<p><strong>Hanuman Producer Niranjan Reddy Complaint Against Director Prasanth Varma :</strong> 2018లో 'అ' అనే మూవీతో డైరెక్టర్‌గా ఇండస్ట్రీలోకి ఎంట్రీ ఇచ్చారు ప్రశాంత్ వర్మ. ఆ తర్వాత 'జాంబిరెడ్డి'తో మంచి క్రేజ్ సంపాదించుకున్నారు. ఇక 'హనుమాన్' మూవీతో బిగ్గెస్ట్ సక్సెస్ అందుకుని పాన్ ఇండియా స్థాయి డైరెక్టర్‌గా మారారు. ఆ తర్వాత ప్రశాంత్ సినిమాటిక్ యూనివర్స్ నుంచి వరుస ప్రాజెక్టులు అనౌన్స్ చేశారు. ఈ యూనివర్స్‌లో రెండో మూవీ 'మహాకాళి' చేస్తున్నారు. ఈ ప్రాజెక్టుకు ప్రశాంత్ వర్మ స్టోరీ, స్క్రీన్ ప్లే అందిస్తుండగా... పూజ అపర్ణ కొల్లూరు దర్శకత్వం వహిస్తున్నారు. </p>
<p>రీసెంట్‌గా ప్రశాంత్ వర్మపై నిర్మాతలు ఆగ్రహంతో ఉన్నట్లు తెలుస్తోంది. తమ వద్ద అడ్వాన్సులు తీసుకుని సినిమాలు చేయమంటే... స్టోరీ, స్క్రీన్ ప్లే అందించి అసిస్టెంట్ డైరెక్టర్లతో చేయిస్తామని చెబుతున్నారని అంటున్నారు. ఈ విషయం ఫిలిం చాంబర్‌లోనే తేల్చుకుంటామని చెప్పినట్లు తెలుస్తోంది. ఈ క్రమంలో తాజాగా ప్రశాంత్ వర్మపై 'హనుమాన్' ప్రొడ్యూసర్ నిరంజన్ రెడ్డి ఫిలిం చాంబర్‌లో కంప్లైంట్ ఇచ్చారు.</p>
<p><strong>రూ.100 కోట్లు ఇవ్వాలి</strong></p>
<p>ప్రస్తుతం ఈ విషయం ఇండస్ట్రీలో హాట్ టాపిక్‌గా మారింది. 'హనుమాన్' సినిమా తర్వాత తమకు అధీర, మహాకాళి, జై హనుమాన్, బ్రహ్మ రాక్షస వంటి సినిమాలు చేస్తానని... తమ వద్ద రూ.10.3 కోట్ల అడ్వాన్సులు తీసుకున్నారని నిరంజన్ రెడ్డి తెలిపారు. కానీ, సినిమాలు చేయడం లేదని... పైగా రూ.10.23 కోట్లతో వేరే నిర్మాతల దగ్గర ఉన్న 'ఆక్టోపస్' మూవీని తమతో కొనిపించారని చెప్పారు. 'ఆ సినిమా NOC కూడా ఇప్పించడం లేదు. ఈ 5 సినిమాల లాస్ ఆఫ్ బిజినెస్ ఆపర్చునిటీస్ కింద ప్రశాంత్ వర్మ నుంచి రూ.100 కోట్ల నష్ట పరిహారం కావాలి. అలాగే అధీర సినిమా కోసం రూ.కోటి అడ్వాన్స్ ఇచ్చాను. అవన్నీ వెనక్కి ఇప్పించండి.' అంటూ ఫిర్యాదులో పేర్కొన్నారు. దీనిపై త్వరగా ఓ నిర్ణయం తీసుకుని తమకు రావాల్సిన డబ్బులను ఇప్పించాలని ఫిలిం చాంబర్ ముందు నిరంజన్ రెడ్డి ఆవేదన వ్యక్తం చేశారు.</p>
<p><strong>ప్రశాంత్ వర్మ రియాక్షన్</strong></p>
<p>ఈ అంశంపై డైరెక్టర్ ప్రశాంత్ వర్మ స్పందించారు. తాను ఆ సినిమాలు చేస్తానని ఎక్కడా చెప్పలేదని... కనీసం అగ్రిమెంట్స్ కూడా లేవని తెలిపారు. ''ఆక్టోపస్' విషయంలో ఏదైనా ఇష్యూ ఉంటే ప్రొడ్యూస‌ర్‌తోనే తేల్చుకోవాలి. హనుమాన్ సినిమా ఏకంగా రూ.295 కోట్లు కలెక్ట్ చేసింది. నాకు సినిమా లాభాల నుంచి వాటా రావాలి. కానీ రూ.15.82 కోట్లు మాత్రమే వచ్చాయి. అది హనుమాన్ చిత్రంలో నా షేర్. నా డబ్బును ఎగ్గొట్టి వేరే సినిమాల్లోకి డైవర్ట్ చేశారు.</p>
