Power of Walking : పరగడుపునే వాకింగ్ చేస్తే కలిగే లాభాలు ఇవే.. మరి తిన్న తర్వాత నడవకూడదా? నిపుణులు ఇచ్చే సలహాలు ఏంటి?

<p><strong>Benefits of Empty Stomach and Post-Meal Walks</strong> : వాకింగ్ చేస్తే ఆరోగ్యానికి ఎన్నో ప్రయోజనాలు అందుతాయి. ఈ విషయం అందరికీ తెలుసు. అయితే తినకముందు.. మార్నింగ్ వాకింగ్ చేస్తే మంచిదని కొందరు చెప్తుంటే.. లేదు లేదు తిన్న తర్వాత వాకింగ్ చేస్తే మంచిదని మరికొందరు చెప్తారు. మరి ఈ రెండిటీలో ఏది నిజం. తినకుండా పరగడుపున వాకింగ్ చేస్తే కలిగే లాభాలు ఏంటి? తిన్న తర్వాత వాకింగ్ చేస్తే కలిగే ప్రయోజనాలు ఏంటి?&nbsp;</p> <p>రోజుకు కనీసం 30 నిమిషాలు వాకింగే చేస్తే చాలామంచిదని తాజా అధ్యయనం తెలిపింది. అయితే ఒకేసారి కాకపోయినా.. గ్యాప్ ఇచ్చి కూడా ఈ వాకింగ్ చేయవచ్చని సూచించింది. టైమ్ కాకుండా అడుగులను ట్రాక్ చేస్తుంటే కనీసం రోజుకు 2,000 నుంచి 8,000 అడుగులు వేయాలని సూచిస్తుంది. ఇలా రోజు నడవడం వల్ల గుండె జబ్బులు దూరమై, క్యాన్సర్ వంటి సమస్యలు పది శాతం తగ్గుతాయని తెలిపింది.&nbsp;</p> <h3><strong>తినకుండా వాకింగ్ చేస్తే..&nbsp;</strong></h3> <p><strong>మెటబాలీజం పెరుగుతుంది :</strong> ఉదయాన్నే తినకుండా వాకింగ్ చేస్తే మెటబాలీజం పెరుగుతుంది. ఇది కొవ్వును కరిగించడంలో హెల్ప్ చేస్తుంది. మెటబాలీజం స్లోగా ఉంటే.. బరువు తగ్గడం కష్టమవుతుంది. అలాగే శరీరం పోషకాలను సమర్థవంతంగా ఉపయోగించుకోవడంలో హెల్ప్ చేస్తుంది.&nbsp;</p> <p><strong>ఎనర్జీని ఇస్తుంది :</strong> జీవక్రియ మెరుగైతే.. రోజంతా ఎనర్జీటిక్​గా ఉంటారు. ఇది మీ సామర్థ్యాన్ని పెంచడంలో హెల్ప్ చేస్తుంది. దీనివల్ల మీరు వర్క్​ని తొందరగా చేసుకోగలుగుతారు. నడక వల్ల శరీరంలో రక్తప్రసరణను పెంచుతుంది. దీనివల్ల మీరు రిఫ్రెష్​గా ఉంటారు. అలసట దూరమవుతుంది.&nbsp;</p> <p><strong>బరువు తగ్గడంలో :</strong> ఉదయాన్నే వేగంగా వాకింగ్ చేస్తే.. బరువు, కొవ్వు వేగంగా కరుగుతుంది. ఇంటర్నేషనల్ జర్నల్ ఆఫ్ ఒబెసిటీ ప్రకారం.. మార్నింగ్ వాకింగ్ కొవ్వు కణజాలాన్ని తగ్గిస్తుందని.. పొట్టను తగ్గించడంలో హెల్ప్ చేస్తుంది. 12-16 వారాలు కంటిన్యూగా చేస్తే శరీరంలో మార్పులు మీరే చూడొచ్చని చెప్తున్నారు. ఖాళీ కడుపుతో వాకింగ్ చేస్తే 70 శాతం కొవ్వు తగ్గిపోతుందట. దీనివల్ల గుండె ఆరోగ్యం కూడా మెరుగవుతుంది. ఉదయాన్నే ఎండలో నడుస్తే శరీరానికి విటమిన్ డి అందుతుంది. దీనివల్ల బోన్స్​కి కూడా హెల్ప్ అవుతుంది.&nbsp;</p> <h3><strong>తిన్న తర్వాత వాకింగ్ చేస్తే..</strong></h3> <p><strong>జీర్ణక్రియ మెరుగవుతుంది :</strong> తిన్న తర్వాత వాకింగ్ చేస్తే.. జీర్ణక్రియ మెరుగవుతుంది. కడుపు ఉబ్బరం, మలబద్ధకం వంటి సమస్యలు తగ్గుతాయి. ఎసిడిటీ సమస్యలు దూరమవుతాయి.&nbsp;</p> <p><strong>గుండె సమస్యలు దూరం :</strong> రక్తపోటు తగ్గుతుంది. శ్వాసకోశ సమస్యలు కంట్రోల్​లో ఉంటాయి. టైప్ 2 డయాబెటిస్ సమస్యలను తగ్గించుకోవడంలో హెల్ప్ చేస్తుంది. బ్లడ్​లో​ షుగర్​ లెవల్స్​ని కంట్రోల్ చేస్తాయి. ముఖ్యంగా గుండె సమస్యలు వంటి దీర్ఘకాలిక వ్యాధులను దూరం చేస్తాయి.&nbsp;</p> <p>కాబట్టి తిని నడిచినా.. తినకుండా నడిచినా ఆరోగ్య ప్రయోజనాలు శరీరానికి అందుతాయి. అయితే మీరు నడవాలి అనుకుంటే తినకుండా కొంత సేపు నడిచి.. తిన్న తర్వాత కూడా కాసేపు నడుస్తూ ఉంటే మంచి ఫలితాలను పొందవచ్చు.&nbsp;</p> <p><iframe class="vidfyVideo" style="border: 0px;" src="https://telugu.abplive.com/web-stories/lifestyle/side-effects-of-consuming-white-bread-194788" width="631" height="381" scrolling="no"></iframe></p> <p><strong>Also Read :&nbsp;<a href="https://telugu.abplive.com/lifestyle/kushboo-sundar-inspiring-weight-loss-journey-she-loses-32-kilos-in-3-years-with-walking-and-simple-dietary-changes-194762" target="_blank" rel="noopener">మూడేళ్లలో 32 కిలోలు తగ్గిన సీనియర్ హీరోయిన్.. కుష్బూ వెయిట్ లాస్ జర్నీ ఇదే</a></strong></p> <div id="article-hstick-inner" class="abp-story-detail "> <div id="article-hstick-inner" class="abp-story-detail "> <div id="article-hstick-inner" class="abp-story-detail "> <div id="article-hstick-inner" class="abp-story-detail "> <p><strong>గమనిక</strong>: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్&zwnj;ను సంప్రదించాలి. ఈ ఆర్టికల్&zwnj;లో పేర్కొన్న అంశాలకు &lsquo;ఏబీపీ దేశం&rsquo;, &lsquo;ఏబీపీ నెట్&zwnj;వర్క్&rsquo; ఎటువంటి బాధ్యత వహించవని గమనించగలరు.</p> </div> </div> </div> </div>