ని ఎవరు భర్తీ చేస్తారు. ఇన్సూరెన్స్ నగదు మొత్తం ఎవరికి వెళ్తుంది అనేది ఆసక్తికరంగా మారింది.</p>
<p><strong>ఇండియాతో ఆడబోమని తేల్చి చెప్పిన పాక్ ప్రభుత్వం</strong></p>
<p>T20 ప్రపంచ కప్ 2026 ప్రారంభానికి కొన్ని రోజుల ముందు, ఫిబ్రవరి 15న భారత్‌తో మ్యాచ్ ఆడబోమని పాకిస్తాన్ చెప్పడం క్రికెట్ ప్రపంచంలో సంచలనం సృష్టించింది. ఈ మ్యాచ్ టోర్నమెంట్ అతిపెద్ద ఆకర్షణగా భావిస్తారు. భారత్- పాకిస్తాన్ మ్యాచ్‌తో ఎంతో ఆదాయం, వీక్షకుల సంఖ్య, యాడ్ రెవెన్యూ లాంటివి ప్రభావితం అవుతాయి. ఏ ఇతర మ్యాచ్ కంటే చాలా రెట్లు ఎక్కువ బిజినెస్ జరుగుతుంది. ఒక్క మ్యాచ్ లేకపోతే మొత్తం టోర్నమెంట్ ఆర్థిక పరిస్థితి మారిపోతుంది. </p>
<p><strong>ఈ ఒక్క మ్యాచ్‌తో బిజినెస్ ఎంత.. </strong></p>
<p>భారత్- పాకిస్తాన్ మ్యాచ్ బిజినెస్ చాలా ఎక్కువగా ఉంటుంది. ప్రసార హక్కులు, యాడ్స్, టిక్కెట్ల అమ్మకాలు, స్పాన్సర్‌షిప్‌తో సహా మ్యాచ్ విలువ దాదాపు $500 మిలియన్లు ఉంటుందని అంచనా వేశారు. భారత కరెన్సీలో వేల కోట్ల విలువ. 10 సెకన్ల స్లాట్‌కు యాడ్స్‌కు 2.5 నుండి 4 మిలియన్ల రూపాయల వరకు ఖర్చు చేస్తారు. ఒకవేళ మ్యాచ్ రద్దు అనేది ఆర్థికంగా భారీ నష్టమే.</p>
<p><strong>మ్యాచ్ ఇన్సూరెన్స్ అంటే ఏమిటి?</strong></p>
<p>ఇంత పెద్ద ఈవెంట్‌ను బట్టి భారత్- పాకిస్తాన్ మ్యాచ్ వంటి హై-ప్రొఫైల్ మ్యాచ్‌లకు ప్రత్యేక ఈవెంట్ బీమా తీసుకుంటారు. ఇది భద్రత, వైద్య ఏర్పాట్లు, ఈవెంట్ సంబంధిత నష్టాలను కవర్ చేస్తుంది. సాధారణంగా భద్రత, అవసరమైన ఏర్పాట్లకు దాదాపు కోటి ఖర్చవుతుంది. అయితే బీమా కవరేజ్ వందల కోట్ల రూపాయల వరకు ఉంటుంది. 2016లో జరిగిన T20 మ్యాచ్‌కు సుమారు రూ.200 కోట్ల బీమా కవర్ లభించింది.</p>
<p><strong>మ్యాచ్ రద్దు అయితే డబ్బు ఎవరికి ?</strong></p>
<p>భారత్- పాకిస్తాన్ మ్యాచ్ రద్దు అయితే ఇన్సూరెన్స్ డబ్బు ప్రధానంగా నిర్వాహకులకు, సంబంధిత నిర్వాహకులకు చెల్లిస్తారు. ఇందులో ప్రధానంగా టోర్నమెంట్ నిర్వాహకులు, క్రికెట్ బోర్డులు ఉన్నాయి. వారు ఈవెంట్ కోసం, స్టేడియం బుకింగ్, లాజిస్టిక్స్ కోసం భారీగా ఖర్చు చేస్తారు. ఇంకా బ్రాడ్‌కాస్టర్లు యాడ్స్, ప్రసార ఆదాయాన్ని కోల్పోతారు కనుక వారు సైతం కొంతమొత్తం బీమా ప్రయోజనాలు పొందుతారు. అయితే, ఒక్క బంతి కూడా పడకపోతే మాత్రమే ఇది చెల్లుతుంది.</p>
<p>టీ20 వరల్డ్ కప్‌లో ఆ మ్యాచ్ రద్దు అయితే ప్రసార హక్కులు పొందిన వారు ఆర్థిక నష్టాలు చవిచూస్తారు. టీవీ, డిజిటల్ ప్లాట్‌ఫారమ్‌లు మాత్రమే ₹300 కోట్ల వరకు నష్టపోతాయని అంచనా. ఈ నష్టాలను ఇన్సూరెన్స్ పాక్షికంగా భర్తీ చేస్తుంది. స్పాన్సర్‌షిప్ సంబంధిత ఖర్చులు కూడా ఇన్సూరెన్స్ కింద కవర్ చేస్తారు. </p>
2 months ago
6 
