<p>Sumitra Vs IOC Case: కేవలం మహిళ అనే ఒకే ఒక్క కారణంతో ఉద్యోగం నిరాకరించినందుకు ప్రభుత్వ రంగ సంస్థ 'ఇండియన్ ఆయిల్ కార్పొరేషన్ 'కి సుప్రీంకోర్టు గట్టి షాక్ ఇచ్చింది. బాధితురాలైన సుమిత్ర అనే మహిళకు రూ. 12 లక్షల నష్టపరిహారం చెల్లించాలని సుప్రీంకోర్టు గురువారం చారిత్రాత్మక తీర్పు ఇచ్చింది. ఒక ప్రభుత్వ రంగ సంస్థ అయి ఉండి మహిళను అగౌరవపరచడాన్ని తీవ్రంగా పరిగణించదగ్గ విషయమైన జస్టిస్ అరవింద్ కుమార్, జస్టిస్ విపుల్ ఎం. పంచోలీలతో కూడిన ద్విసభ్య ధర్మాసనం వ్యాఖ్యానించింది.<br /><br />ALSO READ: <a title=" మద్రాస్ హైకోర్టు సంచలన తీర్పు.. మొదటి పెళ్లిని దాచి మోసం చేస్తే భార్యపై కేసు చెల్లదు!" href="https://telugu.abplive.com/news/india/madras-hc-grants-anticipatory-bail-to-second-wife-says-unaware-spouse-not-liable-for-bigamy-259163" target="_self"> మద్రాస్ హైకోర్టు సంచలన తీర్పు.. మొదటి పెళ్లిని దాచి మోసం చేస్తే భార్యపై కేసు చెల్లదు!</a></p>
<h3>38 ఏళ్ల నాటి వివాదం </h3>
<p>హర్యానాలోని కర్నాల్‌కి చెందిన సుమిత్ర (63) 1988లో IOC బాట్లింగ్ ప్లాంట్‌లో ఉద్యోగానికి దరఖాస్తు చేసుకున్నారు. మొత్తం 49 మంది అభ్యర్థులలో ఆమె ఎంపికైనప్పటికీ, ప్లాంట్‌లో పని వాతావరణం, సుదీర్ఘ పని వేళలు, బరువైన బాధ్యతలు మగవారికి మాత్రమే సరిపోతాయని పేర్కొంటూ IOC ఆమెకు ఉద్యోగం ఇచ్చేందుకు నిరాకరించింది. ఇంట్లో పురుషులు లేనప్పుడు పగలు, రాత్రి తేడా లేకుండా మహిళలే గ్యాస్ సిలిండర్లను సునాయాసంగా మారుస్తుంటారని కోర్టు పేర్కొంది. కేవలం స్త్రీ అనే నెపంతో జాబ్ తిరస్కరించడం యావత్ మహిళా లోకాన్ని అవమానించడమేనని ధర్మాసనం మండిపడింది.<br /><br />ALSO READ: <a title="సెంట్రల్ సెన్సార్ బోర్డులో నాగ్ మేనకోడలు సుప్రియ - ఛైర్మన్ తెలుగోడే... ఇంకా ఎవరెవరు ఉన్నారంటే?" href="https://telugu.abplive.com/entertainment/cinema/supriya-yarlagadda-joins-cbfc-new-board-nagarjuna-niece-gets-place-on-shashi-shekhar-vempati-lead-new-18-member-board-259117" target="_self">సెంట్రల్ సెన్సార్ బోర్డులో నాగ్ మేనకోడలు సుప్రియ - ఛైర్మన్ తెలుగోడే... ఇంకా ఎవరెవరు ఉన్నారంటే?</a></p>
<p>1990లో ట్రయల్ కోర్టు సుమిత్రకు అనుకూలంగా తీర్పు ఇచ్చినప్పటికీ, IOC పంజాబ్, హర్యానా హైకోర్టును ఆశ్రయించింది. 2025లో హైకోర్టు ఆ ఉత్తర్వును రద్దు చేయడంతో, బాధితురాలు సుప్రీంకోర్టును ఆశ్రయించి విజయం సాధించారు. ప్రస్తుతం పదవీ విరమణ వయస్సు దాటిన సుమిత్ర, గత 38 ఏళ్లుగా జరిపిన ధర్మపోరాటం ఎట్టకేలకు న్యాయం దక్కింది. </p>
<p><br />ALSO READ: <a title="ఉద్యోగులకు కేంద్రం భారీ గుడ్ న్యూస్.. ఈపీఎఫ్ వేతన పరిమితి రూ.25 వేలకు పెంపు" href="https://telugu.abplive.com/news/india/epfo-wage-limit-hike-pf-salary-ceiling-increase-to-rs-25000-higher-pension-savings-benefit-259084" target="_self">ఉద్యోగులకు కేంద్రం భారీ గుడ్ న్యూస్.. ఈపీఎఫ్ వేతన పరిమితి రూ.25 వేలకు పెంపు</a></p>
1 month ago
3 