<p><strong>Sunil As Lawyer In Due Date Movie : </strong>కమెడియన్‌గా ఇండస్ట్రీలోకి ఎంట్రీ ఇచ్చి ఆ తర్వాత హీరోగా మారి సూపర్ హిట్స్ అందుకున్నారు నటుడు సునీల్. పాన్ ఇండియా మూవీ 'పుష్ప'లో మంగళం శీనుగా నెగిటివ్ రోల్‌లో డిఫరెంట్ క్యారెక్టర్‌తో సూపర్ క్రేజ్ సంపాదించుకున్నారు. ఇప్పుడు పవర్ ఫుల్ లాయర్‌గా ఆడియన్స్‌ను ఎంటర్టైన్ చేసేందుకు రెడీ అవుతున్నారు. తాజాగా మూవీ షూటింగ్‌లో ఆయన జాయిన్ అయ్యారు.</p>
<p><strong>డ్యూ డేట్... లాయర్ శేఖర్ చంద్ర</strong></p>
<p>లోమేష్‌ పుడిపెద్ది హీరోగా, జయశ్రీ‌ హీరోయిన్‌గా నటిస్తోన్న లేటెస్ట్ మూవీ డ్యూ డేట్ (Due Date). ఇటీవల పూజా కార్యక్రమాలు జరుపుకొన్న ఈ మూవీ షూటింగ్ హైదరాబాద్‌లో శరవేగంగా సాగుతోంది. షెడ్యూల్‌లో భాగంగా కీలక సీన్స్ షూట్ చేస్తున్నారు. తాజాగా ఈ సినిమా షూటింగ్‌లో నటుడు సునీల్‌ జాయిన్‌ అయ్యారు. ఈ చిత్రంలో ఆయన శేఖర్ చంద్ర అనే లాయర్‌ పాత్రలో కనిపించనున్నారు. సునీల్ కెరీర్‌లోనే ఇదొక డిఫరెంట్‌ పాత్రగా ఎప్పటికీ నిలిచిపోతుందని మేకర్స్ తెలిపారు. ఈ చిత్రంలో మరో కీలకమైన లాయర్ పాత్రలో నటి అక్షర గౌడ నటిస్తున్న సంగతి తెలిసిందే.</p>
<p>కాగా, ఇటీవలే ప్రముఖ నటుడు, కమెడియన్ కృష్ణ భగవాన్ ఈ మూవీ షూటింగ్‌లో జాయిన్ అయ్యారు. చాలాకాలం గ్యాప్ తర్వాత కృష్ణ భగవాన్‌ ఈ చిత్రంలో ఓ మంచి పాత్రను పోషిస్తుండగా... ఆయన పాత్ర ప్రేక్షకులకు మంచి వినోదాన్ని పంచుతుందని తెలిపారు.</p>
<p><strong>Also Read : <a title="Jailer 2 Dhanush : ఒకే థియేటర్‌కు ధనుష్, ఐశ్వర్య - రజనీకాంత్ జైలర్ 2 ఎంజాయ్ చేసిన స్టార్స్" href="https://telugu.abplive.com/entertainment/cinema/dhanush-aishwarya-watched-rajinikanth-jailer-2-movie-in-chennai-rohini-theatre-watch-video-261560" target="_self">Jailer 2 Dhanush : ఒకే థియేటర్‌కు ధనుష్, ఐశ్వర్య - రజనీకాంత్ జైలర్ 2 ఎంజాయ్ చేసిన స్టార్స్</a></strong></p>
<p>ఈ మూవీలో లోమేష్, జయశ్రీలతో పాటు ప్రణీత పట్నాయక్, విజ్ఞానిలు కీలకపాత్రలు పోషించారు. ఆనంద్ కె దర్శకత్వం వహిస్తుండగా... వరిష్‌ స్టూడియోస్‌ బ్యానర్‌పై పవన్‌ తరిగోపుల, ఏలూరు శ్రీను నిర్మిస్తున్నారు. త్వరలోనే మూవీ ట్రైలర్, టీజర్ ఇతర వివరాలు వెల్లడి కానున్నాయి. ప్రజెంట్‌ బర్నింగ్‌ ఇష్యూ ఆధారంగా అల్లుకున్న ఈ కమర్షియల్‌ కోర్ట్‌ రూమ్‌ డ్రామా ఆద్యంతం ఎంతో ఆసక్తికరంగా ఉత్కంఠభరితంగా ఉంటుందని నిర్మాతలు తెలిపారు. టైటిల్‌ దగ్గర నుంచి సినిమాలోని ప్రతి అంశం ప్రేక్షకులకు కొత్తదనంతో పాటు పూర్తి సంతృప్తిని కలిగించే కథ, కథనాలు ఈ చిత్రంలో ఉంటాయన్నారు. </p>
<p><strong>డ్యూ డేట్ నటీనటులు - </strong>లోమేష్‌ పుడిపెద్ది, జయశ్రీ‌, ప్రణీత పట్నాయక్, విజ్క్షాని, కృష్ణ భగవాన్, అక్షర గౌడ, సునీల్‌ తదితరులు.</p>
<p><strong>టెక్నికల్ టీం -</strong> ఆర్ట్‌ : జవ్వాడి నాయుడు, డైలాగ్స్ : హరీష్‌ మీనన్‌, ఎడిటర్‌ : సత్య గిడుటూరి, DOP : చెంచు జింక, నిర్మాతలు పవన్‌ తరిగోపుల, ఏలూరు శ్రీను, దర్శకత్వం: ఆనంద్‌.కె.</p>
<p><strong>Also Read : <a title="Sai Durgha Tej New Movie : తేజ కాకుమానుతో సుప్రీం హీరో నెక్స్ట్ మూవీ - భారీ యాక్షన్ ఎంటర్టైనర్‌కు గ్రీన్ సిగ్నల్ విత్ క్రేజీ టైటిల్" href="https://telugu.abplive.com/entertainment/ott-webseries/sai-durgha-tej-upcoming-19th-movie-with-teja-kakumana-to-titled-as-paruveta-latest-update-261555" target="_self">Sai Durgha Tej New Movie : తేజ కాకుమానుతో సుప్రీం హీరో నెక్స్ట్ మూవీ - భారీ యాక్షన్ ఎంటర్టైనర్‌కు గ్రీన్ సిగ్నల్ విత్ క్రేజీ టైటిల్</a></strong></p>
<p><strong>NOTE :</strong> <a title="మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి." href="https://telugu.abplive.com/entertainment/cinema" target="_self">మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.</a></p>
2 weeks ago
2 
