<p><strong>Ramcharan Surgery:</strong> పెద్ది ( PEDDI) సినిమా షూటింగ్ సమయంలో రామ్‌చరణ్‌కు కొన్ని సార్లు గాయాలయ్యాయి. చేతి మణికట్టుకు పెద్ద గాయమే అవ్వడంతో ఆ సినిమా ప్రమోషన్లలో కూడా చరణ్ బ్యాండ్‌తో కనిపించారు. ఇప్పుడు ఆ గాయానికి సర్జరీ కోసం రామ్‌చరణ్‌ కోయంబత్తూరులోని గంగ హాస్పిటల్‌కు వెళ్లారు. ఆయన కుటుంబం మొత్తం కోయంబత్తూరు వెళ్లిన వీడియో మీడియాకు వచ్చింది. అయితే రామ్‌ చరణ్ ఇండియాలోనే అతిపెద్ద హాస్పిటల్ నెట్‌వర్క్ అపోల్‌ గ్రూపు కుటుంబ సభ్యుడు. ఆయన భార్య ఉపాసన అపోలో డైరక్టర్. ప్రపంచ స్థాయి వైద్య సదుపాయాలు అక్కడ ఉన్నాయి. అయినా రామ్‌చరణ్ గంగ ఆసుపత్రికి ఎందుకు వెళ్లారన్న క్యూరియాసిటీ వ్యక్తమవుతోంది. </p>
<p><strong>అపోలో అల్లుడు.. అయినా గంగా హాస్పిటల్ ఎందుకు..?</strong></p>
<p> "అపోలో ఉండగా.. గంగాకు ఎందుకు?" రామ్‌చరణ్ కోయంబత్తూరులోని గంగా హాస్పిటల్‌కు వెళ్లాడనే వార్త బయటకు రాగానే అందరికీ వచ్చిన డౌట్ ఇది. పైగా గంగ ఆసుపత్రి అపోలో కన్నా పెద్దది కాదు. పోనీ ఇంగ్లిష్ వైద్యం కాకుండా నేచురోపతి. ఆయుర్వేద లాంటివి చూస్తున్నారా అంటే అది కూడా అల్లోపతిక్ సూపర్ స్పెషాలిటీ ఆసుపత్రినే.. అంతే కాదు. పెద్ది సమయంలో ఆయన నుదుటికి గాయం అయినప్పుడు అపోలోలోనే ట్రీట్‌మెంట్ జరిగింది. సొంత ఊరిలో అంత పెద్ద ఆసుపత్రికి ఉండగా.. మరి ఎందుకు వందల కిలోమీటర్లు ప్రయాణించి కోయంబత్తూరుకు వెళ్లారు అనే ఎంక్వైరీ మొదలైంది. </p>
<p><strong>గంగా హాస్పిటల్‌లో అంత స్పెషల్ ఏముంది? Coimbattor Ganga Hospital</strong></p>
<p>'పెద్ది' షూటింగ్‌లో రామ్‌చరణ్ మణికట్టుకు తీవ్ర గాయం అయింది. మొదట విశ్రాంతితో సరిపోతుందని భావించినా... చివరకు సర్జరీ తప్పదని వైద్యులు సూచించారు. ఆ తర్వాతే ఆయన కోయంబత్తూరును ఎంచుకున్నారు. ముంబై, చెన్నై లాంటి పెద్ద నగరాలు కాకుండా కోయంబత్తూరు వెళ్లడానికి ఓ స్పెషాలిటీ ఉంది. రామ్‌చరణ్ వెళ్తున్న గంగా.. హాస్పిటల్ ఆర్డోపెడిక్‌లో ఇండియాలోనే ఓ పయనీర్. భారత్‌లో ఆర్థోపెడిక్స్ అంటే చాలా మంది గుర్తు చేసుకునే పేర్లలో గంగా హాస్పిటల్ ఒకటి. Hand & Wrist Surgery లో ఇది దేశంలోనే పేరున్న హాస్పిటల్. వేలాది క్లిష్టమైన చేతి, మణికట్టు శస్త్రచికిత్సలు... మైక్రో సర్జరీలు... స్పోర్ట్స్ ఇంజరీ కేసులు... ప్రపంచం నలుమూలల నుంచి వచ్చే పేషెంట్లు... ఇవన్నీ గంగా హాస్పిటల్‌కు ప్రత్యేక గుర్తింపును తీసుకొచ్చాయి. ఈ హాస్పిటల్ వైద్యులు ఈ సర్జరీలు చేయడంలో స్పెషలిస్ట్‌లు. </p>
<p><strong>రామ్‌చరణ్ ఎంచుకున్నది హాస్పిటల్ కాదు... ఒక సర్జన్‌ను..</strong></p>
<p>సో.. ఇప్పుడు అర్థమైంది కదా.. రామ్‌చరణ్‌ ఎంచుకుంది.. హాస్పిటల్‌ను కాదు... డాక్టర్‌ను..! సినీవర్గాల ద్వారా అందిన సమాచారం ప్రకారం రామ్‌చరణ్‌కు సర్జరీ చేయబోయే స్పెషలిస్ట్‌.. డా. ప్రవీణ్‌ భరద్వాజ్. ఆయన హ్యాండ్ సర్జరీలో నిపుణుడు. ఆయనకు Wrist Arthroscopy, Cartilage Repair, Ligament Reconstruction వంటి క్లిష్టమైన సర్జరీల్లో ప్రత్యేక నైపుణ్యం ఉంది. ఈయనతో పాటు ఎన్‌.రాజశేఖరన్.. ఈ సర్జరీలో పాల్గొంటారు. కొన్ని దశాబ్దాలుగా Ganaga Hospitals హ్యాండ్ సర్జరీ, ట్రామా కేర్, స్పోర్ట్స్ ఇంజరీలలో తన అథారిటీని పెంచుకుంది. చాలా మంది సెలబ్రిటీలు తమ ఆర్థో సమస్యల కోసం ఈ ఆసుపత్రిని విజిట్ చేస్తుంటారు. ఇప్పుడు రామ్‌చరణ్ చేసింది కూడా అదే. అపోలోలో కూడా ప్రపంచస్థాయి ఆర్థోపెడిక్ నిపుణులు ఉన్నారు. అయినప్పటికీ.. ఒక ప్రత్యేక గాయం విషయంలో అత్యధిక అనుభవం ఉన్న సర్జన్ వద్ద చికిత్స చేయించుకోవడం వైద్యరంగంలో సాధారణ విషయమే. </p>
3 months ago
7 
