Renault Triber Price Drop: దేశంలోనే అత్యంత చౌకైన 7-సీటర్‌ కారు - GST ట్రిమ్మింగ్‌ తర్వాత ఇంకెంత చౌకగా మారింది? క్విడ్, కిగర్ ధరలు కూడా డ్రాప్‌!

<p><strong>Renault Triber Price After GST 2.0 Discount</strong>: ఫ్రెంచ్ ఆటోమేకర్ రెనాల్ట్ ఇండియా, ఈ పండుగ సీజన్&zwnj;కు ముందు తన కస్టమర్లకు పెద్ద బహుమతి ఇస్తోంది. జీఎస్టీ 2.0 తగ్గింపు పూర్తి ప్రయోజనాలను నేరుగా తన కస్టమర్లకు అందిస్తామని ఈ కంపెనీ ప్రకటించింది. రెనాల్ట్ బ్రాండ్&zwnj; కార్లు అంటేనే బహు చవక బేరం. కంపెనీ నిర్ణయంతో, ఇప్పుడు, GST 2.0 డిస్కౌంట్&zwnj; కూడా అందుకుని అవి మునుపటి కంటే తక్కువ ధరలోకి మారాయి. GST తగ్గింపు ప్రయోజనాలను ఆపాదిస్తూ, తమ వాహనాల ధరను రూ. 96,000 కు పైగా తగ్గించినట్లు కంపెనీ తెలిపింది.</p> <p><strong>Renault Kwid ఇప్పుడు రూ. 4.29 లక్షల నుంచి ప్రారంభం</strong><br />కొత్త GST శ్లాబ్ తర్వాత, రెనాల్ట్ చౌకైన &amp; అత్యంత ప్రజాదరణ పొందిన కారు క్విడ్ ఇప్పుడు కేవలం 4.29 లక్షల రూపాయల నుంచి అందుబాటులో ఉంది. దీంతో పాటు, ఇదే కంపెనీకి చెందిన మరో రెండు పాపులర్&zwnj; కార్లు Kiger &amp; Triber కూడా ఇప్పుడు రూ. 5.76 లక్షల ప్రారంభ ధరకు అందుబాటులో ఉంటాయి.</p> <p><strong>కొత్త ధరలు ఎప్పుడు అందుబాటులోకి వస్తాయి?</strong><br />కొత్త ధరలు సెప్టెంబర్ 22, 2025 నుంచి, అంటే దేవీ నవరాత్రుల మొదటి రోజు నుంచి (దసరా సమయంలో) అమల్లోకి వస్తాయని రెనాల్ట్ ధృవీకరించింది. అయితే, కస్టమర్లు అప్పటి వరకు ఆగాల్సిన అవసరం లేదు. తగ్గిన కొత్త ధరలతో ఈ రోజే కొత్త కారును బుక్ చేసుకోవచ్చు.</p> <p><strong>Renault Triber MPV రేటు ఎంత తగ్గింది?</strong><br />రెనాల్ట్ ట్రైబర్, దేశంలోనే అత్యంత చవకైన 7-సీటర్&zwnj; కారు. కంపెనీ దీనిని ఇటీవలే లాంచ్ చేసింది. రెనాల్ట్ ట్రైబర్ బేస్ వేరియంట్ ధరను రూ. 53,695 తగ్గించారు. అదే సమయంలో, కస్టమర్లు దాని టాప్ వేరియంట్ కొనుగోలుపై రూ. 80,195 వరకు తగ్గింపు ప్రయోజనం పొందుతారు.&nbsp;</p> <p><strong>Renault Kiger రేటు ఎంత తగ్గింది?</strong><br />రెనాల్ట్ కిగర్ బేస్ వేరియంట్ ధరను కూడా రూ. 53,695 తగ్గించారు. దీని టాప్ వేరియంట్&zwnj;పై రూ. 96,395 వరకు ఆదా అవుతుంది. ఈ SUV ఇప్పుడు మరింత అందుబాటు ధర ఎంపికగా మారింది.</p> <p><strong>Renault Kwid: ఎంట్రీ లెవల్ కారుపై డిస్కౌంట్</strong><br />రెనాల్ట్ క్విడ్ బేస్ వేరియంట్ కొన్నవాళ్లకు రూ. 40,095 డిస్కౌంట్ లభిస్తుంది. దీని టాప్-స్పెక్ వేరియంట్&zwnj;ను రూ. 54,995 తగ్గింపుతో కొనుగోలు చేయవచ్చు. క్విడ్, తన విభాగంలో, ధర విషయంలో అత్యంత పొదుపైన కారుగా పాపులర్&zwnj; అయింది.</p> <p><strong>కంపెనీ స్టేట్&zwnj;మెంట్</strong><br />"GST 2.0 పూర్తి ప్రయోజనాన్ని వినియోగదారులకు అందించడం మా కస్టమర్-ఫస్ట్&zwnj; విధానాన్ని ప్రతిబింబిస్తుంది. ఈ నిర్ణయం రెనాల్ట్ కార్లను మరింత అందుబాటులోకి తెస్తుందని &amp; పండుగ సీజన్&zwnj;లో డిమాండ్&zwnj;ను పెంచుతుందని మేము విశ్వసిస్తున్నాం. ప్రతి భారతీయ కుటుంబానికి ఆవిష్కరణ, విలువ &amp; నమ్మకాన్ని అందించడమే మా లక్ష్యం" అని రెనాల్ట్ ఇండియా మేనేజింగ్ డైరెక్టర్ వెంకటరామ్ మల్లేపల్లి చెప్పారు.</p>