<p>బాలీవుడ్ కమెడియన్ రాజ్‌పాల్ యాదవ్‌ (Rajpal Yadav)కు చెక్ బౌన్స్ కేసు నుంచి ఊరట లభించలేదు. ఈ కేసులో ఢిల్లీ హైకోర్టు ఆయనకు మూడు నెలల సాధారణ జైలు శిక్ష విధిస్తూ తీర్పు ఇచ్చింది. ఇంతకు ముందు ట్రయల్ కోర్టు ఇచ్చిన తీర్పు (విధించిన శిక్ష)ను సవాలు చేస్తూ... రాజ్‌పాల్ యాదవ్ ఓ పిటీషన్ దాఖలు చేశారు. దానిని జస్టిస్ స్వర్ణ కాంత శర్మ కొట్టివేశారు.</p>
<p><strong>ఏడు చెక్ బౌన్స్ కేసులు... అదొక్కటే ఊరట!</strong><br />హాస్యనటుడిగా రాజ్‌పాల్ యాదవ్ ఎంతో మంది ప్రేక్షకుల అభిమానాన్ని సొంతం చేసుకున్నారు. అయితే... ఆయన 16 ఏళ్ళ క్రితం 'అతా పతా లాపతా' చిత్రానికి దర్శకత్వం వహించారు. ఆ సినిమా కోసం ఢిల్లీలోని మురళీ ప్రాజెక్ట్స్ నుంచి ఐదు కోట్ల రూపాయలను అప్పుగా తీసుకున్నారు. ఆ సినిమా 2012లో విడుదలైంది. ఆ మూవీ ఫ్లాప్ కావడంతో అప్పును చెల్లించలేదు. అప్పు తీసుకోవడానికి ముందు ష్యూరిటీగా రాజ్‌పాల్ యాదవ్ చెక్కులు ఇచ్చారు. అవి బౌన్స్ అవ్వడంతో కోర్టుకు వెళ్ళింది మురళీ ప్రాజెక్ట్స్.</p>
<p>ఏడు చెక్ బౌన్స్ కేసుల్లో రాజ్‌పాల్ యాదవ్ దోషిగా తేలారు. ఒక్కో కేసులో మూడు నెలల చొప్పున జైలు శిక్ష పడింది. అయితే... ఆ శిక్షలు అన్నీ ఏకకాలంలో అమలు అవుతాయని కోర్టు స్పష్టం చేసింది. అంటే... 7*3=21 నెలలు కాకుండా మూడు నెలల శిక్ష పడటం ఒక్కటే ఆయనకు ఊరట.</p>
<p>Also Read<strong>: <a title="Akhil Akkineni Lenin Review - 'లెనిన్' సినిమా రివ్యూ: అఖిల్ అక్కినేని సినిమా ఎలా ఉందంటే? హిట్టు కొట్టారా?" href="https://telugu.abplive.com/movie-review/entertainment/cinema-lenin-movie-review-rating-in-telugu-253047" target="_self">Akhil Akkineni Lenin Review - 'లెనిన్' సినిమా రివ్యూ: అఖిల్ అక్కినేని సినిమా ఎలా ఉందంటే? హిట్టు కొట్టారా?</a></strong></p>
<p>జైలు శిక్షతో పాటు ప్రతి చెక్ బౌన్స్ కేసులో రూ. 1.05 కోట్లు చెల్లించాలని రాజ్‌పాల్ యాదవ్‌ను కోర్టు ఆదేశించింది. ఆయన భార్య రాధ కూడా ప్రతి కేసులో జరిమానా (సుమారు ఐదు లక్షల రూపాయలకు పైగా) చెల్లించాలని కోర్టు తీర్పును ఇచ్చింది. ఈ కేసుల విషయమై... ఆల్రెడీ రూ. 2.25 కోట్లను రాజ్‌పాల్ జమ చేశారు. వాటిని చెక్ బౌన్స్ వల్ల నష్టపోయినవాళ్ళకు త్వరలో సర్దుబాటు చేస్తామని కోర్టు తెలిపింది. రాజ్‌పాల్ తీసుకున్న అప్పులు మొత్తం కలిపితే... 2018 నాటికి వడ్డీతో కలిపి తొమ్మిది కోట్లకు చేరినట్లు సమాచారం.</p>
<p>Also Read<strong>: <a title="Miheeka Daggubati Photos - రానా దగ్గుబాటి వైఫ్ మిహీకా లేటెస్ట్ ఫోటోలు" href="https://telugu.abplive.com/photo-gallery/entertainment/cinema-rana-daggubati-wife-miheeka-bajaj-in-denim-shorts-253087" target="_self">Miheeka Daggubati Photos - రానా దగ్గుబాటి వైఫ్ మిహీకా లేటెస్ట్ ఫోటోలు</a></strong></p>
<p>చెక్ బౌన్స్ కేసులో అవుటాఫ్ ది కోర్టు సెటిల్‌మెంట్ చేసుకునేందుకు రాజ్‌పాల్ యాదవ్‌కు న్యాయస్థానం పలు అవకాశాలు ఇచ్చింది. అయితే... ఆయన సెటిల్ చేసుకోవడంలో ఫెయిల్ అయ్యారని న్యాయమూర్తి అసంతృప్తి వ్యక్తం చేశారు. కొన్ని రోజుల క్రితం రాజ్‌పాల్ యాదవ్ ఈ కేసుల విషయంలో లొంగిపోయారు. తీహార్ జైలులో కొన్ని రోజులు శిక్ష అనుభవించారు. ఆ తర్వాత మధ్యంతర బెయిల్‌పై విడుదల అయ్యారు. తాజాగా హైకోర్టులో ఆయనకు శిక్ష పడింది. ఈ తీర్పును సుప్రీమ్ కోర్టులో సవాలు చేయడానికి రాజ్‌పాల్ యాదవ్‌కు రెండు నెలల సమయం ఇచ్చారు.</p>
<p>Also Read<strong>: <a title="Malayalam Movie Balti OTT Streaming - తొమ్మిది నెలల తర్వాత ఓటీటీలోకి మలయాళ సినిమా... 'బాల్టి' ఎందులో స్ట్రీమింగ్ అవుతోందంటే?" href="https://telugu.abplive.com/entertainment/ott-webseries/balti-ott-release-where-to-watch-malayalam-action-drama-online-streaming-on-sony-liv-253096" target="_self">Malayalam Movie Balti OTT Streaming - తొమ్మిది నెలల తర్వాత ఓటీటీలోకి మలయాళ సినిమా... 'బాల్టి' ఎందులో స్ట్రీమింగ్ అవుతోందంటే?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/akhil-to-lenin-akhil-akkineni-last-six-films-pre-release-business-252979" width="631" height="381" scrolling="no"></iframe></p>
3 months ago
10 
