<p><strong>Bollywood Actor Sonakshi Sinha Frightening Role In Jatadhara Movie: </strong>గుప్త నిధులు... వాటికి రక్షణగా మంత్రశక్తితో వేసే బంధనాలు. అందులో భయంకరమైన పిశాచి బంధనం. నిధుల కోసం ఆశించే క్రమంలో భంగపడ్డ ఓ పిశాచి బంధనం సృష్టించిన విధ్వంసం. పసి పిల్లలను బలి కోరే రాక్షసత్వం. రక్తం తాగే 'ధన పిశాచి'. ట్రైలర్‌లోనే తన లుక్స్ యాక్టింగ్‌తో భయపెట్టేశారు బాలీవుడ్ హీరోయిన్ సోనాక్షి సిన్హా. 'ధన పిశాచి'గా ఉగ్ర రూపంలో రక్తం తాగే రాక్షసత్వంతో భారీ హైప్ క్రియేట్ చేశారు.</p>
<p><strong>అసలెవరీ 'ధన పిశాచి'?<br /></strong></p>
<p>పూర్వం ధనాన్ని భూమిలో దాచి పెట్ట మంత్రాలతో బంధనాలు వేసేవారు. వీటి కోసం ఎవరైనా ప్రయత్నిస్తే పిశాచ శక్తులు వారిపై విరుచుకుపడేవి. వాటిలో అత్యంత భయంకరమైన బంధనం 'పిశాచ' బంధనం. అలా గుప్త నిధులకు కాపలాగా ఉంచిన బంధనమే పిశాచి రూపంలో 'ధన పిశాచి'గా మారినట్లు ట్రైలర్ బట్టి తెలుస్తోంది. ఇంట్లో లంకె బిందెల కోసం పిశాచ బంధనం తొలగించేందుకు క్షుద్ర పూజలు చేయగా... అది విఫలమై 'ధన పిశాచి' పునరుద్భవానికి కారణమైనట్లు అర్థమవుతోంది.</p>
<p><iframe title="JATADHARA Official Telugu Trailer | Sudheer Babu | Sonakshi Sinha | Prerna Arora | In Cinemas 7 Nov" src="https://www.youtube.com/embed/0GRwVCILAEA" width="751" height="396" frameborder="0" allowfullscreen="allowfullscreen"></iframe></p>
<p>ప్రమాదకరమైన క్షుద్ర శక్తులను శాంత పరిచేందుకు జంతు బలులు, నర బలులు ఇస్తుంటారన్న డైలాగ్స్ 'జటాధర' స్టోరీపై భారీ హైప్ క్రియేట్ చేశాయి. అభం శుభం తెలియని పసిబిడ్డను బలి కోరడం, చిన్నారి వెంట పిశాచి పరిగెత్తడం భయంతో పాటు స్టోరీ ఏమై ఉంటుందా? అనే ఇంట్రెస్ట్ పదింతలు పెంచేశాయి.</p>
<p><strong>'ధన పిశాచి'గా సోనాక్షి సిన్హా</strong></p>
<p>'జటాధర'లో ధన పిశాచిగా బాలీవుడ్ హీరోయిన్ సోనాక్షి సిన్హా భయపెట్టేశారు. ఆమెకు తెలుగులో ఇదే ఫస్ట్ మూవీ. ట్రైలర్‌లో చిన్నారి వెంట పడడం, చిన్న కుండలో రక్తం తాగడం వంటి సీన్స్ భయానికే భయం పుట్టించేలా ఉన్నాయి. ఇక ఒంటినిండా నగలతో గుప్త నిధులకు కాపలాగా ఉండే 'ధన పిశాచి' ఉగ్ర రూపం చూడాలంటే గుండె ధైర్యం కావాల్సిందే అనేలా ఆమె లుక్స్ ఉన్నాయి. ఇప్పటికే రిలీజ్ అయిన సాంగ్ ఆకట్టుకుంటుండగా ట్రైలర్ వేరే లెవల్‌లో ఉంది.</p>
<p>హారర్ థ్రిల్లింగ్ అంశాలకు సైన్స్, మైథలాజికల్ టచ్ ఇస్తూ స్టోరీ సాగనున్నట్లు ట్రైలర్ కట్‌ను బట్టి తెలుస్తుండగా... టాలీవుడ్ డెబ్యూ మూవీలోనే బెస్ట్ రోల్‌తో సోనాక్షి ఎంట్రీ ఇచ్చారని ఫ్యాన్స్ కామెంట్స్ చేస్తున్నారు. ట్రైలర్‌లో ఆమె లుక్స్, యాక్టింగ్, వేరే లెవల్ అంటూ ప్రశంసిస్తున్నారు.</p>
<p><strong>Also Read: <a title="కింగ్ నాగార్జునకు జోడీగా స్వీటీ? - హిట్ పెయిర్ మరోసారి రిపీట్... రోల్ ఏంటో తెలుసా?" href="https://telugu.abplive.com/entertainment/cinema/anushka-shetty-team-up-with-nagarjuna-for-his-100th-movie-king100-latest-buzz-gone-viral-223967" target="_self">కింగ్ నాగార్జునకు జోడీగా స్వీటీ? - హిట్ పెయిర్ మరోసారి రిపీట్... రోల్ ఏంటో తెలుసా?</a></strong></p>
<p><strong>అసలు స్టోరీ అదేనా?</strong></p>
<p>గుప్త నిధులు... వాటికి కాపలాగా ఉండే మంత్ర శక్తులు. సైన్స్‌ను తప్ప దెయ్యాలు, భూతాలు లేవని నమ్మే యువకుడు. గుప్త నిధుల కోసం నరబలులు ఇచ్చే కొందరు వ్యక్తులు. పసి పిల్లలను బలి కోరే ధన పిశాచి. చెడును అంతం చేసి ధర్మాన్ని కాపాడేందుకు, అందరినీ రక్షించేందుకు ఉద్భవించిన 'జటాధరుడు'. ఇదీ 'జటాధర' స్టోరీ లైనప్ అని తెలుస్తోంది. </p>
<p>అసలు గుప్త నిధుల కోసం వెతికేది ఎవరు? రక్తం తాగే ధన పిశాచి పసి బిడ్డలను ఏం చేసింది? అసలు దెయ్యాలంటే నమ్మని హీరో వీటిని చూసి ఏం చేశాడు? ధన పిశాచికి, హీరోకు మధ్య జరిగే పోరాటం ఎందుకు? అనేది తెలియాలంటే మూవీ చూడాల్సిందే. టాలీవుడ్ యంగ్ సుధీర్ బాబు, బాలీవుడ్ హీరోయిన్ సోనాక్షి సిన్హా ప్రధాన పాత్రల్లో నటించిన 'జటాధర' నవంబర్ 7న ప్రేక్షకుల ముందుకు రానుంది.</p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/sonakshi-sinha-ramp-walk-at-india-couture-week-event-173593" width="631" height="381" scrolling="no"></iframe></p>
1 month ago
2 
