Shreyas Iyer injury Update: భారత్, ఆస్ట్రేలియా టీ20 సిరీస్‌కు ముందు శ్రేయస్ అయ్యర్ గాయంపై బిగ్ అప్‌డేట్

<p style="text-align: justify;">భారత వన్డే జట్టు వైస్ కెప్టెన్ శ్రేయస్ అయ్యర్ గాయంపై బిగ్ అప్&zwnj;డేట్ వచ్చింది. సిడ్నీలో జరిగిన భారత్, ఆస్ట్రేలియా మూడో వన్డే మ్యాచ్&zwnj;లో అయ్యర్ క్యాచ్ పడుతూ నేలమీద పడ్డాడు. మీడియా నివేదికల ప్రకారం.. అయ్యర్ ఎడమ పక్కటెముకకు గాయమైంది. ఈ గాయం కారణంగా అయ్యర్ కనీసం 3 వారాలపాటు క్రికెట్&zwnj;కు దూరంగా ఉండాల్సి రావచ్చని తెలుస్తోంది.</p> <h4 style="text-align: justify;">మూడు వారాల పాటు శ్రేయాస్ అయ్యర్ దూరం</h4> <p style="text-align: justify;">న్యూస్ ఏజెన్సీ PTI ప్రకారం, BCCI వర్గాలు తెలిపిన వివరాల ప్రకారం, "వన్డే మ్యాచ్ సమయంలో గాయపడిన శ్రేయస్ అయ్యర్&zwnj;ను పరీక్షల కోసం ఆసుపత్రికి పంపించారు. ప్రాథమిక పరీక్షల్లో ఎడమ పక్కటెముకకు స్వల్ప గాయమైందని తేలింది. కనీసం 3 వారాల పాటు విశ్రాంతి తీసుకోవాల్సి ఉంటుంది. తిరిగి జట్టులోకి రావడానికి ముందు అయ్యర్ BCCI సెంటర్ ఆఫ్ ఎక్సలెన్స్&zwnj;కు సమాచారం అందించాలి. ఇతర పరీక్షల నివేదికలు ఇంకా రావాల్సి ఉంది. వాటిని చూసిన తర్వాత శ్రేయాస్ అయ్యర్ కోలుకోవడానికి సరిగ్గా ఎంత సమయం పడుతుంది అనేది తెలుస్తుంది. ఒకవేళ హెయిర్&zwnj;లైన్ ఫ్రాక్చర్ అయితే, కోలుకోవడానికి ఎక్కువ సమయం పట్టవచ్చు" అని సమాచారం వచ్చింది.</p> <h4 style="text-align: justify;">తదుపరి ODI సిరీస్&zwnj;లో ఆడతాడా లేదా?</h4> <p style="text-align: justify;">భారత జట్టు కొన్ని వారాల తర్వాత దక్షిణాఫ్రికాతో 3 వన్డే మ్యాచ్&zwnj;ల సిరీస్&zwnj; ఆడాల్సి ఉంది. ఇది నవంబర్ 30-డిసెంబర్ 6 వరకు జరగనుంది. తాజా నివేదిక ప్రకారం, శ్రేయస్ అయ్యర్ దక్షిణాఫ్రికాతో జరిగే వన్డే సిరీస్&zwnj;లో ఆడతాడా లేదా అనేది ఇంకా తెలియరాలేదు. అయ్యర్ 3 వారాల్లో తిరిగి జట్టులోకి వస్తే, అతను తదుపరి వన్డే సిరీస్&zwnj;లో ఆడే అవకాశం ఉంది.</p> <p style="text-align: justify;"><iframe class="vidfyVideo" style="border: 0px;" src="https://telugu.abplive.com/web-stories/cricket/cricketers-who-got-divorced-after-marriage-chahal-hardik-pandya-224690" width="631" height="381" scrolling="no"></iframe></p> <p style="text-align: justify;">నడుము సమస్యల కారణంగా శ్రేయస్ అయ్యర్ ప్రస్తుతం 6 నెలల పాటు రెడ్-బాల్ క్రికెట్ నుంచి విరామం తీసుకున్నాడు. అతడు ఫిట్ గా ఉన్న సమయంలోనూ T20 మ్యాచ్&zwnj;లకు ఎంపిక చేయలేదు. తన వన్డే కెరీర్&zwnj;లో 3 వేల పరుగులు చేయడానికి అయ్యర్ కేవలం 83 పరుగులు దూరంలో ఉన్నాడు. జట్టులో కీలకంగా మారుతున్న సమయంలో అయ్యర్ గాయపడటం తనకు వ్యక్తిగతంగా ఇబ్బందికరమైన విషయం.</p>