<p><strong>Seethe Ramudi Katnam Serial Today Episode </strong>రామ్ గౌతమ్‌ని కాదని సీతని ఆఫీస్‌కి తీసుకెళ్తా అని చెప్పడంతో గౌతమ్ అన్న తినకుండా వెళ్లిపోతాడు. మహాలక్ష్మీ గౌతమ్ దగ్గరకు వచ్చి భోజనం మధ్యలో ఎందుకు వచ్చేశావురా అంటే కడుపు నిండిపోయింది. నన్నూ నాన్నని వదిలేసి ఈ ఇంట్లో నువ్వేం సాధించావమ్మా అని అడుగుతాడు. ఈ ఇంట్లో నీ వ్యాల్యూ సున్నా అని రెండు రోజుల్లో అర్థమైందని అంటాడు. నీకు ఇక్కడ ఎలాంటి పవర్ లేదు ఇందుకే ఇక్కడికి వచ్చావా అని అడుగుతాడు.</p>
<p><strong>మహాలక్ష్మీ:</strong> సీత ఈ ఇంట్లో అడుగు పెట్టకముందు వరకు నేనే మకుటం లేని మహారాణిని మధ్యలో సుమతి వచ్చి అంతా డిస్ట్రబ్ చేసింది.<br /><strong>గౌతమ్:</strong> నువ్వు ఊ అంటే సీతని కూడా చంపేస్తా.<br /><strong>మహాలక్ష్మీ:</strong> సీతని అంత తక్కువ అంచనా వేయకు. తొందర పడి నువ్వు ఏదో ఒకటి చేసి అది మిస్ అయి నువ్వు దొరికిపోతే నేను దొరికిపోతా అప్పుడు ఇద్దరికీ ఇక్కడ ప్లేస్ లేకుండా పోతుంది. <br /><strong>గౌతమ్:</strong> నన్నూ తగ్గి ఉండమంటావా.<br /><strong>మహాలక్ష్మీ:</strong> సీతని ఏం చేయాలో నాకు తెలుసు నువ్వు ఊరుకో. దాని టైం దగ్గర పడింది. రేపటితో దాన్ని చాప్టర్ క్లోజ్.</p>
<p>సీత రామ్‌ని గిరగిరా తిప్పేసి మనం ఆఫీస్‌లో కలిసే ఉంటాం అని అంటుంది. ఆఫీస్‌లో కష్టపడి సుమతి అత్తమ్మలా మంచి పేరు తెచ్చుకుంటా అని అవకాశం ఇచ్చినందుకు థ్యాంక్స్ మామ అంటుంది. రామ్ సీతతో అమ్మతో నువ్వు ఎక్కువ టైం గడిపావ్ సీత నాకు ఆ అదృష్టం లేదని బాధ పడతాడు. నీతో ఉంటే అమ్మతో ఉన్నట్లు ఉంటుంది. నాతో ఎప్పటికీ కలిసి ఉండు సీత అంటాడు. సీత కూడా ఎప్పటికీ కలిసి ఉంటామని అదే అత్తమ్మకి మనం ఇచ్చే గౌరవం అని అంటుంది. మన మధ్యలోకి ఎవరూ రారు అని ఒకర్ని ఒకరు హగ్ చేసుకుంటారు. ఇక ముఖర్జీ అతని భార్య రాత్రి బయట కూర్చొని మాట్లాడుకుంటూ ఉంటే మిధున కాల్ చేస్తుంది. మిధునని ఇండియాకి ఎప్పుడు వస్తావ్ అని తల్లి అడుగుతుంది. ఇక ముఖర్జీ ఎల్లుండి టికెట్ వేశామని వచ్చేయమని అంటాడు. దాంతో మిధున సరే అంటుంది. ఇద్దరూ మిధున పెళ్లి కోసం మాట్లాడుకుంటారు. మిధునకు కూడా రామ్ లాంటి భర్తని తీసుకురావాలి అనుకుంటారు.</p>
