<p>Ponnam Prabhakar On SIR: తెలంగాణలో ఓటర్ల జాబితా సవరణ పేరుతో భారీగా ఓట్లు తొలగిస్తున్నారని మంత్రి పొన్నం ప్రభాకర్ ఫైర్ అయ్యారు. ఓటర్ల తొలగింపుపై ప్రశ్నిస్తున్న వారిని అరెస్టులు చేయడం, అవమానించడం తగదన్నారు. ఈ విషయంలో బీజేపీ రాష్ట్ర అధ్యక్షుడు రాంచందర్ రావుకు బహిరంగ సవాల్ విసిరారు.</p>
<h3>బాధితులను మీ ముందే నిలబెడతాం </h3>
<p>"ఓటు హక్కు కోల్పోయిన వారు ఎవరైనా ఉన్నారా అని బీజేపీ రాష్ట్ర అధ్యక్షుడు రామచంద్ర రావు ప్రశ్నించడం సరికాదు. పోలీసులతో అరెస్టులు చేయించడం కాకుండా ఆయన తేదీ, సమయం ప్రకటిస్తే ఓటు హక్కు కోల్పోయి ఆందోళన చెందుతున్న బాధితులను ఆధారాలతో సహా ఆయన ముందుకు తీసుకొస్తాను" అని పొన్నం ప్రభాకర్ స్పష్టం చేశారు. ఓటర్ల జాబితా సవరణలో జరిగిన పొరపాట్లపై బాధితులకు సమాధానం చెప్పాల్సిన బాధ్యత ఎన్నికల సంఘంపై ఉందన్నారు.</p>
<h3>ఎస్సీ, ఎస్టీ, బీసీ, మైనార్టీ వర్గాల ఓట్లపై కుట్ర </h3>
<p>ఓటర్ల జాబితా సవరణ(SIR) ప్రక్రియ పారదర్శకంగా జరగడం లేదని మంత్రి ఆరోపించారు. దేశవ్యాప్తంగా దాదాపు 13 కోట్ల ఓట్లు, హైదరాబాద్‌లోనే 40 లక్షలు, తెలంగాణ రాష్ట్రవ్యాప్తంగా సవరణ పేరుతో 70 లక్షల ఓట్లు తొలగించారని ఆందోళన వ్యక్తం చేశారు. <a title="బీజేపీ" href="https://telugu.abplive.com/topic/BJP" data-type="interlinkingkeywords">బీజేపీ</a>కి వ్యతిరేకంగా ఉండే ఎస్సీ, ఎస్టీ, బీసీ, మైనార్టీ వర్గాల ఓట్లను తొలగించేందుకు ప్రయత్నాలు జరుగుతున్నాయని ఆయన ఆరోపించారు. రోజువారీ కూలీలు, నిరక్షరాస్యులు, వృద్ధులు ఆధార్ కార్డులు ఉన్నప్పటికీ తమ ఓటు హక్కును నిరూపించుకోవడానికి ఆఫీసుల చుట్టూ తిరగాల్సి వస్తోందన్నారు. </p>
<p>Also Read: <a title="రానున్న 8 నెలల్లో ఎల్‌నినో సవాళ్లు.. ముందస్తు కార్యాచరణకు సీఎం రేవంత్ రెడ్డి ఆదేశం" href="https://telugu.abplive.com/telangana/hyderabad-el-nino-crisis-cm-revanth-reddy-orders-robust-action-plan-and-power-savings-261225" target="_self">రానున్న 8 నెలల్లో ఎల్‌నినో సవాళ్లు.. ముందస్తు కార్యాచరణకు సీఎం రేవంత్ రెడ్డి ఆదేశం</a></p>
<p>తన సొంత ఓటు విషయంలోనూ తండ్రి పేరు (సత్తయ్య / సత్యనారాయణ గౌడ్) తేడా సాకుగా చూపి తొలగించే ప్రయత్నం జరిగిందని మంత్రి గుర్తుచేశారు. మాజీ ఉపరాష్ట్రపతి వెంకయ్య నాయుడు సైతం గతంలో ఓటరు నమోదు, ఆధారాల సమర్పణపై ఎదురైన ఇబ్బందులను ప్రస్తావించారని, సామాన్యుల పరిస్థితి మరింత దారుణంగా ఉందన్నారు.</p>
<h3>ఓటు బచావో - దేశ్ బచావో</h3>
<p>స్వాతంత్ర్యం వచ్చిన 80 ఏళ్ల తర్వాత ప్రజలు తమ రాజ్యాంగబద్ధమైన ఓటు హక్కును కాపాడుకోవడానికి పోరాడాల్సిన పరిస్థితి రావడం విచారకరమని మంత్రి పొన్నం అన్నారు. అర్హులైన ఒక్క ఓటరు కూడా తన హక్కును కోల్పోకూడదని డిమాండ్ చేస్తూ, “ఓటు బచావో - దేశ్ బచావో.. ప్రజాస్వామ్యాన్ని, రాజ్యాంగాన్ని కాపాడుకుందాం” అనే నినాదంతో ప్రజాస్వామ్య హక్కుల పరిరక్షణకు ఉద్యమిస్తామని స్పష్టం చేశారు. <br /><br />Also Read: <a title="రైలు ప్రయాణికులకు గుడ్‌న్యూస్.. అక్టోబర్ 25 వరకు దసరా స్పెషల్‌ రైళ్లు" href="https://telugu.abplive.com/telangana/hyderabad/south-central-railway-dasara-special-trains-via-kazipet-connecting-secunderabad-sirpur-kaghaznagar-and-hazrat-nizamuddin-261195" target="_self">రైలు ప్రయాణికులకు గుడ్‌న్యూస్.. అక్టోబర్ 25 వరకు దసరా స్పెషల్‌ రైళ్లు</a></p>
2 weeks ago
2 
