T20 Most centuries: టీ20ల్లో అత్యధిక సెంచరీలు బాదిన బ్యాటర్లు వీరే.. టాప్ లేపిన రోహిత్ శర్మ, టాప్ 5లో కొత్త పేరు

<p style="text-align: justify;"><strong>T20I Centuries Record:</strong> T20 ఇంటర్నేషనల్ ఫార్మాట్ వచ్చాక క్రికెట్&zwnj;లో వేగం పెరిగింది. ఒకప్పుడు వన్డేలో సెంచరీ అంటే ప్రత్యేకంగా ఉండేది. కానీ పొట్టి పార్మాట్లో 20 ఓవర్ల ఆటలో సెంచరీ సాధించడం చాలా మంది దిగ్గజాలకు ఇప్పటికీ ఒక సవాలుగా మారింది. కేవలం 120 బంతుల ఈ మ్యాచ్&zwnj;లో భారీ స్కోరు చేయడానికి బ్యాటర్లకు క్లీన్ హిట్టింగ్, నిలకడ, టెక్నిక్ అవసరం. ఇటీవల కాలంలో T20 క్రికెట్&zwnj;లో అనేక విధ్వంసకర బ్యాటర్లు తెరపైకి వచ్చారు. వారు పరుగులు సాధించడమే కాకుండా, మెరుపు సెంచరీలు సాధించి బౌలర్లకు ముప్పు తెచ్చారు. ఈ జాబితాలో ఆస్ట్రేలియా ఆల్ రౌండర్ గ్లెన్ మాక్స్&zwnj;వెల్, రోహిత్ శర్మ సంయుక్తంగా అగ్రస్థానంలో ఉన్నారు.</p> <p style="text-align: justify;"><strong>రోహిత్ శర్మ - భారత్</strong></p> <p style="text-align: justify;">భారత మాజీ కెప్టెన్ రోహిత్ శర్మ టీ20 అంతర్జాతీయ క్రిెకెట్లో 5 సెంచరీలతో గ్లెన్ మాక్స్&zwnj;వెల్&zwnj;తో కలిసి అగ్రస్థానంలో ఉన్నాడు. 2007లో T20 ఇంటర్నేషనల్&zwnj;లో అరంగేట్రం చేసిన రోహిత్ ఇప్పటివరకు 159 మ్యాచ్&zwnj;లలో 4,231 పరుగులు చేశాడు. హిట్ మ్యాన్ అత్యధిక స్కోరు 121 పరుగులు. 140 స్ట్రైక్ రేట్, 32 కంటే ఎక్కువ సగటుతో రోహిత్ చాలాసార్లు టీమిండియాకు ఎన్నో విజయాలు అందించాడు.</p> <p style="text-align: justify;"><strong>గ్లెన్ మాక్స్&zwnj;వెల్ - ఆస్ట్రేలియా</strong></p> <p style="text-align: justify;">ఆస్ట్రేలియా ఆల్ రౌండర్, విధ్వంసకర బ్యాటర్ గ్లెన్ మాక్స్&zwnj;వెల్ T20 ఇంటర్నేషనల్&zwnj;లో అత్యధిక సెంచరీలు సాధించిన బ్యాటర్లలో ఒకడు. 2012 నుండి 2025 వరకు ఆడిన 124 T20 మ్యాచ్&zwnj;లలో మాక్సీ 5 అద్భుతమైన సెంచరీలు చేశాడు. అతడి అత్యుత్తమ స్కోరు 145 పరుగులు కాగా, ఫార్మాట్లో మొత్తం 2833 పరుగులు చేశాడు. 156 స్ట్రైక్ రేట్&zwnj;తో పరుగులు సాధిస్తూ మాక్స్&zwnj;వెల్ T20 ఫార్మాట్&zwnj;లో ప్రత్యర్థి జట్ల బౌలర్లకు కంటిమీద కునుకు లేకుండా చేస్తున్నాడు.</p> <p style="text-align: justify;"><strong>ఫిల్ సాల్ట్ - ఇంగ్లాండ్</strong></p> <p style="text-align: justify;">ఇంగ్లాండ్ స్టార్ క్రికెటర్ ఫిల్ సాల్ట్ ఇటీవల అద్భుతమైన ప్రదర్శన చేస్తున్నాడు. ఫిల్ సాల్ట్ కేవలం 50 మ్యాచ్&zwnj;లలోనే 4 సెంచరీలు సాధించాడంటే అతడు ఏ స్థాయిలో చెలరేగుతాడో ప్రత్యేకంగా చెప్పనక్కర్లేదు. సాల్ట్ స్ట్రైక్ రేట్ 168 కంటే ఎక్కువ. ఇది ఈ ఫార్మాట్&zwnj;లో కనీసం 50 మ్యాచ్&zwnj;లాడిన ఏ బ్యాట్స్&zwnj;మెన్&zwnj;కైనా అత్యధికం. ఫిల్ సాల్ట్&zwnj;ను ఇంగ్లాండ్ జట్టుకు టీ20 స్పెషలిస్ట్ అని భావిస్తారు.&nbsp;</p> <p style="text-align: justify;"><strong>సూర్యకుమార్ యాదవ్ - భారత్</strong></p> <p style="text-align: justify;">టీమిండియా 'మిస్టర్ 360 డిగ్రీ' ఆటగాడిగా పిలుచుకునే సూర్యకుమార్ యాదవ్ ఈ జాబితాలో నాల్గవ స్థానంలో ఉన్నాడు. టీమిండియా కెప్టెన్ సూర్య ఇప్పటివరకు 90 మ్యాచ్&zwnj;లలో 2670 పరుగులు చేయగా, ఇందులో 4 సెంచరీలు ఉన్నాయి. 164 స్ట్రైక్ రేట్, 37 సగటుతో సూర్య T20 క్రికెట్&zwnj;లోని అత్యంత ప్రమాదకరమైన బ్యాటర్లలో ఒకడిగా కొనసాగుతున్నాడు.&nbsp;</p> <p style="text-align: justify;"><strong>డేరియస్ విస్సర్ - సమోవా</strong></p> <p style="text-align: justify;">సమోవాకు చెందిన డేరియస్ విస్సర్ కూడా ఈ జాబితాలో చోటు దక్కించుకున్నాడు. విస్సర్ కేవలం 17 మ్యాచ్&zwnj;లలో 3 సెంచరీలు సాధించి అందరినీ ఆశ్చర్యపరిచాడు. పొట్టి ఫార్మాట్&zwnj;లో విస్సర్ ఇప్పటివరకు 578 పరుగులు చేశాడు. అతని సగటు 41 కంటే ఎక్కువ, కాగా స్ట్రైక్ రేట్ 150 పైగా ఉంది.</p>