<p><strong>Triumph Speed T4 Free Accessories Price Offer:</strong> ఈ కొత్త సంవత్సరంలో... మిడ్‌-కెపాసిటీ సెగ్మెంట్‌లో స్టైలిష్‌, పవర్‌ఫుల్‌, ప్రీమియం ఫీల్‌ ఉన్న బైక్ కొనే ప్లాన్‌ చేస్తున్నారా?. అయితే, Triumph Speed T4 ప్రస్తుతం మంచి డీల్‌. కారణం - ఈ బైక్ కొనుగోలు చేసిన వారికి ₹11,500 విలువైన ఫ్రీ యాక్సెసరీస్ అందిస్తోంది ట్రయంఫ్‌ ఇండియా (Triumph India).</p>
<p>ఇది కేవలం పరిమిత కాలపు ఆఫర్‌ మాత్రమే. ఎంతకాలం కొనసాగుతుందనే విషయంపై ట్రయంఫ్‌ స్పష్టత ఇవ్వలేదు. అందుకే ఆసక్తి ఉన్నవాళ్లు ఆలస్యం చేయకుండా తమకు దగ్గరలోని అధికారిక ట్రయంఫ్‌ డీలర్‌షిప్‌ను సంప్రదించడం మంచిది.</p>
<p><strong>Triumph Speed T4 తో వచ్చే ఫ్రీ యాక్సెసరీస్‌ లిస్ట్‌</strong></p>
<ul style="list-style-type: square;">
<li>ట్యాంక్ ప్యాడ్</li>
<li>నీ ప్యాడ్స్</li>
<li>బ్యాక్ రెస్ట్</li>
<li>లోయర్ ఇంజిన్ గార్డ్స్</li>
<li>విండ్‌స్క్రీన్‌</li>
</ul>
<p>ఈ యాక్సెసరీస్ బైక్ లుక్‌ను మరింత స్టైలిష్‌గా మార్చడమే కాకుండా... రైడ్‌ సమయంలో మీ కంఫర్ట్‌, సేఫ్టీని కూడా పెంచుతాయి.</p>
<p><strong>తెలుగు రాష్ట్రాల్లో Triumph Speed T4 ధర ఎంత?</strong></p>
<p>ఆంధ్రప్రదేశ్‌ & తెలంగాణ నగరాల్లో Triumph Speed T4 ఎక్స్‌-షోరూమ్‌ ధర ₹1,92,539. ఆన్‌-రోడ్‌ ధర దాదాపు ₹2,37 లక్షలు. అయితే, త్వరలోనే ఈ బైక్ ధర పెరిగే అవకాశం ఉందని కంపెనీ వర్గాలు సూచిస్తున్నాయి. అందువల్ల, ఇప్పుడే కొనుగోలు చేయడం ఆర్థికంగా లాభదాయకంగా మారుతుంది.</p>
<p><strong>Triumph Speed T4 ఇంజిన్‌ & స్పెసిఫికేషన్స్‌</strong></p>
<p>Speed T4 ను గత ఏడాది భారత మార్కెట్‌లోకి తీసుకొచ్చారు. Speed 400 తో పోలిస్తే టార్క్‌ను మరింత ట్యూన్ చేసిన బైక్ ఇది. Speed T4 లో 398cc, లిక్విడ్‌-కూల్డ్‌, సింగిల్‌ సిలిండర్‌ ఇంజిన్‌ ఉంటుంది.</p>
<p>ఈ ఇంజిన్‌ 7,000 rpm వద్ద 30.6 bhp శక్తిని, 5,000 rpm వద్ద 36 Nm టార్క్‌ను ఇస్తుంది. హెవీ క్రాంక్‌, ప్రత్యేక ఫ్యూయలింగ్ సెటప్ కారణంగా తక్కువ rpm నుంచే మంచి టార్క్ వస్తుంది. అందువల్ల ఈ బైక్ రైడింగ్‌ మరింత షార్ప్‌గా అనిపిస్తుంది.</p>
<p>ఈ బైక్‌కు 6-స్పీడ్ గేర్‌బాక్స్ ఇచ్చారు. ముందు వైపు టెలిస్కోపిక్ ఫోర్క్స్‌, వెనుక మోనోషాక్ సస్పెన్షన్ ఉంటుంది. బ్రేకింగ్ కోసం ముందు, వెనుక డిస్క్ బ్రేక్స్‌తో పాటు డ్యూయల్‌ ఛానల్ ABS కూడా ఫిట్‌ చేశారు.</p>
<p><strong>Speed T4 కలర్ ఆప్షన్స్‌</strong></p>
<p>Triumph Speed T4ను మొత్తం ఐదు ఆకర్షణీయమైన రంగుల్లో అందుబాటులో ఉంచారు.</p>
<ul style="list-style-type: circle;">
<li>కాస్పియన్ బ్లూ విత్ మెటాలిక్ వైట్ ‍(Caspian Blue with Metallic White)</li>
<li>బాజా ఆరెంజ్ (Baja Orange)</li>
<li>లావా రెడ్ గ్లోస్ విత్ పెర్ల్ మెటాలిక్ వైట్ (Lava Red Gloss with Pearl Metallic White)</li>
<li>ఫాంటమ్ బ్లాక్ విత్ స్టార్మ్ గ్రే (Phantom Black with Storm Grey)</li>
<li>ఫాంటమ్ బ్లాక్ విత్ మెటాలిక్ వైట్ (Phantom Black with Metallic White)</li>
</ul>
<p><strong>ప్రత్యర్థి బైక్‌లు ఇవే</strong></p>
<p>భారత మార్కెట్‌లో Triumph Speed T4 కు ప్రధానంగా Yezdi Roadster, Royal Enfield Meteor 350, Honda CB350RS, Jawa 42 FJ నుంచి గట్టి పోటీ ఎదురవుతోంది.</p>
<p>చివరగా చెప్పాలంటే... ప్రీమియం లుక్‌, పవర్‌ఫుల్‌ టార్క్‌, ట్రయంఫ్‌ బ్రాండ్ వాల్యూతో పాటు ₹11,500 ఫ్రీ యాక్సెసరీస్ లభిస్తున్న ఈ ఆఫర్ Speed T4 ను మరింత ఆకర్షణీయంగా మార్చింది. కొత్త బైక్ కొనాలనుకుంటున్నవారికి ఈ కొత్త సంవత్సరం నిజంగా సరైన సమయమే.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
3 months ago
9 