<p>ఉదయం రామ్, సీత ఆఫీస్‌కి వెళ్లడానికి రెడీ అయి కిందకి వస్తారు. ఇంతలో త్రిలోక్ వస్తాడు. సీత బెయిల్ గడువు ఉంది కదా ఇప్పుడు ఎందుకు వచ్చారని రామ్ అంటే ఇది పాత కేసు అని చెప్తాడు. మహాలక్ష్మీ కారు లోయలో పడిపోవడానికి కారణం అని కారు మెకానిక్‌కి తీసుకొస్తాడు. ఈ మెకానిక్ కారు బ్రేకులు తీయడం వల్లే యాక్సిడెంట్ జరిగిందని చెప్తాడు. అందరూ షాక్ అయిపోతారు. రామ్, గౌతమ్‌ ఇద్దరూ పిన్నిని ఎందుకు చంపాలి అనుకున్నావ్ అని మెకానిక్‌ని పట్టుకొని కొడతారు. సీఐ ఆపి వీడు ఇలా చేయడానికి కారణం ఒకరు ఉన్నారని అంటాడు. రామ్, గౌతమ్‌లు వాళ్లు ఎవరైనా అంతు చూస్తామని అంటారు. నీ భార్య సీతే మీ పిన్నిని చంపాలి అనుకున్నది అని సీఐ చెప్పడంతో అందరూ బిత్తరపోతారు. </p>
<p>సీత షాక్ అయి మా అత్తయ్యని నేను ఎందుకు చంపాలి అనుకుంటాను అని అంటుంది. ఏం జరిగిందో చెప్పమని మెకానిక్‌ని అడిగితే సీత వచ్చి మహాలక్ష్మీ కారుకి బ్రేకులు తీయమని చెప్పిందని అంటాడు. సీత తనకు ఇతను ఎవరో తెలీదని ఏం తెలీదు అంటే సీత ఆ మెకానిక్‌కి డబ్బు ఇచ్చినట్లు వీడియో చూపిస్తారు. అందరూ షాక్ అయిపోతారు. వీడియో చూపిన తర్వాత సీత వాడు కష్టాల్లో ఉన్నాడని అంటే డబ్బు ఇచ్చానని అంటుంది. త్రిలోక్ సీతతో మందు ఎవరో తెలీదు అన్నావు ఇప్పుడు డబ్బు ఇచ్చా అంటున్నావు అని అడుగుతాడు. అందరూ సీతని ప్రశ్నించడంతో సీత ఏం తెలీదని అత్తాకోడళ్ల గొడవ తప్ప ఇంకేం లేదని అంటుంది.</p>
<p>మెకానిక్ అబద్ధం చెప్తున్నాడని నిజం చెప్పమని కొడుతుంది. ఆపు సీత అని రామ్ అరుస్తాడు. చంపడం అంత ఈజీనా నీకు.. నీకు ఎదురు తిరిగితే చంపేస్తావా.. మా పిన్ని మీద అంత పగ పెంచుకుంటున్నావా అని అడుగుతాడు. మామ నన్నే అనుమానిస్తున్నావా అని అంటుంది. నా ముందే ఎన్నో సార్లు పిన్నిని ద్వేషించావ్ అనుమానించావ్.. నిన్ను ఎలా నమ్మాలి అంటాడు. సీతని అందరి కంటే ఎక్కువ నేను నమ్మాను కానీ సీత నా నమ్మకం వమ్ము చేసిందని అంటాడు. సీతని పోలీస్ స్టేషన్‌కి తీసుకెళ్లొచ్చా అని త్రిలోక్ అంటే మహాలక్ష్మీ వద్దని సీతని తీసుకెళ్తే మా పరువు పోతుందని అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><strong>Also Read: 'సీతే రాముడి కట్నం' సీరియల్: గౌతమ్‌ని కుర్చీకి కట్టి కొరడాతో చితక్కొట్టిన సీత.. మహాలక్ష్మీ అధికారం పాయే!</strong></p>
9 months ago
7 
