<p><strong>IND VS WI 2nd ODI Result Update:</strong> కెప్టెన్ శుభమ‌న్ గిల్ ఫాస్టెస్ట్ డ‌బుల్ సెంచ‌రీ (133 బంతుల్లో 223 నాటౌట్, 26 ఫోర్లు, 8 సిక్సర్లు) తో క‌దం తొక్క‌డంతో వెస్టిండీస్ తో జ‌రిగిన రెండో వ‌న్డేలో భార‌త్ 8 వికెట్లతో ఘ‌న విజ‌యం సాధించింది. బుధ‌వారం గువాహ‌టి వేదిక‌గా జ‌రిగిన ఈ మ్యాచ్ లో భార‌త్ అరుదైన ఘ‌న‌త‌ల‌ను సాధించింది. 400+ ర‌న్స్ పైచిలుకు ప‌రుగులను చేజ్ చేసిన రెండో జ‌ట్టుగా చ‌రిత్ర‌కెక్కింది. ఈ మ్యాచ్ లో టాస్ గెలిచి ఫ‌స్ట్ బ్యాటింగ్ చేసిన విండీస్ నిర్ణీత 50 ఓవ‌ర్ల‌లో 7 వికెట్ల‌కు 405 ప‌రుగులు చేసింది. 400 ప‌రుగుల మార్కును అందుకోవ‌డం వ‌న్డేల్లో ఆ జ‌ట్టుకిదే తొలి సారి కావ‌డం విశేషం. అమిర్ జంగూ సెంచ‌రీ (114) తో టాప్ స్కోర‌ర్ గా నిలిచాడు. అత‌నితోపాటు ఓపెన్ జాన్ కాంబెల్ (101), కెప్టెన్ షాయ్ హోప్ (104) తో శ‌త‌క్కొట్టారు. బౌల‌ర్ల‌లో గుర్నూర్ బ్రార్, ర‌వీంద్ర జ‌డేజా, కుల్దీప్ యాద‌వ్ ల‌కు త‌లో రెండు వికెట్లు ద‌క్కాయి. అనంత‌రం ఛేజింగ్ ను టీమిండియా 43.3 ఓవ‌ర్ల‌లోనే 2 వికెట్లు కోల్పోయి 406 ప‌రుగుల‌తో సునాయాసంగా ఛేజ్ చేసింది. వెట‌ర‌న్ బ్యాట‌ర్ రోహిత్ శ‌ర్మ (75 బంతుల్లో 101, 10 ఫోర్లు, 6 సిక్సర్లు) సెంచ‌రీతో మెరిశాడు. బౌల‌ర్ల‌లో షేమార్ జోసెఫ్, జైడెన్ సీల్స్ కు త‌లో వికెట్ ద‌క్కింది. ఈ విజ‌యంతో మూడు వ‌న్డేల సిరీస్ ను 2-0తో భార‌త్ ద‌క్కించుకుంది. ఇక గిల్ తాజా స్కోరు.. ఒక వన్డే కెప్టెన్ చేసిన అత్యధిక వ్యక్తిగత స్కోరు కావడం విశేషం. త‌ర్వాతి వ‌న్డే అక్టోబ‌ర్ 3న న్యూ చండీగడ్ వేదికగా జ‌రుగుతుంది. </p>
<blockquote class="twitter-tweet">
<p dir="ltr" lang="en">📸 𝘿𝙤𝙪𝙗𝙡𝙚 𝘾𝙚𝙣𝙩𝙪𝙧𝙞𝙤𝙣 𝙎𝙝𝙪𝙗𝙢𝙖𝙣 𝙂𝙞𝙡𝙡<br /><br />Frames that will occupy a special place in our memory 🤩<br /><br />Updates ▶️ <a href="https://t.co/6XCYRtZLAi">https://t.co/6XCYRtZLAi</a><a href="https://x.com/hashtag/TeamIndia?src=hash&ref_src=twsrc%5Etfw">#TeamIndia</a> | <a href="https://x.com/hashtag/INDvWI?src=hash&ref_src=twsrc%5Etfw">#INDvWI</a> | <a href="https://x.com/mflone_?ref_src=twsrc%5Etfw">@mflone_</a> | <a href="https://x.com/ShubmanGill?ref_src=twsrc%5Etfw">@ShubmanGill</a> <a href="https://t.co/9W1DzMamkH">pic.twitter.com/9W1DzMamkH</a></p>
