Sai Krishna Missing Case: పిల్లా సాయికృష్ణ మిస్సింగ్ వివాదం - చంద్రబాబుతో పవన్ కల్యాణ్ కీలక భేటీ.. డీజీపీకి ఆదేశాలు!

<p><strong>Krishna Lanka Police Station Issue:</strong> విజయవాడలో తీవ్ర సంచలనం సృష్టించిన రౌడీషీటర్ గాదె సాయికృష్ణ &nbsp;అదృశ్యం ఉదంతం ఆంధ్రప్రదేశ్ రాజకీయాల్లో తీవ్ర కలకలం రేపుతోంది. &nbsp;ముఖ్యమంత్రి నారా చంద్రబాబు నాయుడుతో ఉప ముఖ్యమంత్రి పవన్ కల్యాణ్ గురువారం అత్యవసరంగా సమావేశమయ్యారు. సచివాలయంలో జరిగిన ఈ &nbsp;భేటీలో రాష్ట్రంలో శాంతిభద్రతల పరిస్థితితో పాటు, ప్రధానంగా విజయవాడ కృష్ణలంక పోలీస్ స్టేషన్ పరిధిలో జరిగినట్లు చెప్తున్న ఈ ఘటనపై ఇరు నేతలు సుదీర్ఘంగా చర్చించారు. &nbsp;<br />&nbsp;&nbsp;<br /><strong>&nbsp;అసలేం జరిగింది?&nbsp;</strong></p> <p>విజయవాడకు చెందిన రౌడీషీటర్ గాదె సాయికృష్ణను కృష్ణలంక పోలీసులు గత నెలలో అదుపులోకి తీసుకున్నట్లు తెలుస్తోంది. అయితే, అప్పటి నుంచి అతని ఆచూకీ తెలియకపోవడంతో కుటుంబ సభ్యులు హైకోర్టులో హెబియస్ కార్పస్ &nbsp;పిటిషన్ దాఖలు చేశారు. ఈ క్రమంలోనే, సాయికృష్ణను పోలీసులు థర్డ్ డిగ్రీ ఉపయోగించి దారుణంగా చిత్రహింసలు పెట్టి చంపేశారని, ఆపై మృతదేహాన్ని మాయం చేశారంటూ విపక్షాలు, బాధితుడి బంధువులు తీవ్ర ఆరోపణలు గుప్పించారు. ఈ ఉదంతం కాస్తా తీవ్ర రాజకీయ రంగు పులుముకోవడంతో కూటమి ప్రభుత్వం దీనిని ప్రతిష్టాత్మకంగా తీసుకుంది.</p> <p><strong>&nbsp;చంద్రబాబు-పవన్ భేటీ&nbsp;</strong></p> <p>ఈ ఘటనపై ప్రతిపక్ష వైఎస్సార్ <a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a> పార్టీ పె విమర్శలు చేయడం, &nbsp;జాతీయ మానవ హక్కుల సంఘం &nbsp;వరకు ఈ వ్యవహారం వెళ్లే సూచనలు కనిపించడంతో సీఎం చంద్రబాబు, పవన్ కల్యాణ్&zwnj;లు ప్రత్యేకంగా సమావేశమయ్యారు. పోలీసులు పరిధి దాటి ప్రవర్తించడం, చట్టాన్ని చేతుల్లోకి తీసుకోవడం వంటి చర్యలను సహించేది లేదని ఇరు నేతలు స్పష్టం చేశారు. ఒక వ్యక్తి పోలీస్ కస్టడీలో ఉండగా ఇలాంటి అనర్థం జరగడం ప్రభుత్వ ప్రతిష్టను దెబ్బతీస్తుందని, తప్పు చేసిన వారు ఎంతటి వారైనా సరే కఠిన చర్యలు తీసుకోవాల్సిందేనని <a title="పవన్ కల్యాణ్" href="https://telugu.abplive.com/topic/Pawan-Kalyan" data-type="interlinkingkeywords">పవన్ కల్యాణ్</a> ఈ భేటీలో స్పష్టం చేసినట్లుగా తెలుస్తోంది.</p> <p><strong>&nbsp;వివరణ ఇచ్చిన డీజీపీ - నివేదిక కోరిన ప్రభుత్వం&nbsp;</strong></p> <p>ముఖ్యమంత్రి, ఉప ముఖ్యమంత్రి ఆదేశాల మేరకు రాష్ట్ర డైరెక్టర్ జనరల్ ఆఫ్ పోలీస్ ఈ సమావేశానికి హాజరై ప్రాథమిక వివరాలను అందజేశారు. కృష్ణలంక పోలీసుల ఆధీనంలో జరిగిన పరిణామాలు, సాయికృష్ణ అదృశ్యం &nbsp;వెనుక ఉన్న సాంకేతిక, క్షేత్రస్థాయి వివరాలను సీఎం, డిప్యూటీ సీఎంలకు డీజీపీ వివరించారు. దీనిపై స్పందించిన చంద్రబాబు నాయుడు.. తక్షణమే సదరు పోలీస్ స్టేషన్ సిబ్బంది పాత్రపై సమగ్ర విచారణ జరిపి పూర్తి నివేదిక సమర్పించాలని డీజీపీని ఆదేశించారు. బాధ్యులైన అధికారులను తక్షణమే సస్పెండ్ చేయాలని, అవసరమైతే క్రిమినల్ కేసులు నమోదు చేయాలని ఆదేశాలు జారీ &nbsp;చేసినట్లుగా తెలుస్తోంది.&nbsp;<br />&nbsp;<br /><strong>&nbsp;ఖచ్చితమైన చర్యలు</strong></p> <p>ప్రజాస్వామ్య వ్యవస్థలో ఫ్రెండ్లీ పోలీసింగ్&zwnj;కు తాము ప్రాధాన్యత ఇస్తామని చెప్తున్న చంద్రబాబు సర్కారుకు ఈ ఘటన ఒక పెద్ద సవాల్&zwnj;గా మారింది. చట్టాన్ని రక్షించాల్సిన పోలీసులే లాకప్ డెత్&zwnj;లకు కారణమైతే ప్రజల్లో నమ్మకం పోతుందని సీఎం <a title="చంద్రబాబు" href="https://telugu.abplive.com/topic/Chandrababu" data-type="interlinkingkeywords">చంద్రబాబు</a> అభిప్రాయపడ్డారు. ఈ వ్యవహారంలో ఎవరినీ వెనుకేసుకొచ్చే ప్రసక్తే లేదని, విచారణ అనంతరం బాధ్యులపై కఠిన చట్టపరమైన చర్యలు ఉంటాయని ప్రభుత్వం సంకేతాలు ఇచ్చింది. ఈ భేటీ తర్వాత పోలీస్ శాఖలో కొన్ని కీలక బదిలీలు, సస్పెన్షన్లు ఉండే అవకాశం ఉన్నట్లు తెలుస్తోంది.&nbsp;</p> <p><iframe class="vidfyVideo" style="border: 0px;" src="https://telugu.abplive.com/web-stories/business/the-war-has-ended-will-gold-prices-drop-to-one-lakh-250703" width="631" height="381" scrolling="no"></iframe></p>