<p>ఆర్ నారాయణ మూర్తి (R Narayana Murthy) అంటే పీపుల్ స్టార్. ఆయన గురించి తెలుగు ప్రేక్షకులకు ప్రత్యేక పరిచయాలు అవసరం లేదు. ఆయన ఎటువంటి సినిమాలు తీశారో అందరికీ తెలుసు. ఆయనకు, ఆయన సినిమాలకు సపరేట్‌ ఫ్యాన్ ఫాలోయింగ్ ఉంది. స్వీయ దర్శకత్వంలో హీరోగా సినిమాలు చేయడం తప్ప బయట సినిమాలు చేసి చాలా రోజులైంది. కొంత గ్యాప్ తర్వాత వెండితెరపై సందడి చేయడానికి సిద్ధమయ్యారు. శ్రీ హర్ష కొనుగంటి దర్శకత్వంలో తెరకెక్కిన 'హుషారు 2' (Husharu 2 Movie)లో ఆయన ఓ క్యారెక్టర్ చేశారు. అసలు నారాయణ మూర్తిని శ్రీ హర్ష ఎలా ఒప్పించాడు? అనే సందేహం చాలా మందిలో కలిగింది. ఆ ప్రశ్నకు ఆయన ఏం సమాధానం ఇచ్చారో తెలుసా?</p>
<p><strong>నన్ను ఒప్పించలేదు... మంచి వేషం ఇచ్చాడు!</strong><br />'హుషారు 2' టీజర్‌ను అక్టోబర్ 27న రిలీజ్ చేశారు. ఆ కార్యక్రమంలో దర్శకుడు శ్రీ హర్షకు యాంకర్ నుంచి 'ఆర్ నారాయణ మూర్తి గారిని ఆ పాత్రకు మీరు ఎలా ఒప్పించారు?' అనే ప్రశ్న ఎదురైంది. తాను గనుక చెబితే అందరూ ఆయన్ను ఇబ్బంది పెడతారని, అందుకని తాను చెప్పనని శ్రీ హర్ష సమాధానం ఇచ్చారు. అయితే... ఆ ప్రశ్నకు ఆర్. నారాయణ మూర్తి స్పందిస్తూ "నన్ను ఒప్పించడం ఏమీ లేదు. దర్శకుడు శ్రీ హర్ష నాకు ఒక గొప్ప వేషం ఇచ్చాడు" అన్నారు. </p>
<p>Also Read<strong>: <a title="Varanasi Mahesh Babu - మహేష్ బాబు అందుకే లుక్ తీయలేదు... 'వారణాసి'లో అదొక్కటీ బాకీ" href="https://telugu.abplive.com/entertainment/cinema/mahesh-babu-introduction-scene-in-ss-rajamouli-varanasi-yet-to-be-filmed-262477" target="_self">Varanasi Mahesh Babu - మహేష్ బాబు అందుకే లుక్ తీయలేదు... 'వారణాసి'లో అదొక్కటీ బాకీ</a></strong></p>
<p>సినిమా పిచ్చి ఉన్న తన లాంటి నటులకు మంచి వేషం దక్కడమే అదృష్టమని, ఈ సినిమాలో చేసే అవకాశం రాగానే సంతోషంగా చేశానని ఆయన పేర్కొన్నారు. 'హుషారు'లో దర్శకుడు శ్రీ హర్ష ఎంతగా నవ్వించాడో... 'హుషారు 2'లో అంత కంటే ఎక్కువ నవ్విస్తారని, ఈ సినిమాలో వినోదంతో పాటు ఆలోచింపజేసే కథను అందించారని ఆర్ నారాయణ మూర్తి పేర్కొన్నారు.</p>
<p><strong>మహాభారతంలో శ్రీకృష్ణుడిలా... 'హుషారు 2'లో మూర్తి!</strong><br />'హుషారు 2'లో రాహుల్ రామకృష్ణ అండ్ టీమ్ తమ స్వార్థం కోసం కాకుండా సభ్య సమాజానికి మేలు చేసే వ్యాపారాన్ని ప్రారంభించిన తర్వాత ఓ సందర్భంలో అడవి ప్రాంతానికి వచ్చినప్పుడు విలన్లు దాడి చేస్తారని... అప్పుడు మహాభారతంలో పాండవులను శ్రీకృష్ణ పరమాత్ముడు ఎలా కాపాడాడో, ఆ విధంగా వాళ్లకు అండగా నిలిచే శ్రీకృష్ణుడి లాంటి పాత్రను తాను పోషించానని ఆర్ నారాయణ మూర్తి తెలిపారు. "మీరు పీడిత ప్రజలకు మేలు చేసే మంచి పని చేస్తున్నారు. మీకు మా మద్దతు ఉంటుంది" అని యువతకు ధైర్యం చెప్పే పాత్రలో తాను కనిపిస్తానని ఆయన వివరించారు.</p>
<p>Also Read<strong>: <a title="Ramayana - ఆదిపురుష్ పాటలే బెటరా? సొంత పాటలు కాపీ కొట్టిన రెహమాన్?" href="https://telugu.abplive.com/entertainment/cinema/ramayana-songs-ar-rahman-faces-criticism-adipurush-album-better-than-ranbir-kapoor-sai-pallavi-movie-songs-262442" target="_self">Ramayana - ఆదిపురుష్ పాటలే బెటరా? సొంత పాటలు కాపీ కొట్టిన రెహమాన్?</a></strong></p>
<p><iframe title="People's Star R Narayana Murthy Speech at Hushaaru 2 Movie Teaser Launch Event | YouWe Media" src="https://www.youtube.com/embed/Nyxwrvxek3U" width="774" height="435" frameborder="0" allowfullscreen="allowfullscreen"></iframe></p>
<p>దర్శకుడు శ్రీహర్షపై ఆర్ నారాయణ మూర్తి ప్రశంసలు కురిపించారు. తనకు కావాల్సిన నటన వచ్చేవరకు, షాట్ 100 శాతం ఓకే అయ్యేంతవరకు ఎక్కడా రాజీ పడని దర్శకుడని ప్రశంసించారు. సన్నీ అందించిన సంగీతం విందులా ఉందని ఆయన తెలిపారు. దర్శకుడు శ్రీహర్షతో పాటు నిర్మాత రాహుల్ ఎంతో కష్టపడి నిర్మించిన 'హుషారు 2'ను ప్రేక్షకులు తప్పకుండా ఆదరిస్తారని ఆశాభావం వ్యక్తం చేశారు.</p>
<p>Also Read<strong>: <a title="Balakrishna Koratala Siva NBK112 Movie Music Director - అనిరుధ్ రవిచందర్ కాదు... తమన్ లేడు... బాలయ్య - కొరటాల సినిమా సంగీత దర్శకుడిగా తెరపైకి కొత్త పేరు" href="https://telugu.abplive.com/entertainment/cinema/gv-prakash-kumar-in-talks-for-balakrishna-koratala-siva-movie-nbk-112-as-music-director-262429" target="_self">Balakrishna Koratala Siva NBK112 Movie Music Director - అనిరుధ్ రవిచందర్ కాదు... తమన్ లేడు... బాలయ్య - కొరటాల సినిమా సంగీత దర్శకుడిగా తెరపైకి కొత్త పేరు</a></strong></p>
2 days ago
3 
