<p>'ఎక్స్‌ప్రెస్ రాజా', 'శతమానం భవతి' తర్వాత 'నారి నారి నడుమ మురారి'తో యువ కథానాయకుడు శర్వానంద్ సంక్రాంతి బరిలో హ్యాట్రిక్ అందుకున్నారు. ఈ విజయం ఆయనకు చాలా స్పెషల్. ఎందుకంటే... ఆల్మోస్ట్ నాలుగేళ్ల తర్వాత సక్సెస్ వచ్చింది. ఒకే ఒక జీవితం తర్వాత చేసిన మనమే ఫ్లాప్ అవ్వగా... వ్యక్తిగత జీవితం కూడా వార్తల్లో నిలిచింది. ఇటువంటి తరుణంగా నారీ నారీ నడుమ మురారి విజయం శర్వాకు సంతోషాన్ని ఇచ్చింది. అలాగే నిర్మాత అనిల్ సుంకరకు కూడా. ఆయనకు వరుస డిజాస్టర్ల తర్వాత ఈ సక్సెస్ వచ్చింది. ఈ విజయం తర్వాత నిర్మాతకు హీరో మరొక బంపర్ ఆఫర్ ఇచ్చారు. </p>
<p><strong>పెద్ద సినిమా చేసే వరకు రెమ్యూనరేషన్ వద్దు!</strong><br />అనిల్ సుంకర మరో సినిమా తప్పకుండా చేస్తానని శర్వానంద్ తెలిపారు. ఆ సినిమాకు ఒక్క రూపాయి కూడా తీసుకోను అని, ఆయన పెద్ద సినిమా చేసే వరకు తనకు రెమ్యూనరేషన్ అవసరం లేదని ఆయన అన్నారు. ఒక హీరో, ఒక నిర్మాత కలిసి ఉండే ఏమవుతుందో తామిద్దరం చూపిస్తామని శర్వానంద్ చెప్పారు. తమకు హిట్ వాల్యూ తెలుసు అని, తనకు అటువంటి హిట్ అనిల్ సుంకర ఇచ్చారని, తమ ఇద్దరినీ ప్రేక్షకులు ఆశీర్వదించాలని కోరుకుంటున్నానని చెప్పారు.</p>
<p>Also Read<strong>: <a title="Anil Ravipudi: పవన్ కళ్యాణ్‌తో సినిమా... క్లారిటీ ఇచ్చిన అనిల్ రావిపూడి" href="https://telugu.abplive.com/entertainment/cinema/anil-ravipudi-clarifies-pawan-kalyan-movie-rumours-after-sankranthi-blockbuster-msvpg-235449" target="_self">Anil Ravipudi: పవన్ కళ్యాణ్‌తో సినిమా... క్లారిటీ ఇచ్చిన అనిల్ రావిపూడి</a></strong></p>
<p>'నారి నారి నడుమ మురారి'లో అతిథి పాత్రలో నటించిన శ్రీ విష్ణు థాంక్స్ చెప్పిన శర్వానంద్... టైటిల్ ఉపయోగించుకోవడానికి అనుమతి ఇవ్వడంతో పాటు ముహూర్తం పెట్టి మరి అనౌన్స్ చేసిన నట సింహం నందమూరి బాలకృష్ణకు ప్రత్యేక కృతజ్ఞతలు చెప్పారు. తన తదుపరి సినిమాకు సైతం ముహూర్తం పెట్టాలని ఆయనను కోరినట్లు తెలిపారు. బాలయ్యతో జరిగిన డిస్కషన్ గురించి శర్వానంద్ మాట్లాడుతూ... ''బాలయ్య బాబు గారితో ఫోన్ మాట్లాడాను. 'నా పేరు నిలబెట్టావ్' అని ఆయన అభినందించారు. నా నెక్స్ట్ సినిమాకు మీరే ముహూర్తం పెట్టండని అడిగాను'' అని చెప్పారు.</p>
<p>Also Read<strong>: <a title="The Raja Saab BO Day 14: 'రాజా సాబ్' నిర్మాతలకు 64 శాతానికి పైగా లాస్... 14వ రోజు ఇండియాలో నెట్ కలెక్షన్ ఎంతంటే?" href="https://telugu.abplive.com/entertainment/cinema/prabhas-the-raja-saab-box-office-collection-day-14-know-maruthi-movie-fourteenth-day-second-thursday-india-net-235426" target="_self">The Raja Saab BO Day 14: 'రాజా సాబ్' నిర్మాతలకు 64 శాతానికి పైగా లాస్... 14వ రోజు ఇండియాలో నెట్ కలెక్షన్ ఎంతంటే?</a></strong></p>
<p>'సరిలేరు నీకెవ్వరు' సక్సెస్ సమయంలో షీల్డ్స్ ఇచ్చామని, ఆరేళ్ల తర్వాత మళ్లీ సక్సెస్ షీల్డ్స్ ఇవ్వడం సంతోషంగా ఉందని అనిల్ సుంకర చెప్పారు. దర్శకుడు రామ్ అబ్బరాజుతో మరొక సినిమా చేస్తున్నామని, అది ఎప్పుడు అనేది త్వరలో అనౌన్స్ చేస్తామని ఆయన అన్నారు. శర్వానంద్ మళ్ళీ సంక్రాంతికి వస్తారని, ఆయన వస్తే ప్రతి సినిమా హిట్ అవుతుందన్నారు.</p>
<p>Also Read<strong>: <a title="Cheekatilo Review Telugu - 'చీకటిలో' రివ్యూ: Prime Videoలో క్రైమ్ థ్రిల్లర్ - శోభితా ధూళిపాళ నటించిన మర్డర్ మిస్టరీ ఎలా ఉందంటే?" href="https://telugu.abplive.com/movie-review/entertainment/movie-review-cheekatilo-movie-review-in-telugu-sobhita-dhulipala-235417" target="_self">Cheekatilo Review Telugu - 'చీకటిలో' రివ్యూ: Prime Videoలో క్రైమ్ థ్రిల్లర్ - శోభితా ధూళిపాళ నటించిన మర్డర్ మిస్టరీ ఎలా ఉందంటే?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/sobhita-dhulipala-ott-journey-from-made-in-heaven-to-chikatilo-must-watch-series-movies-235072" width="631" height="381" scrolling="no"></iframe></p>
2 months ago
9 