<p>'అధీర' కోసం రూ.కోటి అడ్వాన్స్ ఇచ్చారని చెబుతున్నారు. కానీ అది టీజర్ డైరెక్ట్ చేయడానికి ఇచ్చారు. హనుమాన్ చిత్రం నుంచి నాకు రావాల్సిన డబ్బులు ఎగ్గొట్టేందుకే ఈ కథలు అల్లుతున్నారు.' అని చెప్పారు. మరి ఈ వివాదం ఏ మలుపు తిరుగుతుందో తెలియాల్సి ఉంది.</p>
<p><strong>Also Read : <a title="అలా మొదలైంది... మా తొలి పరిచయం - అల్లు శిరీష్ నయనికల లవ్ స్టోరీ వెనుక నితిన్ వైఫ్" href="https://telugu.abplive.com/entertainment/cinema/allu-sirish-opens-up-about-first-meet-with-nayanika-behind-his-love-story-225757" target="_self">అలా మొదలైంది... మా తొలి పరిచయం - అల్లు శిరీష్ నయనికల లవ్ స్టోరీ వెనుక నితిన్ వైఫ్</a></strong></p>
<p><strong>నిర్మాతల ఆగ్రహం!</strong></p>
<p>అయితే, 'హనుమాన్' సక్సెస్ తర్వాత చాలా పెద్ద పెద్ద నిర్మాణ సంస్థలు ప్రశాంత్ వర్మతో మూవీస్ చేసేందుకు ముందుకు వచ్చినట్లు తెలుస్తోంది. ఆయా నిర్మాతల నుంచి దాదాపు రూ.80 కోట్ల నుంచి రూ.100 కోట్ల వరకూ అడ్వాన్సులను ప్రశాంత్ తీసుకున్నారనే వార్తలు వచ్చాయి. ఈ డబ్బుతో హైదరాబాద్‌లో సొంతంగా ఓ స్టూడియోను కూడా నిర్మించుకుంటున్నట్లు టాక్ వినిపిస్తోంది. ఇప్పుడు మూవీస్ గురించి అడుగుతుంటే స్టోరీ, దర్శకత్వ పర్యవేక్షణ చేస్తాను తప్ప మూవీస్ తీయను అంటున్నారట ప్రశాంత్. దీంతో ఆయనపై ఫిలించాంబర్‌లో కంప్లైంట్ ఇచ్చేందుకు నిర్మాతలు రెడీ అయ్యారని కూడా వార్తలు వచ్చాయి. </p>
<p>ఈ జాబితాలో డీవీవీ ఎంటర్టైన్మెంట్స్ కూడా ఉండగా... రీసెంట్‌గానే డీవీవీ దానయ్య దీనిపై క్లారిటీ ఇచ్చారు. తాము ప్రశాంత్ వర్మకు ఎలాంటి రెమ్యునరేషన్ ఇవ్వలేదని స్పష్టం చేశారు. అయితే, ప్రస్తుతం మిగిలిన నిర్మాతలు ప్రశాంత్ వర్మపై ఆగ్రహంతో ఉన్నారట. తమకు సినిమాలు అయినా చేయాలని లేకుంటే తాము ఇచ్చిన అడ్వాన్సులు వెనక్కు ఇవ్వాలని డిమాండ్ చేస్తున్నారట.</p>
<p><iframe class="vidfyVideo" style="border: 0px;" src="https://telugu.abplive.com/web-stories/here-are-the-top-10-telugu-movies-with-highest-collections-at-indian-box-office-142014" width="631" height="381" scrolling="no"></iframe></p>
1 month ago
2 
