<p>Rajkumari Dayana: గోదావరి స్లాంగ్, మాటకారితనం, మంచి ఎనర్జీతో సోషల్ మీడియాలో మంచి గుర్తింపు తెచ్చుకుంది రాజకుమారి దయానా. బిగ్‌బాస్ 10 తెలుగు అగ్నిపరీక్ష టాప్ 15 కంటెస్టెంట్స్ లిస్ట్ స్థానం సంపాదించింది. ఆమె రియల్ లైఫ్ గురించి తెలుసుకుందాం. </p>
<h3>రియల్ లైఫ్ </h3>
<p>రాజకుమారి దయానా సామాన్యమైన నేపథ్యం నుండి వచ్చి, తన కృషి, ఆత్మవిశ్వాసంతో ఎంటర్టైన్మెంట్ రంగంలో అడుగుపెట్టింది. ఎలాంటి భయం లేకుండా మాట్లాడటం, తన అభిప్రాయాలను ఉన్నది ఉన్నట్లు మొహమాటం లేకుండా వ్యక్తం చేయడం ఈమె శైలి. రియల్ లైఫ్‌లో ఎన్ని సవాళ్లు ఎదురైనా ధైర్యంగా నిలబడే వ్యక్తిత్వం ఈమెది. </p>
<h3>సోషల్ మీడియా </h3>
<p>సోషల్ మీడియాలో తనదైన రీల్స్, షార్ట్స్, డ్యాన్స్ వీడియోలతో నిరంతరం ఫ్యాన్స్‌కి టచ్‌లో ఉంటుంది రాజకుమారి. సోషల్ మీడియాలో వచ్చే నెగెటివిటీ, ట్రోల్స్‌ని ఏమాత్రం పట్టించుకోకుండా, ఎప్పటికప్పుడు పాజిటివ్‌గా సమాధానాలిస్తూ తన ఫాలోవర్స్ సంఖ్యను పెంచుకుంది.<br /><br />Also Read: <a title=" ఈసారి ఆటే సవాల్ - దశావతారం గేమ్ స్ట్రాటజీస్... బిగ్ బాస్ సీజన్ 10 ప్రోమో వచ్చేసింది" href="https://telugu.abplive.com/entertainment/bigg-boss/bigg-boss-telugu-season-10-promo-out-now-nagarjuna-new-game-strategy-watch-video-256446" target="_self"> ఈసారి ఆటే సవాల్ - దశావతారం గేమ్ స్ట్రాటజీస్... బిగ్ బాస్ సీజన్ 10 ప్రోమో వచ్చేసింది</a></p>
<h3>బిగ్ బాస్ 10 తెలుగు 'అగ్ని పరీక్ష' </h3>
<p>రియాలిటీ షో 'బిగ్ బాస్ 10 తెలుగు అగ్ని పరీక్ష' (BB10 Agni Pariksha) వేదికపై అడుగుపెట్టి అందరి దృష్టిని ఆకర్షించింది రాజకుమారి. ఆడిషన్ సందర్భంగా న్యాయనిర్ణేతలు అభినీత్, నవదీప్, బిందు మాధవి అడిగిన ప్రశ్నలకు బోల్డ్‌గా, సమాధానం ఇస్తూ తన మార్క్ చూపించింది. తన జీవితంలో ఎదుర్కొన్న ఒడిదుడుకులను, భావోద్వేగమైన కథను జడ్జెస్‌తో పంచుకుని ఎమోషనల్ అయింది. అగ్నిపరీక్ష ఎపిసోడ్ ప్రసారమయ్యాక సోషల్ మీడియా వేదికగా ఈమె పెర్ఫార్మెన్స్, మాట్లాడే విధానంపై పెద్ద ఎత్తున చర్చ నడిచింది.</p>
<p>ఏపీలోని రాజా నగరానికి చెందిన రాజకుమారి... పెళ్లి విషయంలో పడ్డ బాధని బిగ్ బాస్ అగ్నిపరీక్ష స్టేజ్ పంచుకుంది. తనకు ముగ్గురు పిల్లలని, నల్లగా ఉన్నా అనే కారణంగా మూడు నెలల తర్వాత భర్త తన బాబాయ్‌ కూతురుని సీక్రెట్‌గా పెళ్లి చేసుకున్నాడని చెప్పింది. తనని ఏ కారణం చెప్పి రిజెక్ట్ చేశారో, దాన్నే మరింత బలంగా మార్చుకోవాలనుకున్నానని చెప్పింది. నిజంగా పెళ్లాన్ని, పిల్లల్ని పెంచే స్తోమత లేని వాళ్లు పెళ్లి చేసుకోకూడదని బిగ్ బాస్ అగ్నిపరీక్ష స్టేజ్ ఆమె మాట్లాడింది. <br /><br />Also Read: <a title="మోడలింగ్ నుంచి బిగ్ బాస్ 10 తెలుగు అగ్నిపరీక్ష వరకు.. శివ సృష్టి వ్యాకరణం గురించి ఆసక్తికర విషయాలు" href="https://telugu.abplive.com/entertainment/bigg-boss/srishti-vyakaranam-biography-age-career-photos-bigg-boss-10-telugu-agnipariksha-details-256564" target="_self">మోడలింగ్ నుంచి బిగ్ బాస్ 10 తెలుగు అగ్నిపరీక్ష వరకు.. శివ సృష్టి వ్యాకరణం గురించి ఆసక్తికర విషయాలు</a></p>
<h3>ఆసక్తికర అంశాలు</h3>
<p>ఎటువంటి వివాదాస్పద సన్నివేశాలైనా, ఎమోషనల్ మూమెంట్స్ అయినా ఫేస్ చేయగల "బిగ్ బాస్ హౌస్‌కి పర్ఫెక్ట్ కంటెస్టెంట్"గా రాజకుమారి నెటిజన్ల నుండి ప్రశంసలు పొందింది. ఎన్ని అడ్డంకులు వచ్చినా మీడియా రంగాన్ని వదలకుండా నిలబడాలనే ఈమె పట్టుదల చాలామందికి స్ఫూర్తినిస్తుంది.<br /><br />Also Read: <a title="ఎవడెవడో ఏదేదో అంటాడు... ఉప్పల్ బాలు కాంట్రవర్సీపై నవదీప్ రియాక్షన్" href="https://telugu.abplive.com/entertainment/bigg-boss/navdeep-reacts-to-uppal-balu-bigg-boss-agnipariksha-controversy-if-you-cant-handle-negativity-dont-come-256599" target="_self">ఎవడెవడో ఏదేదో అంటాడు... ఉప్పల్ బాలు కాంట్రవర్సీపై నవదీప్ రియాక్షన్</a></p>
2 months ago
3 
