<p style="text-align: justify;">న్యూఢిల్లీ: లోక్‌సభలో రాష్ట్రపతి ప్రసంగానికి ధన్యవాద తీర్మానంపై చర్చ వాడివేడిగా సాగుతోంది. ఫిబ్రవరి 2న ప్రతిపక్ష నాయకుడు, <a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a> ఎంపీ రాహుల్ గాంధీ రాష్ట్రపతి ప్రసంగంపై చర్చిస్తూ డోక్లాం గురించి ప్రస్తావించారు. రాహుల్ చేసిన వ్యాఖ్యలపై పార్లమెంటులో గందరగోళం చెలరేగింది. రాహుల్ గాంధీ డోక్లాం గురించి మాట్లాడటం ప్రారంభించగానే, రక్షణ మంత్రి రాజ్‌నాథ్ సింగ్ అభ్యంతరం వ్యక్తం చేస్తూ, రాష్ట్రపతి ముర్ము ప్రసంగంలో ఈ విషయాలు లేవన్నారు. పార్లమెంటులో డోక్లాం, చైనా అంశాలు ప్రస్తావించడంతో రాజ్‌నాథ్ సింగ్ ప్రతిపక్షనేత రాహుల్ గాంధీ ప్రకటనపై తీవ్ర అభ్యంతరం వ్యక్తం చేశారు. </p>
<p style="text-align: justify;"><strong> ఆర్మీ మాజీ చీఫ్ నరవణే పుస్తకంపై వివాదం</strong></p>
<p style="text-align: justify;">రాహుల్ గాంధీ మాజీ ఆర్మీ చీఫ్ నరవణే పుస్తకంలో చైనా, డోక్లాం గురించి రాసిన ప్రకటనను ప్రస్తావించాలని డిమాండ్ చేశారు. అయితే, రాజ్‌నాథ్ సింగ్ లేచి దీనిపై అభ్యంతరం వ్యక్తం చేశారు. రాహుల్ గాంధీ ప్రస్తావిస్తున్న పుస్తకం ముద్రించలేదని అన్నారు. రాహుల్ సూచన కచ్చితంగా తప్పు అవుతుంన్నారు. దీనిపై లోక్‌సభ స్పీకర్ ఓం బిర్లా కలగజేసుకుని, ప్రచురితం కాని పుస్తకం గురించి పార్లమెంటులో మాట్లాడకూడదంటూ రాహుల్‌ ప్రసంగాన్ని అడ్డుకున్నారు.</p>
<p style="text-align: justify;">కేంద్ర హోం మంత్రి <a title="అమిత్ షా" href="https://www.abplive.com/topic/amit-shah" data-type="interlinkingkeywords">అమిత్ షా</a> సైతం ప్రతిపక్షనేత రాహుల్‌ గాంధీ వ్యాఖ్యలపై అభ్యంతరం వ్యక్తం చేశారు. నవరణే పుస్తకం పబ్లిష్ అయిందా లేదో రాహుల్ గాంధీ చెప్పాలన్నారు. మీరు సభను తప్పుదోవ పట్టించడానికి ప్రయత్నించవద్దని, ఇక్కడ అనవసరమైన విషయాలు మాట్లాడవద్దని <a title="రాహుల్ గాంధీ" href="https://telugu.abplive.com/topic/Rahul-Gandhi" data-type="interlinkingkeywords">రాహుల్ గాంధీ</a>కి రాజ్‌నాథ్, అమిత్ షా సూచించారు.</p>
2 months ago
5 
