<p>హీరో ఫస్ట్ లుక్ రిలీజ్ - టైటిల్ రివీల్ కోసం ఇంత భారీ స్థాయిలో ఈవెంట్ చేస్తారా? అని ఆశ్చర్యపోయేలా చేశారు దర్శక ధీరుడు ఎస్ఎస్ రాజమౌళి (SS Rajamouli). నెవ్వర్ బిఫోర్, ఎవ్వర్ ఆఫ్టర్ అనేలా 'వారణాసి' టైటిల్ లాంచ్ చేశారు. రుద్రగా 'వారణాసి'లో సూపర్ స్టార్ మహేష్ బాబు ఫస్ట్ లుక్ మాత్రమే కాదు... ఆ వీడియో సైతం అందరికీ నచ్చింది. దాని గురించి ఎంత డిస్కషన్ జరిగిందో... అంతకు మించి ఆ ఈవెంట్‌లో హనుమంతుని గురించి రాజమౌళి చేసిన వ్యాఖ్యలపై వ్యతిరేకత వచ్చింది. ఆ వివాదంలో రాజమౌళిగా అండగా నటుడు హైపర్ ఆది మాట్లాడారు. </p>
<p><strong>హనుమంతుడిని రాజమౌళి అవమానించలేదు!</strong><br />గ్లోబ్ ట్రాటర్ ఈవెంట్ / 'వారణాసి' టైటిల్ రివీల్ ఫంక్షన్ తర్వాత రాజమౌళి మీద సోషల్ మీడియాలో పెద్ద ఎత్తున విమర్శలు వచ్చాయి. సామాన్యులతో పాటు కొంత మంది రాజకీయ నాయకులు, హిందుత్వ వాదులు సైతం విరుచుకుపడ్డారు. తన సినిమాల కోసం భగవంతుడిని వాడుకుంటూ ఆయన మీద విమర్శలు చేయడం తగదని ట్రోల్ చేశారు. ఈ ఇష్యూలో రాజమౌళిని సపోర్ట్ చేశారు 'హైపర్' ఆది.</p>
<p>Also Read<strong>: <a title="నయనతారకు భర్త సర్‌ప్రైజ్... బర్త్ డే గిఫ్ట్ అదిరింది విఘ్నేషూ - ఆ కారు రేటెంతో తెలుసా!?" href="https://telugu.abplive.com/entertainment/cinema/vignesh-shivan-surprises-nayanthara-with-10-crore-rolls-royce-black-badge-spectre-on-her-birthday-227716" target="_self">నయనతారకు భర్త సర్‌ప్రైజ్... బర్త్ డే గిఫ్ట్ అదిరింది విఘ్నేషూ - ఆ కారు రేటెంతో తెలుసా!?</a></strong></p>
<p>''ఆ రోజు (గ్లోబ్ ట్రాటర్ ఈవెంట్ జరిగిన రోజు) ఆయన హనుమంతుడి మీద అలిగారు తప్ప అవమానించలేదు. ఈ ఒక్కటీ అందరూ గుర్తించాలి'' అని 'ప్రేమంటే' సినిమా వేడుకలో 'హైపర్' ఆది మాట్లాడారు. అంతే కాదు... హీరోలు అందరిపై జరుగుతున్న ట్రోల్స్ పట్ల ఆయన స్పందించారు.</p>
<p><strong>ఎన్టీఆర్ సన్నబడితే... బాలకృష్ణ మాట్లాడితే... ట్రోల్స్!</strong><br />సోషల్ మీడియాలో సెలబ్రిటీలను ట్రోల్ చేయడం ఫ్యాషన్ అయ్యిందని 'హైపర్' ఆది చెప్పారు. ''ఎన్టీఆర్ గారు సన్నబడితే ట్రోలింగ్. బాలకృష్ణ గారు మాట్లాడితే ట్రోలింగ్. అల్లు అర్జున్ గారు నవ్వితే ట్రోలింగ్. సాయి దుర్గా తేజ్ గారికి యాక్సిడెంట్ అయ్యి ఆయన మాట్లాడటానికి కాస్త ఇబ్బంది పడితే ట్రోలింగ్. బయట దేశాలకు వెళ్లి 'బాహుబలి' అంటే మీరు ఇండియనా అని గుర్తు పట్టేలా చేసిన ప్రభాస్ గారి లుక్స్ మీద ట్రోలింగ్. రామ్ చరణ్ గారి 'చికిరి చికిరి' సాంగ్ మీద పక్క దేశాల్లో రీల్స్ చేస్తున్నారు. ఆ పాటపై ఇక్కడ ట్రోలింగ్. విజయ్ దేవరకొండ గారిపై మన ఇండస్ట్రీ వ్యక్తులే ట్రోల్ చేస్తున్నారు. బాహుబలి, పుష్ప ఎలాగో ఒక వర్గానికి అర్జున్ రెడ్డి అటువంటి ఇన్స్పిరేషన్. ఆయనకు బౌన్స్ బ్యాక్ అయ్యే ఛాన్స్ లేకుండా ట్రోల్ చేస్తున్నారు. మెగాస్టార్ చిరంజీవి గారిపై డీప్ ఫేక్ వీడియో చేశారు. ఇవి మానుకోవాలి'' అని 'హైపర్' ఆది చెప్పారు.</p>
<p>Also Read<strong>: <a title="వాట్సాప్ స్కామ్ బాధితులు... మొన్న అదితి... ఇప్పుడు శ్రియ... అసలు ఏం జరిగిందంటే?" href="https://telugu.abplive.com/entertainment/cinema/shriya-saran-alerts-fans-about-whatsapp-scam-fake-profile-after-aditi-rao-hydari-227718" target="_self">వాట్సాప్ స్కామ్ బాధితులు... మొన్న అదితి... ఇప్పుడు శ్రియ... అసలు ఏం జరిగిందంటే?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/priyanka-chopra-telugu-dialogues-surprises-fans-at-varanasi-event-goes-viral-227401" width="631" height="381" scrolling="no"></iframe></p>
2 weeks ago
2 
