<p><strong>Keralam Wicketkeeper Batter Roars Back To Form Powering India To Historic T20I Total Against West Indies: </strong>రాంచీ వేదికగా వెస్టిండీస్‌తో జరిగిన రెండో టీ20 సమరంలో భారత వికెట్ కీపర్ బ్యాటర్ సంజూ శాంసన్ పరుగుల సునామీ సృష్టించాడు. గత నాలుగు మ్యాచ్‌లలో వరుసగా సింగిల్ డిజిట్ స్కోర్లకే పరిమితమై విమర్శలు ఎదుర్కొన్న సంజూ, ఈ మ్యాచ్‌లో తన విశ్వరూపం చూపించాడు. కేవలం 21 బంతుల్లోనే హాఫ్ సెంచరీ నమోదు చేసి అంతర్జాతీయ టీ20ల్లో తన తొమ్మిదో అర్ధ శతకాన్ని పూర్తి చేశాడు. వెస్టిండీస్‌పై ఒక భారత బ్యాటర్ సాధించిన అత్యంత వేగవంతమైన టీ20 హాఫ్ సెంచరీ రికార్డును అతడు సమం చేశాడు. గతంలో 2019 డిసెంబర్ 11న ముంబై వేదికగా విండీస్‌పై విరాట్ కోహ్లీ సరిగ్గా 21 బంతుల్లోనే ఫిఫ్టీ బాదగా, ఇప్పుడు ఆ రికార్డు సరసన సంజూ నిలిచాడు. ఓవరాల్‌గా 41 బంతుల్లో 9 ఫోర్లు, 4 భారీ సిక్సర్లతో 82 పరుగులు బాదిన సంజూ, భారత్ 20 ఓవర్లలో 249/5 పరుగుల రికార్డు స్కోరు సాధించడంలో ప్రధాన పాత్ర పోషించాడు. వెస్టిండీస్‌పై టీ20ల్లో భారత్‌కు ఇదే అత్యధిక స్కోరు కావడం విశేషం. అయితే వెస్టిండీస్ రికార్డు చేజింగ్ తో మ్యాచ్ ను సొంతం చేసుకుంది. కెప్టెన్ షాయ్ హోప్ అజేయ సెంచ‌రీ (102 నాటౌట్) తో చెల‌రేగ‌డంతో 18.3 ఓవ‌ర్ల‌లోనే 4 వికెట్ల‌కు 252 ప‌రుగులు చేసిన క‌రీబియ‌న్ జ‌ట్టు విజ‌యం సాధించింది. ఇక ఇరుజ‌ట్ల మ‌ధ్య మూడో వ‌న్డే ఆదివారం ఇండోర్ వేదిక‌గా జ‌రుగుతుంది. </p>
<blockquote class="twitter-tweet">
<p dir="ltr" lang="en">𝙎𝙞𝙢𝙥𝙡𝙮 𝙎𝙖𝙢-𝙨𝙖𝙩𝙞𝙤𝙣𝙖𝙡 🫡 Relive▶️ https://t.co/BTmW1q4p8t #TeamIndia | #INDvWI | @mflone_ | @IamSanjuSamson https://t.co/yORVCVcwji</p>
— BCCI (@BCCI) <a href="https://x.com/BCCI/status/2108576845298118711?ref_src=twsrc%5Etfw">October 9, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>అకీల్ హొసేన్‌పై ఎదురుదాడి.. ఇషాన్ కిషన్‌తో 97 పరుగుల భాగస్వామ్యం</strong><br />ఇన్నింగ్స్ ఆరంభంలో సంజూ కాస్త తడబడ్డాడు. ఆరు పరుగుల వద్ద ఉన్నప్పుడు అకీల్ హొసేన్ బౌలింగ్‌లో కమిల్ పూరన్ సులువైన క్యాచ్ వదిలేశాడు. దక్కిన అవకాశాన్ని సంజూ పూర్తిగా ఉపయోగించుకున్నాడు. హొసేన్ ఓవర్లోనే మూడు సిక్సర్లు, రెండు ఫోర్లు బాది స్టేడియాన్ని హోరెత్తించాడు. అభిషేక్ శర్మ 20 పరుగులకు అవుటైన తర్వాత, లోకల్ బాయ్ ఇషాన్ కిషన్‌తో కలిసి సంజూ రెండో వికెట్‌కు కేవలం 43 బంతుల్లోనే 97 పరుగుల భాగస్వామ్యాన్ని నెలకొల్పాడు. ఇషాన్ 22 బంతుల్లో 43 పరుగులు చేసి సహకరించాడు. 40లలో ఉన్నప్పుడు గుడాకేశ్ మోతీ కూడా సంజూ క్యాచ్ నేలపాలు చేయడంతో, రొమారియో షెపర్డ్ బౌలింగ్‌లో వరుస ఫోర్లతో సంజూ తన హాఫ్ సెంచరీ పూర్తి చేసుకున్నాడు.</p>
<blockquote class="twitter-tweet">
<p dir="ltr" lang="en">Brilliant knocks from Shai Hope and Sherfane Rutherford guide West Indies home in the 2nd T20I in Ranchi. We move to Indore for the 3rd T20I. Scorecard ▶️ https://t.co/mZlyaWZsoe #TeamIndia | #INDvWI | @mflone_ https://t.co/Inp7I7R259</p>
— BCCI (@BCCI) <a href="https://x.com/BCCI/status/2108611199978054061?ref_src=twsrc%5Etfw">October 9, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>రోస్టన్ చేజ్ దెబ్బ.. మధ్య ఓవర్లలో స్వల్ప తడబాటు</strong><br />11 ఓవర్లలో 139/1తో పటిష్టంగా ఉన్న భారత్‌ను రోస్టన్ చేజ్ దెబ్బతీశాడు. వరుస ఓవర్లలో ఇషాన్ కిషన్, నాల్గో స్థానంలో ప్రమోషన్ పొందిన శివమ్ దూబే (7)లను క్లీన్ బౌల్డ్ చేశాడు. సెంచరీకి చేరువవుతున్న సమయంలో సంజూ శాంసన్ 15వ ఓవర్లో ర్యాంప్ షాట్ ఆడబోయి డీప్ బ్యాక్‌వర్డ్ పాయింట్‌లో పూరన్‌కు చిక్కాడు. దీంతో భారత్ 23 పరుగుల వ్యవధిలో మూడు కీలక వికెట్లు కోల్పోయింది.</p>
<p><strong>శ్రేయస్, తిలక్ వర్మ ఫినిషింగ్.. 32 బంతుల్లో 83 పరుగుల విధ్వంసం</strong><br />ఆ దశలో కెప్టెన్ శ్రేయస్ అయ్యర్, తిలక్ వర్మ అద్భుతమైన ఎదురుదాడికి దిగారు. అయ్యర్ కేవలం 18 బంతుల్లో 40 రన్స్ చేయగా, తిలక్ వర్మ 18 బంతుల్లో 44 పరుగులతో నాటౌట్‌గా నిలిచాడు. వీరిద్దరూ కేవలం 32 బంతుల్లోనే 83 పరుగులు జోడించడంతో భారత్ గతంలో 2016లో నమోదు చేసిన 244/4 రికార్డును దాటి సరికొత్త శిఖరాన్ని అందుకుంది. ఈ క్రమంలో తిలక్ వర్మ టీ20ల్లో 5,000 పరుగుల మైలురాయిని కూడా చేరుకున్నాడు. </p>
3 weeks ago
2 
