<p>Lokesh Kanagaraj Out Of Rajini - Kamal Movie?: సూపర్ స్టార్ రజనీకాంత్... లోక నాయకుడు కమల్ హాసన్...‌‌ తమిళ్ ఇండస్ట్రీలో లెజెండరీ హీరోలు.‌ సూపర్ స్టార్‌డమ్ దాటేసిన కథానాయకులు. కెరీర్ స్టార్ట్ చేసిన కొత్తల్లో వాళ్ళిద్దరూ కలిసి సినిమాలు చేశారు. అయితే గత 45 సంవత్సరాలుగా వాళ్ల కాంబినేషన్ కుదరలేదు. ఇన్నాళ్లకు మళ్ళీ కలిసి సినిమా చేయబోతున్నారు. ఆ సంగతి ప్రేక్షకులు అందరికీ తెలిసిందే. అయితే దర్శకుడి విషయంలో సస్పెన్స్ పెంచారు రజనీకాంత్.</p>
<p><strong>'కూలీ' ఫ్లాప్‌తో లోకేష్‌ను పక్కన పెట్టారా?</strong><br />'విక్రమ్'తో కమల్ హాసన్ కెరీర్ హైయ్యస్ట్ కలెక్షన్స్ రికార్డ్ నమోదు చేశారు యువ దర్శకుడు లోకేష్ కనకరాజ్. దాంతో ఒక్కసారి ఆయన రేంజ్ పెరిగింది. ఆ సినిమాకు ముందు ఆయన తీసిన కార్తీ 'ఖైదీ' గానీ, దళపతి విజయ్ 'మాస్టర్' గానీ... ఆ సినిమా తర్వాత తీసిన 'లియో' గానీ వసూళ్లతో పాటు విమర్శకుల ప్రశంసలు అందుకున్నాయి.‌‌ దాంతో యువ దర్శకుడికి రజనీకాంత్ అవకాశం ఇచ్చారు. దాన్ని లోకేష్ కనకరాజ్ నిలబెట్టుకోలేదు‌. </p>
<p>రజనీకాంత్ హీరోగా లోకేష్ కనగరాజ్ దర్శకత్వం వహించిన 'కూలీ' సినిమా 500 కోట్ల క్లబ్బులో చేరింది. కానీ పాన్ ఇండియా ప్రేక్షకులను, సూపర్ స్టార్ అభిమానులను మెప్పించడంలో విఫలం అయింది. బిజినెస్ పరంగా భారీ నంబర్స్ నమోదు చేసింది. అయితే డిస్ట్రిబ్యూటర్లకు లాభాలు అందించడంలో ఫెయిల్ అయింది. అందువల్ల రజనీకాంత్ అతడిని పక్కన పెట్టారా? అనే సందేహాలు నెలకొన్నాయి. అందుకు కారణం ఏమిటంటే?<br /> <br /><strong>కమల్‌తో సినిమా కన్ఫర్మ్ చేసిన రజనీ...</strong><br /><strong>కానీ దర్శకుడు ఫైనల్ కాలేదంటూ ట్విస్ట్!</strong><br />కమల్ హాసన్ ప్రొడక్షన్ హౌస్ రాజ్ కమల్ ఫిలిమ్స్ ఇంటర్నేషనల్, అలాగే స్టాలిన్ కుటుంబానికి చెందిన రెడ్ జెయింట్ మూవీస్ సంస్థలకు ఒక సినిమా చేస్తున్నట్లు రజనీకాంత్ కన్ఫర్మ్ చేశారు. తన మిత్రుడితో (కమల్ హాసన్)తో కలిసి నటించడం సంతోషంగా ఉందని చెప్పారు. అయితే ఆ సినిమాకు కథ, దర్శకుడు ఫైనలైజ్ కావాల్సి ఉందని ట్విస్ట్ ఇచ్చారు. దాంతో లోకేష్ కనగరాజ్ ఆ సినిమా చేయడం లేదా? అనే సందేహాలు మొదలయ్యాయి.</p>
<p>Also Read<strong>: <a title="నరేంద్ర మోదీగా Marco స్టార్ ఉన్ని ముకుందన్... మోదీ బయోపిక్ 'మా వందే'కు టాప్ టెక్నీషియన్స్‌, దర్శకుడు ఎవరో తెలుసా?" href="https://telugu.abplive.com/entertainment/cinema/unni-mukundan-to-play-narendra-modi-in-pan-india-biopic-maa-vande-movie-cast-crew-announced-on-pm-birthday-220500" target="_self">నరేంద్ర మోదీగా Marco స్టార్ ఉన్ని ముకుందన్... మోదీ బయోపిక్ 'మా వందే'కు టాప్ టెక్నీషియన్స్‌, దర్శకుడు ఎవరో తెలుసా?</a></strong></p>
<p>'కూలీ' తర్వాత కార్తీ హీరోగా 'ఖైదీ 2' చేయాల్సి ఉంది లోకేష్ కనకరాజ్. అయితే రజనీకాంత్, కమల్ హాసన్ కాంబినేషన్ కుదరడంతో ఆ సినిమాను పక్కన పెట్టి వాళ్ళిద్దరి మల్టీస్టారర్ తెరకెక్కించడానికి స్క్రిప్ట్ వర్క్ స్టార్ట్ చేశారని చెన్నై వర్గాల్లో ప్రచారం మొదలు అయింది. ఇప్పుడు దర్శకుడు ఫైనలైజ్ కాలేదని స్వయంగా రజనీకాంత్ చెప్పడంతో లొకేష్‌ను పక్కన పెట్టినట్లు అయ్యిందని గుసగుసలు మొదలు అయ్యాయి. అధికారికంగా కొన్నాళ్ల తర్వాత లోకేష్ కనగరాజ్ పేరు అనౌన్స్ చేస్తారా? లేదంటే మరొకరికి దర్శకత్వ బాధ్యతలు అప్పగిస్తారా? అనేది చూడాలి.</p>
<p>Also Read<strong>: <a title="బ్యాండ్ మేళం... 'కోర్ట్' జంట హర్ష్ రోషన్, శ్రీదేవి కొత్త సినిమా - టైటిల్ గ్లింప్స్ వచ్చేసింది, చూశారా?" href="https://telugu.abplive.com/entertainment/cinema/band-melam-title-glimpse-after-court-success-harsh-roshan-sridevi-apalla-pair-reunite-for-musical-love-story-220518" target="_self">బ్యాండ్ మేళం... 'కోర్ట్' జంట హర్ష్ రోషన్, శ్రీదేవి కొత్త సినిమా - టైటిల్ గ్లింప్స్ వచ్చేసింది, చూశారా?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/coolie-movie-ww-pre-release-business-rajinikanth-nagarjuna-break-even-target-216843" width="631" height="381" scrolling="no"></iframe></p>
2 months ago
3 
