<p><strong>Skoda Octavia RS Launched In India At 49.99 Lakh Price:</strong> భారత మార్కెట్‌లో కార్‌ లవర్స్‌కి సర్‌ప్రైజ్‌గా, Skoda, తన కొత్త Octavia RS మోడల్‌ను లాంచ్‌ చేసింది. ధర ₹49.99 లక్షలు (ఎక్స్‌-షోరూమ్‌). ఇది లగ్జరీ కారు కాబట్టి ఈ మాత్రం రేటు ఉంటుంది. అయితే, షాకింగ్‌ విషయం ఏమిటంటే - ఈ పెర్ఫార్మెన్స్‌ సెడాన్‌ సేల్‌కు ముందే సేల్‌ అయింది. సింపుల్‌గా చెప్పాలంటే, ఈ కారు లాంచ్‌కు ముందే పూర్తిగా సేల్‌ అయిపోయింది. అక్టోబర్‌ 6న బుకింగ్స్‌ (సేల్స్ కాదు) ఓపెన్‌ అయ్యాయి, 100 కార్లను అందుబాటులో ఉంటారు. కేవలం కొన్ని గంటల్లోనే అన్ని యూనిట్లు పూర్తిగా అమ్ముడవ్వడం విశేషం.</p>
<p><strong>అత్యంత శక్తిమంతమైన Octavia RS</strong><br />ఈ కొత్త Octavia RSలో Volkswagen గ్రూప్‌నకు చెందిన ప్రసిద్ధ EA888 ఇంజిన్‌ ఉంది. ఈ 2.0 లీటర్‌ టర్బో పెట్రోల్‌ ఇంజిన్‌ 265 హెచ్‌పీ పవర్‌, 370 ఎన్ఎమ్‌ టార్క్‌ ఇస్తుంది. ఇది 7 స్పీడ్‌ DSG ఆటోమేటిక్‌ గేర్‌బాక్స్‌తో కలిసి ఫ్రంట్‌ వీల్స్‌కి పవర్‌ పంపుతుంది. ఈ పవర్‌తో, ఈ కారు 0 నుంచి 100 కిలోమీటర్ల వేగాన్ని కేవలం 6.4 సెకన్లలో చేరుతుంది. ఆక్సిలేటర్‌ తొక్కిపడితే, Octavia RS టాప్‌ స్పీడ్‌ 250 కి.మీ./గం అందుకుంటుందని కంపెనీ చెబుతోంది. స్పోర్ట్స్‌ ఎగ్జాస్ట్‌ సిస్టమ్‌ స్టాండర్డ్‌గా వస్తుంది, కానీ Dynamic Chassis Control (DCC) మాత్రం ఇండియన్‌ వెర్షన్‌లో అందించలేదు.</p>
<p><strong>ఎక్స్‌టీరియర్‌ డిజైన్‌ - స్పోర్టీ లుక్‌</strong></p>
<p>Octavia RS బయటి బాడీ కిట్‌ పూర్తిగా స్పోర్టీ లుక్‌తో రూపొందించారు.</p>
<p>19 ఇంచుల అల్లాయ్‌ వీల్స్‌, బ్లాక్‌ ఎక్స్‌టీరియర్‌ ఫినిష్‌, RS బ్యాడ్జింగ్‌, లిప్‌ స్పాయిలర్‌ - ఇవన్నీ కలిసి ఈ కారు ప్రెజెన్స్‌కు మరింత బూస్ట్‌ ఇస్తాయి.</p>
<p>Octavia RS కలర్స్‌ - ఇది Candy White, Magic Black, Mamba Green, Race Blue, Velvet Red అనే ఐదు ఆకర్షణీయమైన కలర్స్‌లో లభిస్తుంది.</p>
<p><strong>ఇంటీరియర్‌ – ఆల్‌ బ్లాక్‌ కేబిన్‌, ప్రీమియం టచ్‌</strong></p>
<p>ఇంటీరియర్‌లో ఆల్‌ బ్లాక్‌ థీమ్‌తో పాటు రెడ్‌ స్టిచింగ్‌ కలిపి స్పోర్టీ ఫీల్‌ ఇస్తుంది. స్పోర్ట్స్‌ సీట్స్‌, ఫ్లాట్‌ బాటమ్‌ 3-స్పోక్‌ స్టీరింగ్‌ వీల్‌ వంటివి రేసింగ్‌ టచ్‌ ఇస్తాయి.</p>
<p>13 ఇంచ్‌ల ఇన్ఫోటైన్‌మెంట్‌ స్క్రీన్‌, 10.25 ఇంచ్‌ల డిజిటల్‌ డ్రైవర్‌ డిస్‌ప్లే, 11 స్పీకర్‌ Canton సౌండ్‌ సిస్టమ్‌, 360° కెమెరా, మ్యాట్రిక్స్‌ LED హెడ్‌ల్యాంప్స్‌, వైర్‌లెస్‌ Android Auto & Apple CarPlay, 3-జోన్‌ క్లైమేట్‌ కంట్రోల్‌, హీట్‌డ్‌ సీట్స్‌, <br />మసాజ్‌ ఫంక్షన్‌, 10 ఎయిర్‌బ్యాగ్స్‌, అడాప్టివ్‌ క్రూజ్‌ కంట్రోల్‌ వంటి హై-ఎండ్‌ ఫీచర్లు ఉన్నాయి.</p>
<p><strong>పోటీ కార్లు & ప్రైస్‌ పాయింట్‌</strong></p>
<p>Octavia RSకి ప్రధాన పోటీదారు Volkswagen Golf GTI, దీని ధర ₹50.91 లక్షలు. </p>
<p>పాత Octavia RS 245తో పోలిస్తే కొత్త వెర్షన్‌ ₹14 లక్షల ఎక్కువ ధరతో వచ్చింది.</p>
<p>కానీ, BMW M340i, Audi S5 Sportback లాంటి జర్మన్‌ సెడాన్‌లతో పోలిస్తే Octavia RS చాలా అందుబాటులో ఉందనే చెప్పాలి.</p>
<p>స్పోర్ట్స్‌ పెర్ఫార్మెన్స్‌, ప్రీమియం కంఫర్ట్‌, యూరోపియన్‌ స్టైల్‌ కలిపి Octavia RS నిజంగా డ్రీమ్‌ కారు. అందుకే లాంచ్‌కి ముందే అన్ని యూనిట్లు సేల్‌ అయిపోయాయి. </p>
<p><iframe class="vidfyVideo" style="border: 0px;" src="https://telugu.abplive.com/web-stories/world/how-many-trains-are-there-in-pakistan-223881" width="631" height="381" scrolling="no"></iframe></p>
1 month ago
2 
