<p><strong>77th Republic Day parade:</strong> ఢిల్లీలోని కర్తవ్య పథ్‌లో జరిగిన 77వ గణతంత్ర దినోత్సవ వేడుకలు చారిత్రక ఘట్టాలకు వేదికయ్యాయి. ఈసారి కవాతులో భారత్ తన సైనిక పటిమను, సాంస్కృతిక వైవిధ్యాన్ని ప్రదర్శించడమే కాకుండా, మునుపెన్నడూ లేని విధంగా ఐదు కొత్త విభాగాలు మొదటిసారిగా పాల్గొని అందరినీ ఆకట్టుకున్నాయి. వికసిత్ భారత్ సంకల్పంతో సాగిన ఈ పరేడ్‌లో ఈ కొత్త అదనపు ఆకర్షణలు దేశాభివృద్ధికి నిదర్శనంగా నిలిచాయి.</p>
<p><strong>ఆల్ ఉమెన్ లాజిస్టిక్ కార్ప్స్</strong></p>
<p>ఈ ఏడాది పరేడ్‌లో అత్యంత కీలకమైన అరంగేట్రం ఆల్ ఉమెన్ లాజిస్టిక్ కార్ప్స్ (All-Women Logistics Corps) . భారత సైన్యంలో మహిళా సాధికారతను చాటుతూ, రవాణా, సరఫరా విభాగాల్లో మహిళల పాత్రను హైలైట్ చేస్తూ ఈ దళం మొదటిసారి కర్తవ్య పథ్‌పై కదం తొక్కింది. ఇది యుద్ధరంగంలోనూ, క్లిష్ట పరిస్థితుల్లోనూ మహిళలు కీలక బాధ్యతలు చేపట్టగలరనే సందేశాన్ని ప్రపంచానికి చాటిచెప్పింది. </p>
<blockquote class="twitter-tweet">
<p dir="ltr" lang="en"><a href="https://twitter.com/hashtag/WATCH?src=hash&ref_src=twsrc%5Etfw">#WATCH</a> | Delhi: At <a href="https://twitter.com/hashtag/RepublicDay2026?src=hash&ref_src=twsrc%5Etfw">#RepublicDay2026</a> 🇮🇳, a joint daredevils team of the Central Reserve Police Force (CRPF) and the Sashastra Seema Bal (SSB) enthralled the audience at Kartavya Path<br /><br />They showcased their bravery and determination through a number of formations, including… <a href="https://t.co/OzyuIXw0WV">pic.twitter.com/OzyuIXw0WV</a></p>
— ANI (@ANI) <a href="https://twitter.com/ANI/status/2015685989772267733?ref_src=twsrc%5Etfw">January 26, 2026</a></blockquote>
<p><strong> మేడ్ ఇన్ ఇండియా అటాక్ డ్రోన్ వ్యవస్థ</strong></p>
<p>సాంకేతిక రంగంలో భారత్ సాధించిన ప్రగతికి ప్రతిరూపంగా మేడ్ ఇన్ ఇండియా అటాక్ డ్రోన్ వ్యవస్థలు ఈసారి కవాతులో భాగమయ్యాయి. స్వదేశీ సాంకేతికతతో రూపొందించిన ఈ ఆధునిక డ్రోన్లు, సరిహద్దు రక్షణలో మన సామర్థ్యాన్ని ప్రతిబింబించాయి. రక్షణ రంగంలో ఆత్మనిర్భర్ భారత్ సాధించిన విజయాన్ని పరేడ్ వీక్షకులకు కళ్ళకు కట్టినట్లు చూపించాయి.</p>
<p><strong> CRPF ప్రత్యేక డాగ్ స్క్వాడ్' </strong></p>
<p>భద్రతా దళాలతో పాటు, ఈసారి కేంద్రీయ రిజర్వ్ పోలీస్ ఫోర్స్ ప్రత్యేక డాగ్ స్క్వాడ్ మొదటిసారిగా పరేడ్‌లో పాల్గొని ప్రత్యేక ఆకర్షణగా నిలిచింది. ఉగ్రవాద వ్యతిరేక చర్యల్లో ,నక్సల్స్ ప్రభావిత ప్రాంతాల్లో బాంబులను గుర్తించడంలో కీలక పాత్ర పోషించే ఈ శునక దళం, అత్యంత క్రమశిక్షణతో కవాతు చేయడం చూసి ప్రేక్షకులు మంత్రముగ్ధులయ్యారు. </p>
<p><strong>గగన్‌యాన్ ప్రత్యేక బృందం</strong></p>
<p>అంతేకాకుండా, అంతరిక్ష పరిశోధనల్లో భారత్ సాధించిన మైలురాళ్లను ప్రతిబింబిస్తూ గగన్‌యాన్ ప్రత్యేక బృందం, దానికి సంబంధించిన నమూనాలు ఈ సారి పరేడ్‌లో తొలిసారి కనిపించాయి. మానవ సహిత అంతరిక్ష యాత్రకు సిద్ధమవుతున్న భారత్, భవిష్యత్ అంతరిక్ష వీరుల సాహసాన్ని ఈ వేదిక ద్వారా ఘనంగా చాటిచెప్పింది.</p>
<p> సాంస్కృతిక విభాగంలో మొట్టమొదటిసారిగా గిరిజన కళాకారుల ప్రత్యేక ఫ్లోట్ భాగమైంది, ఇది భారతదేశంలోని మారుమూల ప్రాంతాల కళలను , సంప్రదాయాలను జాతీయ వేదికపై ప్రదర్శించింది. ఈ ఐదు కొత్త విభాగాలు 2026 రిపబ్లిక్ డే వేడుకలకు సరికొత్త శోభను తీసుకువచ్చాయి, భారత్ ఒక శక్తివంతమైన, ఆధునిక దేశంగా ఎదుగుతున్న తీరును ప్రపంచానికి చాటాయి.<br /> </p>
<p><iframe class="vidfyVideo" style="border: 0px;" src="https://telugu.abplive.com/web-stories/business/gold-is-extracted-from-mines-where-does-silver-come-from-235797" width="631" height="381" scrolling="no"></iframe></p>
2 months ago
7 
