<p><strong>Rashmika Mandanna Reaction On Engagement With Vijay Deverakonda : </strong>నేషనల్ క్రష్ రష్మిక మందన్న, టాలీవుడ్ యంగ్ హీరో విజయ్ దేవరకొండకు ఎంగేజ్మెంట్ జరిగిందనే వార్తలు కొద్ది రోజులుగా హల్చల్ చేస్తున్న సంగతి తెలిసిందే. ఎప్పటి నుంచో లవ్‌లో ఉన్న ఈ కపుల్ దసరా సందర్భంగా ఇరు కుటుంబాలు, అతి కొద్ది మంది అతిథుల సమక్షంలో నిశ్చితార్థం చేసుకున్నారని సన్నిహిత వర్గాల సమాచారం. అయితే, ఇప్పటివరకూ దీనిపై అటు విజయ్ కానీ, ఇటు రష్మిక కానీ అఫీషియల్‌గా ఎక్కడా కన్ఫర్మ్ చేయలేదు.</p>
<p>తాజాగా... సీనియర్ హీరో జగపతిబాబు హోస్ట్‌గా వ్యవహరిస్తోన్న 'జయమ్ము నిశ్చయమ్మురా' ప్రోగ్రాంలో రష్మిక తన కెరీర్, పర్సనల్ విషయాలను షేర్ చేసుకున్నారు. స్టేజ్‌పై ఎంటర్ కాగానే రష్మిక... ఫేవరెట్ స్టైల్ లవ్ సింబల్‌తో ఆడియన్స్‌ను విష్ చేశారు. 'ఒక రకంగా నీకు ఇంకో నిక్ నేమ్ పెట్టాను. గాలి పిల్ల అని' జగపతి బాబు అనగా... అయ్యయ్యో అంటూ క్యూట్ ఎక్స్‌ప్రెషన్ ఇచ్చారు రష్మిక.</p>
<p><iframe title="Next Guest - Rashmika Mandanna | Jayammu Nischayammu Raa With Jagapathi | Sun @ 8:30PM | Zee Telugu" src="https://www.youtube.com/embed/1AUbLq2Jt6k" width="704" height="396" frameborder="0" allowfullscreen="allowfullscreen"></iframe></p>
<p><strong>విజయ్ దేవరకొండ ఫ్రెండ్షిప్</strong></p>
<p>'విజయ్ దేవరకొండ ఫ్రెండ్షిప్... విజయ్ సేతుపతి ఫ్యాన్... దళపతి విజయ్ ఆల్ టైం ఫ్యాన్. అంటే విజయం విజయ్ సొంతం చేసేసుకున్నావా మొత్తం' అని జగపతి బాబు అడగ్గా... రష్మిక నవ్వేశారు. ఈ సందర్భంగా ఆమె చిన్నప్పటి ఫోటోను డిస్‌ప్లే చేయగా... అది తన పదేేళ్ల నాటిదంటూ స్వీట్ మెమొరీస్ గుర్తు చేసుకున్నారు.</p>
<p><strong>ఆ రింగ్ వెరీ స్పెషల్</strong></p>
<p>'చేతికి ఆ రింగ్స్ ఏమైనా సెంటిమెంటా? ఏంటి' అనే ప్రశ్నకు... 'అంటే చాలా ఇంపార్టెంట్ రింగ్స్' అని రష్మిక చెప్పారు. 'వాటిల్లో ఓ రింగ్ ఫేవరెట్ అయ్యింటుంది. దాని వెనుక ఓ హిస్టరీ ఉంది.' అంటూ జగపతి బాబు అనగా... రష్మిక సిగ్గు పడిపోయారు. దీంతో ఆడియన్స్ ఒక్కసారిగా జోష్‌తో కేకలు వేశారు. 'వాళ్లేదో గోల చేస్తున్నారు. వాళ్ల బాధ ఏంటో కనుక్కోండి.' అని జగపతి బాబు అనగా... 'ఐయామ్ ఎంజాయింగ్ ఇట్' అంటూ సరదాగా కామెంట్ చేశారు. ప్రస్తుతం ఈ వీడియో వైరల్ అవుతోంది.</p>
<p>రీసెంట్‌గా 'ది గర్ల్ ఫ్రెండ్' మూవీ ప్రమోషన్లలోనూ విజయ్ దేవరకొండతో ఎంగేజ్మెంట్ గురించి ఓ అభిమాని అడగ్గా... 'మీరు ఏం అనుకుంటున్నారో అదే నిజం. ఎప్పుడు రివీల్ చేయాలో అప్పుడే చేస్తాను.' అంటూ ఆన్సర్ దాటేశారు. అయితే, ఎంగేజ్మెంట్ రూమర్స్ వచ్చిన తర్వాత విజయ్, రష్మిక ఇద్దరి చేతికి రింగ్స్‌తో ఉన్న ఫోటోలు, వీడియోలు వైరల్ అయ్యాయి. అది ఎంగేజ్మెంట్ రింగ్సేనని... సోషల్ మీడియాలో ఫ్యాన్స్ కామెంట్స్ చేశారు. ఇద్దరూ త్వరలోనే తమ ఎంగేజ్మెంట్‌పై అఫీషియల్ అనౌన్స్ చేయనున్నట్లు తెలుస్తోంది. </p>
<p><strong>Also Read : <a title="ప్రభాస్ 'ది రాజా సాబ్' రిలీజ్‌పై కన్ఫ్యూజన్ - టీం కన్ఫర్మ్ చెయ్యాల్సిందే... ఫస్ట్ సింగిల్ ఎప్పుడంటే?" href="https://telugu.abplive.com/entertainment/cinema/the-raja-saab-release-postponed-rumours-gone-viral-prbhas-fans-seeks-clarity-from-team-first-single-to-release-soon-225864" target="_self">ప్రభాస్ 'ది రాజా సాబ్' రిలీజ్‌పై కన్ఫ్యూజన్ - టీం కన్ఫర్మ్ చెయ్యాల్సిందే... ఫస్ట్ సింగిల్ ఎప్పుడంటే?</a></strong></p>
<p>రష్మిక ప్రస్తుతం వరుస మూవీస్‌తో బిజీగా ఉన్నారు. ఆమె ప్రధాన పాత్రలో నటించిన 'ది గర్ల్ ఫ్రెండ్' మూవీ ఈ నెల 7న ప్రేక్షకుల ముందుకు రానుంది. దీంతో పాటే 'మైసా' మూవీ చేస్తుండగా ఇదివరకూ ఎన్నడూ చూడని ఓ డిఫరెంట్ లుక్‌లో ఆమె కనిపించనున్నారు. ఇక విజయ్ దేవరకొండతోనూ ఓ మూవీ చేయనున్నట్లు తెలుస్తోంది.</p>
<p> </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/best-movies-of-rashmika-mandanna-in-telugu-189069" width="631" height="381" scrolling="no"></iframe></p>
1 month ago
2 
