Qatar Gas Fire Accident: ఖతార్‌ గ్యాస్ ప్లాంట్‌ పేలుడులో 12 మంది భారతీయులు మృతి, మళ్లీ LPG కొరత!

<p>దుబాయ్: ఖతార్&zwnj;లోని ఒక ప్రధాన గ్యాస్ ఎక్స్&zwnj;పోర్ట్ టెర్మినల్&zwnj;లో ఆదివారం (జూన్ 21న) రాత్రి భారీ పేలుడు సంభవించింది. ఈ ప్రమాదంలో 13 మంది ప్రాణాలు కోల్పోగా, మరో 60 మంది వరకు గాయపడ్డారు. ఈ ప్రమాదంలో మరో 18 మంది ఆచూకీ తెలియరాలేదు. అయితే ఈ ప్రమాదంలో చనిపోయిన వారిలో 12 మంది భారతీయులే అని నిర్దారించారు. ఒకరు పాకిస్తాన్ సంతతికి చెందిన వ్యక్తి అని అధికారులు తెలిపారు. ఇరాన్ దాడి తర్వాత రఫ్ లఫాన్ పారిశ్రామిక ప్రాంతంలో మూతపడిన ఈ ప్లాంట్&zwnj;ను తిరిగి పనులు ప్రారంభించేందుకు ప్రయత్నిస్తున్న సమయంలో భారీ పేలుడు సంభవించడంతో తీవ్ర విషాదం నెలకొంది. &nbsp;మరణించిన వారిలో భారత్, పాకిస్తాన్&zwnj;కు చెందిన పౌరులు మాత్రమే ఉన్నారు.</p> <p><strong>12 మంది &nbsp;భారత పౌరులు మృతి&nbsp;</strong><br />ఖతార్&zwnj;లోని గ్యాస్ టెర్మినల్&zwnj;లో జరిగిన ప్రమాదంలో చనిపోయింది ఎవరో మొదట తెలియలేదు. చనిపోయిన 13 మందిలో 12 మంది భారతీయులు కాగా, ఒకరు పాక్ సంతతికి చెందిన వ్యక్తి ఉన్నారని ఒకరోజు తరువాత అధికారులు ప్రకటించారు. భారత్, పాకిస్తాన్&zwnj; దేశాలకు చెందిన చాలా మంది ప్రజలు చాలా భారీ సంఖ్యలో ఖతార్&zwnj;లో పనిచేస్తుంటారు. &nbsp;న్యూస్ ఏజెన్సీ 'అసోసియేటెడ్ ప్రెస్' నివేదిక ప్రకారం.. రాస్ లఫాన్ ఇండస్ట్రియల్ ఏరియాలో ఉన్న బర్జన్ గ్యాస్ సప్లై ఫెసిలిటీలో ఆదివారం రాత్రి పేలుడు సంభవించింది. జరిగింది. ప్రపంచంలోనే అత్యధికంగా నేచురల్ గ్యాస్ ఉత్పత్తి చేసే దేశాల్లో ఖతార్ ఒకటి. ఈ ప్రమాదం కారణంగా ప్రపంచవ్యాప్తంగా గ్యాస్ మార్కెట్&zwnj;లో కొరత &nbsp;తీవ్రమయ్యే అవకాశం ఉంది.</p> <p>ఈ ప్లాంట్ ప్రతిరోజూ దాదాపు 1.4 బిలియన్ స్టాండర్డ్ క్యూబిక్ ఫీట్ల గ్యాస్&zwnj;ను ఉత్పత్తి చేసి పలు దేశాలకు ఎగుమతి చేస్తుంది. ఖతార్ ఈ గ్యాస్&zwnj;ను ప్రధానంగా తన దేశంలో విద్యుత్ తయారు చేయడానికి, తాగునీటి ప్లాంట్లను రన్ చేయడానికి ఉపయోగిస్తుంది. ఈ ప్లాంట్ యాజమాన్య హక్కులు ఖతార్ ప్రభుత్వ సంస్థ అయిన ఖతార్ ఎనర్జీ చేతిలో ఉన్నాయి. కొద్దిపాటి వాటా అమెరికా కంపెనీ 'ఎక్సాన్&zwnj;మొబిల్' వద్ద ఉందని సమాచారం.</p> <p>అమెరికా, ఇరాన్ యుద్ధం కారణంగా హర్మూజ్ జలసంధి మూతపడటంతో ఖతార్ తన గ్యాస్ నౌకలను బయటకు పంపలేకపోయింది, అందుకే ఉత్పత్తిని నిలిపివేసింది. ఇప్పుడు యుద్ధం ముగియడం, అమెరికా, ఇరాన్ మధ్య శాంతి చర్చలు జరుగుతున్న క్రమంలో ఖతార్ ఈ గ్యాస్ టెర్మినల్&zwnj;ను ఓపెన్ చేయాలని ప్రయత్నించగా భారీ పేలుడు సంభవించినట్లు ఖతార్ ఇంధన శాఖ మంత్రి షెరిదా అల్ కాబీ సోమవారం (జూన్ 22 న) తెలిపారు.</p> <p><strong>మళ్లీ ఎల్&zwnj;పీజీ కొరత&nbsp;</strong><br />ఈ పేలుడు కారణంగా మరోసారి గ్యాస్ సంక్షోభం ఏర్పడే సూచనలు ఉన్నాయి. యూరప్, ఆసియాలోని పలు దేశాలు తమ ఇంధన, విద్యుత్ అవసరాల కోసం పూర్తిగా ఖతార్ గ్యాస్&zwnj;పైనే ఆధారపడతాయి. యుద్ధం కారణంగా ఖతార్ నుండి గ్యాస్ సరఫరా &nbsp;నిలిచిపోవడంతో ధరలు ఆకాశాన్ని తాకుతున్నాయి. పరిస్థితులు సద్దుమణిగి ఖతార్ ఎగుమతులు మళ్లీ మొదలవుతాయని భావిస్తున్న సమయంలో ఈ ప్రమాదం సంభవించడంతో ఎల్పీజీ సరఫరా పునరుద్ధరణకు మరికొంత సమయం పట్టే అవకాశం ఉంది.</p>