— BCCI (@BCCI) <a href="https://x.com/BCCI/status/2105334805743411253?ref_src=twsrc%5Etfw">September 30, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>ధ‌నాధ‌న్ షాట్లు..</strong><br />కొండంత ల‌క్ష్యం ఎదురుగా క‌నిపిస్తున్న భార‌త ఓపెన‌ర్లు గిల్, రోహిత్ ఏమాత్రం వెర‌వ‌లేదు. ప‌ర్యాట‌క బౌలర్ల‌ను చితక్కొట్టారు. ఆరంభం నుంచి దూకుడే మంత్రంగా చెల‌రేగిపోయారు. దీంతో ప‌వ‌ర్ ప్లే ముగిసేస‌రికి92 ప‌రుగుల‌ను భార‌త్ పిండుకుంది. అదే జోరులో ముందుగా రోహిత్ 32 బంతుల్లో, గిల్ 38 బంతుల్లో త‌మ అర్థ సెంచరీను పూర్తి చేసుకున్నారు. ఇక ఫిఫ్టీ అయిన త‌ర్వాత గిల్ రెచ్చిపోయాడు. మైదానం న‌లువైపులా ఎడాపెడా బౌండ‌రీలు బాదుతూ స‌త్తా చాటాడు. ఈ క్ర‌మంలో 62 బంతుల్లోనే సెంచ‌రీని పూర్తి చేసుకున్నాడు. ఇక కాసేప‌టికే 72 బంతుల్లో రోహిత్ శ‌త‌కాన్ని న‌మోదు చేశాడు. అయితే తొలి వికెట్ కు 255 ప‌రుగులు జోడించాక‌, రోహిత్ పెవిలియ‌న్ కు చేరాడు.</p>
<blockquote class="twitter-tweet">
<p dir="ltr" lang="en">Look what it means to the Hitman 🤩👌<br /><br />🎥 A memorable celebration during a memorable knock 🥳<br /><br />Updates ▶️ <a href="https://t.co/6XCYRtZLAi">https://t.co/6XCYRtZLAi</a><a href="https://x.com/hashtag/TeamIndia?src=hash&ref_src=twsrc%5Etfw">#TeamIndia</a> | <a href="https://x.com/hashtag/INDvWI?src=hash&ref_src=twsrc%5Etfw">#INDvWI</a> | <a href="https://x.com/mflone_?ref_src=twsrc%5Etfw">@mflone_</a> | <a href="https://x.com/ImRo45?ref_src=twsrc%5Etfw">@ImRo45</a> <a href="https://t.co/V5h46wVK11">pic.twitter.com/V5h46wVK11</a></p>
— BCCI (@BCCI) <a href="https://x.com/BCCI/status/2105318788170457213?ref_src=twsrc%5Etfw">September 30, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>రికార్డు డ‌బుల్ సెంచ‌రీ..</strong><br />ఇక గ‌త మ్యాచ్ లో సెంచ‌రీతో స‌త్తా చాటిన విరాట్ కోహ్లీ (29).. వ‌న్ డౌన్ లో బ్యాటింగ్ కు దిగి త్వ‌ర‌గానే ఔట‌య్యాడు. ఈ స్థితిలో రుతురాజ్ గైక్వాడ్ (31 నాటౌట్) స‌మ‌యోచితంగా ఆడుతూ, మ‌రో వికెట్ ప‌డ‌కుండా జ‌ట్టు టార్గెట్ ఛేదించేలా చూశాడు. గిల్ కు మంచి స‌పోర్టు అందించాడు. ఇక మ‌రోవైపు వికెట్లు ప‌డిన గిల్ ఏమాత్రం ఏకాగ్ర‌త చెద‌ర‌కుండా బ్యాటింగ్ చేసి, 89 బంతుల్లో 150 ప‌రుగుల మార్కును అందుకున్నాడు. అదే జోరులో మ‌రింత ఉదృతంగా బ్యాటింగ్ చేసి, కేవ‌లం 117 బంతుల్లోనే డబుల్ సెంచ‌రీని పూర్తి చేసుకున్నాడు. ఈ ఫార్మాట్ లో ఇదే అత్యంత వేగ‌వంత‌మైన డ‌బుల్ సెంచ‌రీ కావ‌డం విశేషం. ఇక గిల్ కెరీర్లో ఇది రెండో డ‌బుల్ సెంచ‌రీ కావ‌డం గ‌మ‌నార్హం. అదే జోరులో 400+ ప‌రుగుల టార్గెట్ ను ఛేదించిన సౌతాఫ్రికా స‌ర‌సన భార‌త్ చేర‌డం విశేషం. </p>
1 month ago
2 
